I Semut tekén I Nyawan
- Authors
- Illustrator
- Koleksi Pribadi
- Where does this book take place
- Related Ceremony or Holiday
- Related Env. Initatives
- ISBN
- —
- Original language
- Balinese
- Link to Whole Story
- Words to Learn for this Book
Description
In English
In Balinese
Ada tuturan satua I Semut teken I Nyawan ane nongos di alase jimbar. Uli cenik ia makadadua saling tulungin, saling asihin, keto masih bareng ngalih amah-amahan mapan pada-pada demen teken ane sarwa manis. Disubane kelih, I Semut patut nulungin kulawargane mupulang amah-amahan anggona bekel ri kala masan dingine teka. I Semut mula buron ane jemet pesan magae tur demen magotong royong. Keto masih I Nyawan, sesaian makeber ngindang nuju sekancan bunga ane nedeng kembang. I Nyawan mula alep, sabilang lakar ngisep sarin bunga, ia satata matari malu teken bungane. Sarin-sarin bunga totonan nyanan dadianga madu baan I Nyawan tur kasimpen di umahne. Kacrita sedek dina anu, gumine nemu masan dingin. I Semut teken timpal-timpalne sedeng iteh ngarag-ngirigang bekel amah-amahan di song umahne. Ane jani umah I Nyawan srayang-sruyung kaampehang angin di tongose tegeh. I Nyawan ngenggalang pesu menahin bongkol umahne ane magantung, apang tusing ulung uli punyane. Makekeh ia menahin umahne, tusing tawang uling dija kaden saget teka angin nglinus ngusak-asik. I Nyawan das-dasan kena angin nglinus, nanging ia maan selah mengkeb di bongkol carang punyane. Yadiastun nyidang makelid, nanging lacur umahne I Nyawan kakeberang baan angine totonan. Sebet pesan kenehne I Nyawan kelangan umah. Suba makelo ia mupulang madu, saka besik matari teken bunga-bungane, nanging jani disubane mapupul jeg ilang tusing ada masisa. Jani I Nyawan marasa seduk kewala ia tusing ngelah apa-apa. Buina ia tusing mampuh ngalih amah ulian suba leleh ngaepin angin baret ituni. Ia negak nyleleg di bongkol punyan gede sambilanga mapineh-pineh ngalih selah apang nyidang ngamah. Ri kala mapangenan, I Nyawan nepukin I Semut mara pesu uli song umahne. Ditu galang kenehne I Nyawan tur mabudi lakar ngidih amah-amahan. Ngegarang bayu I Nyawan ngaukin I Semut sambilanga majalan, Semut... semut... I Semut maekin I Nyawan laut mamunyi, Enken Nyawan ? Adi jeg lemes buka keto cai ? Anak kuangan apa roh? cara biasane I Semut ngenyorin I Nyawan. Masaut lantas I Nyawan sambilanga ngetelang yeh paningalan, Umah.. umah icange ilang kakeberang baan angin baret huhuhu.... Jani icang tusing ngelah umah, tusing masih ngelah amah-amahan. Dot pesan icang ngisep sarin bunga, nanging kampid icange suba tusing mampuh makeber. Jani icang lakar ngidih tulung ajak cai, baang ja icang ngidih amah-amahan nang abedik. Apang payu dogen liwat dinane jani. Buin mani icang buin lakar mautsaha ngalih amah-amahan padidi. I Semut marasa padalem nepukin timpalne kena bencana buka keto. Nanging rasa pedalemne ngenggalang ilang disubane inget teken jani sedeng masan dingin, ia nyeh tusing pekpekan maan ngamah yen ngemang I Nyawan ngidih. I Semut mentingang kulawargane apang tusing kuangan amah-amahan. Masan jani keweh pesan ngalih amah. Yen I Nyawan baang ngidih, nyanan cang sing maan apa. Konden buin amah-amahane suba pada-pada mabagi rata apang semut lenan maan. buka keto kenehne I Semut. Ento mawinan ia masaut buka kene Ih Nyawan, icang suba kaukina ngajak reraman icange di tengah. Cobakin ditu alih-alihin di bongkol punyan lad umah caine, nyen nawang nu masisa ketelan madu ditu. I Nyawan kamemegan