Sang Mong Nangtang Manusa

Location
Event
Dictionary words

    Summary



    In English

    In Balinese

    Makejang beburon di Alas Jenggala Sila jejeh tekening Sang Mong. Mapan Sang Mong beburon galak tur ames ngamah beburon lenan. Kidang, kambing, bojog, sampi, jaran, makejang borosina. Beburon makuku rencek lan macaling mangan ento nyidang masih ngalahang gajah. Sasukat Sang Mong ngmatiang gajah, prajani alas Jenggala Sila sereb. Yen ada Sang Mong adanan kelidin bandingang matiang tur sarapa, keto keneh beburon di alas Jenggala Sila.

    Rikala tengai, Sang Mong nglincak di tengah alase. Dugas ento Sang Mong nepukin I Gajah sane sedeng ngetis di punyan kayune.

    We, gajah, keto Sang Mong ngertak I Gajah.

    Bangun, bangun, bangun. Enggalang sembah kai. Gustin caine teka malancaran, nguda cai enu mamules. Sing ngelah tika, sing ngelah panguna dika cai dadi panjak, bangun, bangun, bangun

    Ampurayang titiang gusti, keto pasaut I Gajah.

    I Gajah inget tekening timpalne ane mati kasarap Macan. Ia pules boya sangkaning tusing nawang tika, tusing nawang sesanan panjak tekening gusti. Ia pules kerana gelem.

    Awak caine dogen gede, kewala cai beburon gerap turin belog, keto Sang Mong ngwalek.

    I Gajah mautsaha bangun. Ipun ngangguk-nganggukang sirahne cihna sembah bhakti tekening raja. Di tengah kenehne, I Gajah gedeg, Kleng, sumbung sajan cai. Antosang pawales kaine tekening cai.

    Nunas pangampura titiang ratu agung. Sayuwakti titiang beburon kalintang tambet, nanging titiang nenten ja gerap. Dong cingakin tundun titiange, keto I Gajah nujuhang tundune ane matatu tur magetih. Titiang wawu masiat nglawan manusa. Titiang jengah, gedeg, santukan manusa punika ngusak-ngasik kadatuan palungguh Cokor I Ratu. Samaliha ipun nangtangin cokor i ratu. Sakadi puniki munyin ipune, We, nyen raja dini, mai kai arepang. Sing buwungan kal matiang, kal dadiang sate, asapunika omongan manusane. Nika sane mawinan titiang jengah, gedeg santukan purun nangtangin cokor i ratu. Titiang nyagjagin tur kal saup aji tamulele. Nanging i manusa becat makelid, maimbuh ngebogin. Tundun tiange katebek antuk tumbak. Ulian gedeg basang tiange teken ipun, malih kal uber. Ri sampun macepuk, malih ipun ngomong Icang sing suka masiat ngajak cai, joh tanding kawisesan caine. Kema jani cai mulih, alih rajan caine, Sang Mong mara masaih ajak kasaktian kaine . Kenten i manusa nangtangin. Titiang ten purun nguningayang maring palungguh cokor i ratu. Banggiang titiang sane nglawan tur ngmatiang i manusa. Niki wantah swadharman titiang nyaraka ring palungguh gusti.

    Ngoyong, keto saut Sang Mong.

    I Gajah makenyem di tengah atine sawireh nyidang manes-manesin Sang Mong.

    Gelah bagia ningeh munyin caine buka keto. Saja cai prawira tur sutindih tekening gumi. Kewala kene, depang wake ngamatiang i manusa, mapan ia nangtangin kai. Ngoyong cai dini, keto pasut Sang Mong.

    Alon-alon dumun gusti prabu, keto I Gajah nugtugang satuane. Rikala titiang nyambatang ring ipun, he manusa, melahang cai mapeta. Gusti kaine siteng, situh, sing buwungan cai lakar ngemasin mati. Gede munyin ipun nyautin, Icang suba biasa ngmatiang macan

    Sang Mong ngancan pedih ningeh satuane I Gajah. Matane nelik, ikutne menek. Ia ngaum tur ngedengang caling lan kukune rencek.

    Kenken goban manusane ento? Enggalang sambatang

    Inggih kawentenan manusane punika, awakne cenik gilik, ngelah batis lan lima dadua, plaibne becat. Suud natuin titiang, ipun mlaib nganginang

    Sang Mong ngenggalang makecos tur mekad uling tongose ento. I Gajah kedek ngerikik maan nguluk-nguluk Sang Mong.

