3 - Luh Ayu Manik Mas, Luh Ayu Manik Pahlawan Lingkungan

Deskripsi

Video by: A.A. Ari Laksemi

Basa Inggris

When walking home after watching ogoh-ogoh, Luh Ayu Manik and Putu Nita were surprised to see the young people falling up and running around, and screaming in fear accompanied by asking for help. "Tulung-tulung ..." shouted Wayan. There are people who can walk. the body is tall and made of all kinds of plastic and cork. Instantly Luh Ayu Manik remembered I Wayan's behavior with and I Made who liked to throw away the trash when making ogoh-ogoh into the river this morning.

Basa Bali

Sedek majalan mulih suud mabalih ogoh-ogoh, Luh Ayu Manik lan Putu Nita makesiab nepukin truna-trunane pati purug malaib, sada gelar-gelur jejeh tur ngidih tulung. Tulung-tulung , keto Wayan kraik-kraik. Ada ogoh-ogoh bisa majalan. Awakne gede ganggas lan makaput aji plastik, gabus, lan botol plastik. Prajani Luh Ayu Manik inget teken solah I Wayan ajak I Made ane ngentungang luu sisan ngae ogoh-ogoh ke tlabahe tuni semengan.

Basa Indonesia

Saat berjalan pulang setelah menonton ogoh-ogoh, Luh Ayu Manik dan Putu Nita terkejut melihat para muda-mudi lari tunggang langgang, dan berteriak ketakutan sembari meminta pertolongan. "Tolong-tolong..." Demikian Wayan berteriak-teriak. Ada ogoh-ogoh bisa berjalan. Badannya tinggi besar dan terbuat dari segala macam plastik dan gabus. Seketika Luh Ayu Manik ingat dengan perbuatan I Wayan dan I Made yang membuang sampah sisa saat membuat ogoh-ogoh ke sungai tadi pagi.

Reviews

(change interface language in upper right corner to see reviews in other languages)

Review by: Komang Sulasmini

LuhAyu Manik Mas puniki nyeritayang indik anak luh saking bali sane kukuh tur nresnain budaya bali. luh ayu manik mas puniki wantah prawireng sane wikan tur waged sane medue pikenoh majeng sane ngarye buku puniki tur semeton sejebag jagat. ring kawentenan buku niki, para semeton ketunas lungsur mangde presida nentuang karakter utawi paripolah sane manut tur anut majeng para istri sane kantun bajang sane mewit saking bali tur permargine ring kauripan dane buku niki naler keanggen nyobyahang majeng pare semeton sejebag jagad mangde sareng- sareng aktif nyelametang gumi. ring cerita puniki ni luh ayu manik mas pastika nemuang napi sane mewasta sane yukti-yukti indik sampah plastik sane ngewetuang pikobet tur baya majeng semeton sami. melarapn antuk cerita puniki, iraga generasi muda mangde presida aktif tur kreatif ngirangin nganggen sampah plastik sane manggen serahina.kewentenan tokoh ni luh manik mas puniki keaptiang mangde presida dados tatuladan nresnin turngerajegang sastra lan budaya bali ring era milinium sekadi mangkin

Review by: A.A. Ari Laksemi

Satua puniki becik pisan saantukan madaging piteket mangda iraga sareng sami sayaga antuk bahaya sampah plastik. Satua puniki becik kaanggen referensi ring sekoah-sekolah mangda para janane peduli sareng lingkungan.

Review by: Luh Made Wardyaningsih

Carita puniki kabaos becik, duaning prasida ngicenin paplajahan majeng ring krama sami mangda prasida urati ring palemahan druwe. Sakadi sane sampun kauningin, ritepengan mangkin makeh pisan prasida kacingak sakancan luu utaminnyane luu plastik ring margine, ring tukade, nyantos neked ring segarane. Yening kabanggiang sakadi asapunika sinah prasida mapikolih kaon majeng ring kramane. Punika mawinan carita punika dahat mabuat pisan mangda kramane nenten lali indik nyaga karesikan palemahan antuk ngirangin luu plastik miwah sadagingnyane.