ningeh munyin saklek I Semut. Ia tusing madaya timpalne tusing ngelah rasa pedalem buka keto. Ngangsehang masih I Nyawan majalan nuju bongkol punyan tongos umahne magantung ipidan. Ditu ia nyelepang sisan ketelan madu. Ento kangguanga malu anggon ngisinin basang seduk. Di tengah rasa sebet, I Nyawan ngeka daya lakar ngemang I Semut paplajahan ulian bikasne ane tusing ngelah pangrasa. Kacrita jani kampid I Nyawan suba dadian, ia lantas makeber ngalih sarin-sarin bunga tur ngae umah di bongkol punyane. Magimeh ia nyelepin saka besik bunga dinane totonan apang enggal nyidang mupulang madu ane liu. Uli kangin ngauhang, uli kaja ngelodang, luas, singgah ka bunga-bunga ane nedeng kembang. Sabilang I Nyawan inget teken munyin I Semut, tangkah I Nyawan engsek. Nyansan inget teken unduke totonan, nyansan jengah tur gresiuh ia mupulang madu. Suba aminggu ia mupulang madu, suba atekor ia ngelah madu di bongkol punyane. Amone suba kangguang neh. Mani jeg rasaang cai I Semut, tusing ja nyidang buin cai makiba. Rasaang sebetne tusing ada ane nulungin cai dikewehe. Jani suba teka dinane I Nyawan mancingin kenehne I Semut. Ri kala I Semut teken panyamane sedeng mapupul tur iteh ngorta, I Nyawan ngliwatin I Semut mapi-mapi ngetelang madu di arep I Semut. Suba kanti ping telu I Semut nepukin I Nyawan ngulungang madu ngaenang pesu dayan corah I Semut. Ih luas acepok dogen suba liu pesan I Nyawan nyidang makatang madu. Dija jani umahne I Nyawan nah? I Semut mamunyi di kenehne sambilanga nuutin ketelan madu di tanahe. Mara majalan neked di bongkol punyan gede, I Semut kepingon nepukin blungbang ane misi madu nanging tusing ada nyawan ane nyaga madune totonan. Ngenggalang I Semut majalan mulih ka song umahne laut mupulang makejang nyamane paturu semut. Nguda cai gageson keto macelep ka song umahe ? ada nyamane ane mamunyi cara keto. I Semut masaut Nyaman-nyaman icang ajak makejang, mai malu mapupul. Ada ane lakar ortaang abedik. . Sambrag nyaman-nyamane maekin I Semut. Mamunyi lantas I Semut Kene meme, bapa, bli, muah mbok... Tuni icang maan nepukin madu liu pesan di bongkol punyan gede. Buina tusing ada nang abesik nyawan ane nongosin madune totonan. Icang ngelah daya, buin mani das lemahe, ajaka bareng-bareng kemu ngalih madu. Ajaka kajang madune totonan ka umahe dini. Apang iraga pekpekan maan ngamah di masan dingin buka kene. Enken asane ? Cocok ? . Ada lantas nyamane mamunyi Ah dija ada unduk madu sing tongosina baan nyawane... . I Semut masaut bangras Nah yen cai tusing pracaya, ngoyong gen jumah. Ane dot nawang, jalan mani das lemahe tuutin icang. Buin manine, ngedas lemah I Semut suba nundun panyamane. Saka besik pesu uli song umah mabaris rapi nuju bongkol punyane. Disubane neked di bongkol punyan, makejang semute dangkrak-dingkrik baan liangne nepukin madu liu. I Semut lantas mamunyi Neh icang suba ngorang dini ada amah-amahan liu. Jani enggalang kajang madune satonden I Nyawan nepukin. . Makejang tusing nyak saling pabedikin nyemak madu apang enggal ngajang ka song umahe. I Semut muah panyamane pada-pada ngrunyung madu totonan. I Nyawan ane uli tuni suba ngintip di carang punyane kenyem-kenyem nepukin I Semut suba macelep ka pangindrajalane. I Semut ngangsehang ngebekin basangne aji madu, kanti bibihne kembung ngemkem madu. Ulian baas liu basang muah bibihne misi madu, jani batis I Semut leklok tusing nyidang majujuk apa buin majalan baan baatne ngaba awak. Suba mresekang pesan I Semut ngleserang batis nanging