    Jani ba gantin caine mati. Saja cai siteng, situh, teguh, kewala ulah angkuh. Sing buugan iba mati. Amah telasang

    Becat sajan plaib sang mong. Neked di sisin abinge, ia nepukin anak negen kayu. Anake ento mabatis dadua, malima dadua, pajalanne jegjeg. Pasti manusa, keto kenehne Sang Mong.

    He, manusa keto Sang Mong ngertak. Apake cai manusa ane ngamatiang macan? Apake cai ane nyerihang panjak gelahe I Gajah?

    I Manusa prajani ngejer. Dot malaib nanging i macan ane galak pastika enggal ngepung tur nyagrep. Ipun mautsaha tusing jejeh, lantas ngomong kene tekening sang mong.

    Ampura gusti prabu, titiang wantah jlema belog turin lemet. Adan titiang Ketut Nyamprut, geginan titiange ngalih saang. Titiang lempe, nenten prasida ngasorang gusti pinaka raja ring tengahing wana sane sampun kasub kaweng mawisesa, keto Ketut Nyamprut nyautin.

    Men, nyen manusa ane siteng tur nyidang ngmatiang macan ento?

    Ipun timpal titiange, Putu Bagas wastannyane. Ipun wantah juru boros kalintang wanen tur sampun akeh mademang macan.

    Pedihne Sang Mong ngancan ngabar-abar. Ia dot enggal macepuk tur ngamatiang juru boros ane madan Putu Bagas ento.

    Orahin timpal caine mai jani Icang dot muktiang tekening ia, tuah kai ane paling siteng paling mawisesa di alase ene.

    Ampura gusti prabu, yening titiang ngalih ipun ajak meriki, nentenke Gusti Prabu pacang matilar saking genahe niki. Sauning titiang, Putu Bagas punika kalintang sakti, yadiastun ipun kategul nenten ja jerih ngarepang musuh.

    Oh cai sangsaya tekening kai? Nah lamun keto, tegul awak wakene dini apang tusing nyidang mekaad uling tongose ene. Kal antosang juru boros ane sumbung ento.

    Ketut Nyamprut makenyem. Saja tutur anak lingsir, sing ada pelihne ngaku gerap, ngaku lempe, mapan Sang Mong pastika sida kabogbogin. Ipun ngenggalang nyemak tali tur negul Sang Mong di punyan kayune. Suud negul, Ia lantas mekad sambilanga negen sang.

    Ketut Nyamprut buin teka kewala tusing ngajak Putu Bagas, juru boros ane kalintang wanen tur teguh ento. Ipun teka padidian sambilanga natad tumbak. Sing makelone tumbake katancebang di baongne Sang Mong.

    In Indonesian

    Semua binatang di hutan Jenggala Sila takut kepada harimau. Sebab harimau buas dan suka menerkam binatang lainnya. Kijang, kambing, kera, banteng, kuda, semua diburu dan dimangsa. Binatang buas dengan kuku dan taring tajam itu juga mengalahkan binatang besar seperti gajah. Sejak saau itu, suasana di hutan Jenggala Sila mencekam. “Lebih baik menghindari harimau daripada binasa diterkam binatang buas itu,” keluh kesah para binatang di hutan Jenggala Sila.

    Suatu siang, harimau jalan-jalan di hutan. Saat itu ia melihat seekor gajah sedang berteduh di bawah pohon.

    “Hai, gajah,” gertak harimau.

    “Bangun, bangun, bangun. Cepatlah menyembah. Rajamu datang kenapa kau masih tidur. Tidak punya etika kau. Bangun, bangun, bangun!”

    “Ampun paduka,” ucap gajah.

    Gajah teringat akan temannya yang mati diterkam binatang belang itu. Ia tertidur bukan karena tidak hormat, namun karena sakit.

    “Hanya tubuhmu yang besar namun kau bodoh dan penakut,” ledek harimau.

    Gajah berusaha berdiri. Ia mengangguk-anggukkan kepalanya pertanda beri hormat. Dalam hati Gajah menggerutu, “Sombong sekali kau. Tunggu balasanku.”