Review by: Ni Putu Karlina Dianti, M.Pd

Ring carita san mamurda Pahlawan Lingkungan nten makudang-kudang piteket san patut kapikayunin miwah kalaksanayang. Luh Ayu Manik Mas pinaka prawireng putri saking Bali san setata ngalaksanayang dharma ring jagat silih tunggilnyan mangda prasida nyaga karesikan palemahan Bali. Ring aab jagat mangkin kantun ak kacingak leluu ring soang-soang palemahan san mawit saking leluu don-donan miwah leluu plastik. Nanging san banget ngawinang baya inggih punika leluu plastik. Punika mawinan ritatkala ngwac carita Luh Ayu Manik Mas san mamurda Pahlawan Lingkungan prasida nudut kayun titiang mangda alit-alite mangkin sayan uning tek ning pabinayan leluu plastik miwah don-donan napi malih ning leluu plastik punika nten karincikang antuk becik prasida ngawinang baya ageng ring jagat Ring carita punika sampun katlatarang ning pemerintah mangkin sampun nikain kraman sami mangda ngirangin kawigunan plastik utawi kr ning jagi matumbasan. Leluu plastik punika ning kakutang ngawag prasida ngawinang jagat cemer miwah plastik marupa barang san nyag, mabinayan sareng leluu don-donan san gelis nyag. Siyosan punika, yening kraman nunjel plastik, sinah sayan ngawinang kahanan sane jel pisan. Sesai ngandek andus saking plastik san matunjel prasida ngawinang baya kaslametan iraga sareng sami. nten makudang-kudang pinyungkan san kabuatang olih andus plastik punika sekadi marasa sesek, puruh, ngutah, miwah san lianan. Leluu plastik punika ning taler kakutang ring tukad prasida ngawinang baya san ageng inggih punika kaw ntenan blabar rikalaning sabeh ageng santukan leluu plastik punika ngempetin pamargin toya ring tukade. Punika marupa silih tunggil parisolah san nten patut katulad krana ngawinang baya majeng ring kahuripan kraman san nten madu arsa ngalestariang palemahan krana rumasa aluh pisan ngutang ka tukad tur nten mikayunin malih baya san kabuatang ring njang pungkur. Punika mawinan iraga sareng sami mangda setata urati ring palemahan utaminipun majeng kaw ntenan leluu plastik. Saking kulawarga soang-soang, kaaptiang mangda prasida sampun ngirangin kawigunan plastik rikala jagi matumbasan. Luh Ayu Manik Mas sampun ngic paplajahan san becik pisan majeng kraman sami yening jagi matumbasan patut makta tas kain sane ramah lingkungan miwah nten ngawinang kahanan baya ring gumin Siyosan punika, ring carita punika kabaosang yening Luh Ayu Manik Mas sareng truna-trunine ring Rahina Ngembak Geni tedun mareresik ring tukad miwah sakidehnyan Parilaksana punika patut katulad saking alit saantukan iraga sareng sami san madue palemahan punika tur mangda setata ngreresikin nyabran rahina. Punika mawinan, Luh Ayu Manik Mas prasida ngic piteket sane becik majeng titiang miwah kraman sami indik napi san prasida kalaksanayang mangda prasida ngwantu pemerintah ngirangin kawigunan leluu plastik. Tur malih, yening nten leluu plastik ring palemahan, mangda gelis urati antuk mareresik ring soang-soang palemahan. Carita puniki taler prasida ngawantu alit-alite mangda madu pikayun indik baya san wenten ring palemahan yening ngawag ngutang leluu ring tukad utawi nunjel plastik punika. Sasampune ngwac carita puniki, titiang dados guru prasida nyobyahang majeng alit-alit sami indik baya san jagi rauh yening ngawag ngutang leluu plastik tur tata cara ngirangin kawigunan plastik ring kahuripan sarahina. Saking kulawarga miwah sekolah, kaaptiyang mangda ngic paplajahan majeng alit-alit indik baya plastik majeng palemahan saantukan kulawarga miwah sekolah pinaka genah sane pinih becik ngic piteket mangda urati ring palemahan san ngic kawigunan becik ring njang pungkur yening sampun kalestariang. Luh Ayu Manik Mas pinaka prawireng putri saking Bali sane patut katulad parilaksananyan olih alit-alit ring aab jagat mangkin. Ngiring mangkin sareng sami ngalestariang palemahan pakardin Ida Sang Hyang Widhi sane sampun ngic makudang-kudang pikolih majeng kahuripan.

Review by: Weda Sanjaya

Komik puniki nyaritayang indik kawentenan yowana istri sane wau kelas SMP sane mawasta Luh Ayu Manik. Ipun madue waranugraha prasida nyuti rupa dados prawira sane magelung lan mabusana sarwa emas, mawasta Luh Ayu Manik Mas. Komik sane kawangun antuk 21 halaman puniki kasurat olih pangawi anom Putu Supartika, nyaritayang indik pamargin Luh Ayu Manik lan sawitrannyane nyanggra rahina Nyepi. Kacarita Luh Ayu Manik sareng sawitrannyane, Putu Nita lunga ka pasar numbas rakan banten. Ipun sareng kalih sampun makta tas kain, santukan eling ring pabesen gurune sane ngandikain mangda prasida ngutsahayang ngirangin ngangge plastik sakadi tas kresek miwah sane lianan. Sakewanten ring margi ipun sareng kalih manggihin sawitrane, para truna sane wusan makarya ogoh-ogoh sami ngentungang luu plastik miwah sisan gabus ring tukade. Rikala Pangrupukane, para truna-truni sami ngarap ogoh-ogoh. Rupan ogoh-ogohe aeng-aeng pisan. Luh Ayu Manik lan Putu Nita taler nonton ogoh-ogoh. Disampune puput, sami pada mawali budal, gumine sampun sepi. Saget para truna-trunane patikaplug malaib sambal katulung-tulung nganikaang wenten ogoh-ogoh bisa mamargi. Ogoh-ogohe maawak plastik tur ngamuk nunjel makasami sane kacingak. Irika Luh Ayu Manik nyuti rupa dados Luh Ayu Manik Mas tur nglawan ogoh-ogoh plastike punika. Risampune sida kakonang, ogoh-ogohe punika mabesen kapining para truna-truni mangda sida nyaga kaasrian lan katengetan tukade tur nenten ngentungang luu irika. Wusan punika ogoh-ogohe punika ical. Luh Ayu Manik Mas mawali ka jatimula. Sasukat punika truna-trunine sayan uning ring pentingne nyaga kalestarian palemahan. Sami jemet nyarengin mareresik ring palemahan desane. Nganutin daging komik Luh Ayu Manik Mas punika, kapisaratang majeng ring iraga sareng sami mangda prasida sareng-sareng nyaga kaasrian palemahan antuk ngirangin ngangge plastik. Kawentenan piteket punika taler pinaka pidabdab sane mabuat pisan sajeroning nyobyahang pangaptin pamrintah provinsi Bali indik ngirangin kawentenan plastik nganutin Pergub Bali nomer 97 warsa 2018. Pidabdab sane prasida kalaksanayang katelatarang majalaran antuk piteket tokoh Pak Budi, minakadi piteket dane mangda yening makta canang mangda ngangge sokasi alit, yening ka pasar mangda makta tas kain, yening nunas tirta mangda makta genah tirta soang-soang, miwah sane tiosan.

Videos

Nothing was added yet.