ia tusing masih nyidang majujuk. Nyaman-nyamane ngenggalang nulungin I Semut. Nanging lacur, tileh masih ia tusing nyidang majujuk. Buina nyaman-nyamane maserod tur ulung ka blungbang madune laut mati ulian kelem. Tusing ada nang abesik nyamane ane enu idup. I Semut nyansan paling, ia mesuang madu di kemkemane tur mautsaha ngutahang madu di basangne apang enggal magedi uli tongose totonan. Nanging lima batis I Semut suba telah uyak madu. Ento ane ngranaang ia tusing nyidang magedi krana batisne supa pada-pada neket. Limane I Semut masih tusing nyidang nyujuh tongos lenan anggo magisiangan. Nyansan paling I Semut lantas makraikan Tulungg... tulung... tulung... sambilanga ngeling. I Nyawan pesu uli tongosne mengkeb tur makeber ngliwatin I Semut ane sedeng nandang lara. I Semut ane nepukin I Nyawan liwat lantas makaukan Nyawan... Nyawannn.. Tulungi icang, tulung.. tulungg.. . I Semut suba tusing buin nyidang makiba, batis-batisne neket di madune. I Nyawan makeber maekin I Semut tur mamunyi Aduh adi kakene lacur idup caine I Semut ? Kaden suba pekpekan maan ngamah, adi enu masih sengsara. Telahang suba madun icange makejang. Icang nu nyidang ngalih sarin-sarin bunga ane lenan. Adeng-adeng nelahang madune nah. Icang lakar luas malu... . Tusing buin ngantiang I Semut masaut, I Nyawan ngenggalang makeber nambung ngalih tongos anyar anggona ngae umah buin. Pamuputne, I Semut mati ditongose manis. Keto suba upah anake momo cara pajalan I Semut. Ia nemu sengkala diliange. I Semut tusing bani makidihang nang abedik teken I Nyawan, nanging ngedotang apang satata liu maan ngidih. Sujatinne yen iraga ngemang anake ngidih, tusing ja ngaenang iraga kuangan. Keto masih anake ngidih, patut nerima tur ngajinin anake ane suba mapunia. Buina yen iraga lakar nulungin anak, tusing dadi milih-milihin kulit. Yadiastun ia tusing manyama teken iraga, patut masih saling tulungin.
In Indonesian
Pada suatu ketika, musim dingin tiba. Semut dan teman-temannya sedang asyik memindahkan bekal makanan di rumahnya. Sementara, rumah Lebah di tempat yang tinggi sedang terhuyung-huyung karena tertiup angin. Dengan cepat Lebah keluar memperbaiki panggal rumahnya yang menggantung, agar tidak jatuh dari pohon. Ia berusaha keras memperbaiki posisi rumahnya, namun entah dari mana, tiba-tiba datang angin puyuh yang mengganggu. Hampir saja Lebah terena angin puyuhitu, tetapi ia mendapat celah untuk bersembunyi di bawah ranting pohon. Walaupun Lebah bisa menghindar, sayang sekali rumahnya berhasil diterbangkan oleh angin tersebut. Lebah merasa sangat sedih telah kehilangan rumah. Sudah lama ia mengumpulkan madu, meminta ijin pada bunga-bunga satu persatu, namun ketika sudah terkumpul, tiba-tiba hilang tak tersisa apapun. Sekarang Lebah merasa lapar namun ia tidak punya apa-apa. Terlebih lagi ia sudah tidak mampu mencari makan karena sudah lelah setelah menghadapi angin kencang tadi. Ia duduk bersandar di pangkal pohon yang besar sambil berpikir-pikir, mencari celah agar bisa makan sesuatu. Ketika menyesali keadaannya, Lebah melihat Semut yang baru saja keluar dari lubang rumahnya Perasaan Lebah menjadi lega dan bermaksud untuk meminta makanan. Dengan berusaha menyemangati diri, Lebah berjalan memanggil Semut, “Semut... semut...!” Semut mendekati Lebah dan berkata, “Ada apa Lebah? Kenapa kamu lemas seperti itu? Memangnya ada kurang apa?” Semut merayu Lebah seperti biasanya. Kemudian Lebah menjawab sambil meneteskan air mata, “Rumah... rumahku