    “Mohon ampun paduka. Benar saya binatang bodoh, namun bukan penakut. Lihatlah punggung hamba,” jawab gajah sambil menunjukkan luka di punggung yang masih berdarah. “Hamba baru saja usai bertarung dengan manusia. Saya marah karena manusia itu merusak kerajaan tuanku. Bahkan manusia itu menantang paduka raja. ‘Siapa rajamu, ayo ke sini bertarung denganku. Akan kubunuh rajamu’. Seperti itu tantangan manusia itu. Saya terpancing dan marah untuk menjaga kewibawaan negeri ini. Saya bertarung dengannya karena dia menantang tuanku. Hamba kejar dan ringkus dengan belalai. Namun manusia itu cepat menghindar dan menyerang hamba dari belakang. Punggung hamba dilukai dengan kapak. Hamba marah dan berusaha mengejarnya lagi. Setelah bertemu lagi dia bilang hamba bukanlah tandingannya. Hamba disuruh pulang dan menyampaikan kepada tuanku. Sebab hanya tuankulah yang sepadan dengan kesaktiannya. Hamba takut menyampaikan tantangan ini kepada paduka. Biarlah hamba yang melawannya walaupun nyawa ini taruhannya. Ini adalah kewajiban hamba melindungi tuanku.”

    “Jangan,” jawab harimau.

    Gajah tersenyum karena telah berhasil membakar amarah harimau.

    “Aku bangga dengan keberanianmu. Biarlah aku yang membinasakan manusia itu, sebab tantangannya ditujukan padaku. Kamu diam saja di sini,” kata harimau.

    “Bersabarlah tuanku,” pinta gajah melanjutkan ceritanya. “Ketika hamba mengatakan kepadanya, hai manusia jagalah perkataanmu. Rajakulah yang terkuat dan terhebat, kau akan binasa. Manusia itu menjawab dengan suara tinggi, aku sudah terbiasa membunuh harimau!”

    Harimau makin marah. Matanya mendelik, ekornya naik. Ia mengaum menunjukkan taring dan kukunya yang tajam.

    “Bagaimana rupa manusia itu, cepat katakana!”

    “Tubuhnya kecil. Berkaki dua, bertangan dua, larinya cepat. Setelah melukai hamba dia lari ke arah timur.”

    Harimau melompat dan berlari meninggalkan tempat itu. Gajah cekikikan karena berhasil memperdayai harimau.

    “Sekarang saatnya kau binasa. Memang kau hebat kuat, namun sombong. Kau akan binasa di tangan manusa. Rasain lu!”

    Harimau berlari kencang. Setiba di tepi jurang, ia melihat lelaki tua mengangkut kayu bakar. Lelaki tua itu berkaki dua, bertangan dua, jalannya tegak. “Pastilah manusia,” pikir harimau.

    “Hai, manusia,” gertak harimau. “Apakah kau manusia yang telah membinasakan banyak harimau? Apakah kau yang melukai gajah?”

    Lelaki tua itu gemetar. Ingin berlari, namun harimau pastilah dapat mengejar dan memangsanya. Ia berusaha menenangkan diri, lalu menjawab perkataan harimau.

    “Maafkan hamba paduka, saya hanyalah menusia bodoh dan lemah. Nama hamba Ketut Nyamprut. Pekerjaan hamba mencari kayu bakar di hutan ini. Hamba manusia lemah manalah mungkin mampu mengalahkan paduka yang maha kuat. Paduku terkenal perkasa,” ucap Ketut Nyamprut.

    “Lalu, siapa manusia kuat yang mampu mengalahkan harimau itu?”

    “Dia adalah teman hamba, namanya Putu Bagas. Dia adalah pemburu pemberani dan sudah banyak membunuh harimau.”

    Amarah harimau berkobar-kobar. Ingin sekali ia segera bertemu pemburu bernama Putu Bagas itu.

    “Beritahu temanmu itu agar segera datang kemari. Aku mau membuktikan padanya, akulah yang terkuat dan terhebat di hutan ini.”

    “Maafkan paduka, jika hamba pergi dari tempat ini untuk mencari Putu Bagas, tidakkah paduka akan meninggalkan tempat ini. Setahu hamba, Putu Bagas manusia tangguh, tidak menyerah melawan musuh meskipun dia terikat.”

    “Oh, kau tak usah ragu padaku? Jika seperti itu kekhawatiranmu, ikatlah aku agar tak bias pergi dari tempat ini. Aku tunggu pemburu sombong itu di sini.”

    Ketut Nyamprut tersenyum. Benar tutur tetua, tak ada salahnya merendahkan diri, mengaku takut ataupun lemah. Terbukti harimau berhasil dikibuli. Ia bergegas mengambil seutas talu dan mengikat harimau di batang pohon. Ia lalu pergi mengangkut kayu bakar.

    Sekembalinya ke hutan, Ketut Nyamprut tak mengajak serta Putu Bagas, pemburu yang hebat itu. Dia datang seorang diri membawa tombak. Tak lama kemudian, tombak itu menancap di leher harimau.
    Nothing was added yet.