hilag diterbangkan oleh angin kencang huhuhu.... Sekarang aku tidak punya rumah, juga tidak punya makanan. Aku ingin sekali mengisap sari bung, namun sayapku sudah tidak mampu membawaku terbang. Sekarag aku ingin meminta bantuanmu, ijinkanlah aku meminta makanan sedikit. Agar bisa aku melewati hari ini saja. Esok hari aku akan berusaha mencari makanan sendiri.” Semut meraa kasihan melihat temannya terkena bencana seperti itu Namun rasa kasihannya hilang dengan cepat ketika ingat bahwa saat ini sedang musim dingin. Ia takut nanti tidak akan memiliki makanan yang cukup apabila memberikan makanan kepada Lebah. Semut lebih mementingkan keluarganya agar tidak kekurangan makanan. “saat ini susah sekali mencari makanan. Bila memberi pada Lebah, nanti aku tidak mendapatkan apa-apa. Belum lagi persediaan makanan sudah dibagi rata agar semua semut mendapatkan makanan.” seperti itu isi perasaan Semut. Sehingga Semut menjawab seperti ini “Eh Lebah, aku sudah dipanggil oleh orang tuaku di dalam. Coba saja cari-cari di bawah pohon bekas rumahmu, siapa tahu ada sisa-sisa tetesan madu di sana.” Lebah terkejut hingga tidak isa berbicara karena mendengar perkataan sinis dari Semut. Ia tidak pernah membayangkan temannya bisa tidak berperasaan seperti itu. Lebah berusaha keras untuk berjalan menuju pohon tempat rumahnya menggantung dulu. Di sana ia menjilati sisa-sisa tetesan madu. Itu yang ia pakai sementara untuk mengisi perut. Di tengah kesedihannya, Lebah membuat rencana untuk memberikan pelajaran pada Semut karena perilakunya yang tidak berperasaan. Diceritakan sekarang sayap Lebah sudah membaik, lalu ia terbang mencari sari-sari bunyadan membuat rumah di bawah phon. Pada hari itu, ia dengan semangat menjilati satu persatu bunga agar bisa mengumpulkan madu yang banyak dengan cepat. Dari timur menuju barat, dari utara ke selatan, pergi, singgah ke tempat bunga-bunga yang bermekaran. Setiap Lebah ingat dengan perkataan Semut, dada Lebah menjadi sesak. Semakin ingat dengan kondisi sat itu, semakin terpantik semangatnya untuk mengumpulkan madu. Sudah seminggu ia mengumpulkan madu, sudah sekitar setakir daun pisang banyak madu yang ia miliki di bawah pohon. “Segini saja cukup. Rasaka besok Semut, kamu tidak akan bisa berkutik. Rasakan sedihnya tidak ada yang akan membantumu ketika kesulitan.” Sekarang tibalah hari Lebah mempermainkan perasaan Semut. Ketika Semut dan sesamanya sedang berkumpul dan asik mengobrol, Lebah melewati Semut sambil sengaja meneteskan madu di depan Semut. Sudah sampai tiga kali Semut melihat Lebah menjatuhkan madu sehinga muncul ide licik Semut. “Ih, sekali pergi saja Lebah sudah bisa mendapatkan banyak madu. Di mana rumah Lebah sekaran, ya ?” Semut berbicara di dalam hati sambil mengikuti jejak tetesan madu di tanah. Baru berjalan sampai ke bawah pohon besar, Semut terheran-heran melihat kubangan yang berisi madu namun tidak ada kawanan lebah yang menjaga madu tersebut. Dengan cepat Semut berjalan pulang menuju rumah dan mengumpulkan semua saudaranya sesama semut. “Kenapa kamu tergesa-gesa masuk ke dalam rumah?” ada saudaranya yang berkata seperti itu. Semut menjawab “Saudara-saudaraku semuanya, mari berkumpul dahulu. Ada yang akan aku bicarakan sedikit”. Saudara-saudaranya berhamburan mendekati Semut. Lalu semut berkata, “Begini ibu, bapak, kakak semuanya... Tadi aku melihat ada banyak sekali madu di bawah pohon besar. Namun tidak ada satupun lebah yang menjaga madu tersebut. Aku punya ide, besok pagi-pagi buta, mari mencari madu bersama-sama ke sana. Nanti kita pindahkan madu tersebut ke rumah ini. Agar kita punya makanan yang cukup di musim dingin ini. Bagaimana kira-kira ? Setuju?”. Kemudian ada saudaranya yang berkata “Ah di mana ada madu yang tidak dijaga oleh lebah....”. Semut menjawab dengan marah “Iya kalau kamu tidak percaya, diam saja di rumah. Yang penasaran, mari pagi-pagi buta ikuti aku.” Keesokan harinya, pagi-pagi buta Semut sudah membangunkan saudara-saudaranya. Satu persatu keluar dari lubang dan berbaris rapi menuju pangkal pohon. Sesampainya di bawah pohon, semua semut menari-nari kegirangan melihat banyak madu. Semut lalu berkata “Nah, sudah aku bilang ada banyak makanan di sini. sekarang cepat pindahkan madunya sebelum Lebah melihatnya”. Agar cepat memindahkan madu, semua semut idak mau membawa sedikit madu. Semut dan saudaranya sama-sama mengerumuni madu tersebut. Lebah yang sedari tadi mengintip di ranting pohon tersenyum melihat semut sudha masuk ke dalam perangkapnya. Semut berusaha keras memenuhi perutnya dengan madu, sampai mulutnya mengembung mengulum madu. Karena terlalu banyak perut dan mulutnya berisi madu, sekarang kaki Semut jadi terkulai lemah, tidak bisa berdiri apalagi berjalan karena badannya terlalu berat. Semut sudah memaksakan meluruskan kaki namun ia tetap tidak bisa berdiri. Saudara-saudaranya dengan cepat membantu Semut. Namun sayang. tetap saja Semut tidak bisa berdiri. Ditambah lagi saudara-saudaranya terpelincir jatuh ke daam kubangan madu lalu mati tenggelam. Tidak ada satupun saudaranya yang masih hidup. Semut semakin gelisah, ia mengeluarkan madu dari dalam mulutnya dan berusaha memuntahkan madu di dalam perutnya agar bisa dengan segera pergi dari tempat itu. Namun tangan dan kaki Semut sudah terkena madu . Itu yang membuat ia tidak bis pergi karena kakinya sudah menempel. Tangannya juga sudah tidak bisa menjangkau tempat yang lebih tinggi untuk berpegangan. Semut semakin gelisah dan berteriak “Tolong... tolong... tolong...” sambil menangis. Lebah keluar dari tempatnya bersembunyi dan melewati Semut yang sedang sengsara. Semut melihat Lebah lewat lalu memanggilnya “Lebah... Lebahhh... Tolong aku, tolong.. tolong..”. Semut sudah tidak bisa berkutik lagi. Lebah terbang mendekati Semut dan berkata “Aduh kenapa seperti ini hidupmu Semut? Kan sudah mendapat makanan yang berkecukupan, kenapa masih sengsara? Habiskan saja semua maduku. Aku masih bisa bisa mencari sari-sari buna lainnya. Hati-hati menghabiskan madunya ya. Aku akan pergi dulu...”. Lebah tidak lagi menunggu Semut menjawabnya, Lebah dengan segera terbang tinggi mencari tempat baru untuk membuat rumah lagi. Pada akhirnya, Semut mati di tempat yang manis.
Begitulah akibatnya orang yang serakah seperti tingkah laku Semut. Ia mendapatkan bencana dalam kesenangan. Semut tidak berani memberikan sedikit makanannya pada Lebah, namun selalu ingin menerima banyak. Sejatinya apabila kita memberikan sesuatu kepada orang lain, tidak akan membuat diri kita kekurangan. Begitu pula orang yang meminta sesuatu, harus menerima dan menghargai pemberian orang lain. Lebih-lebih ketika kita akan menolong orang, tidak boleh memebeda-bedakan derajat. Walaupun mereka bukan saudara kandung kita, juga harus saling tolong menolong.Reviews
(change interface language in upper right corner to see reviews in other languages)No reviews added yet.
Videos
Nothing was added yet.
Enable comment auto-refresher