Summary
In English
In Balinese
Prabu Jayawikrama ane madeg nata di Puri Badrasakarana kasenengin olih panjak idane, pamekasnyane para pamacul. Napi mawinan? Santukan Ida Sang Prabu sane wicaksana urati tekening tanah carik, taler ring pakraman. Sangkaning urati riing entik-entikan, tanah carik muang tanah tegalan pada mokoh. Ida Sang Prabu taler tresna lan sutindih ring kaluwihan jagat. Ring salantang margi mentik taru-taru paneduh, ring bancingah Ida taler ngwangun taman sari sane ngelangunin. Taman sane pinih becik tur akeh karauhin olih kramane inggih punika taman puri. Ring taman punika mentik taru-taru sane buahnyane nged, taler makudang-kudang sekar sane nedeng kembang warna-warni. Sabilang semeng Ida Sang Prabu macecingak ka taman malila cita sinambi mirengang kedise magending ngucaci. Dikenkene Ida Sang Prabu munggah pedau ring telaga tengahing taman. Sedek dina anu, Ida Sang Prabu Jayawikrama kagiat nyingakin taman idane rusak tan pagantulan. Entik-entikanne bah medempetan, buah-buahane makacakan, padang lan sekare maabutan. Kedis-kedise makeber, ngungsi sangkaning jejehne kaliwat. Mara katetesin, ada Bojog Irengan ngamuk di taman. Bojog mabulu selem ento kecas kecos di punyan-punyanan kayune, ngentungang buah-buahane, ngelungang carang kayune. Lantas makecos ka bet-bete, ngempok bunga tur kabrarakan. Ida Sang Prabu kalintang duka nyingakin parisolah Irengan sane ngadug-adug. He, Pamah Patih pangandikan Ida Sang Prabu majeng patih idane sane kasayangang. Bojoge ento tusing ja ngusak-asik taman gelahe, nanging lakar ngusakang tegalan panjak gelahe. Juk, celepang ka kerangkeng Paman Patih lantas nitahang juru boros purine. Ada ngaba tumbak, jaring, sumpit, panah, ada masih ane ngaba cicing galak. Uling milehan juru borose ngepungin I Irengan. Nanging Irengan dueg makelid. Dikenkene mengkeb di betbete, lantas menek punyan kayu tur mengkeb di don-donane ngrembun. Juru borose ada menek punyan kayu lakar ngulagin i bojog ane ngancan ngrusuhin. Nanging i bojog tusing makirig, maimbuh ngewerin, kenyar kenyir ngelanting di carang kayune. Jani gaenang sayemwara titah Ida Sang Prabu disubane nyingakin juru borose tusing nyidang ngejuk I Irengan. Nyen ja nyidang ngejuk Irengan, idup utawi mati, maan hadiah kebo matanduk emas Paman Patih lantas milehan nyobihang sayemwarane ento. I Yuyu enten ningehang pasobiah pangabih purine. Ia dot ngemilunin sayemwarane ento. Ia gegirik makatang hadiah kebo matanduk emas. I Yuyu dot muktiang tekening manusa lan buron ane lenan yening sumanggup ngejuk i bojog Irengan. Yen menang, ia dadi prawireng puri tur maan hadiah kebo matanduk emas. Akutus icang ngelah batis, sinah elah ben kai ngejuk bojog Irengan. Antosang nah, jani gantine icang muktiang teken cai ajak makejang, yuyu beburon sakti turin dadi prawireng puri. Buktiang keto munyin I Yuyu nyumbungan raga. Yadiastun pajalan I Yuyu lembed, neked masih ia di jaba tandak purine. Ia ningalin juru borose nyengenget ka punyan kayune. Cicing borosane ngongkong galak kecag kecog nagih nyagrep. Tuwunang iban caine, bojog Irengan sing ngelah pangundadika. Tuwunang iban caine keto juru borose kauk-kauk. Kramane ane segrep sanjata sayaga di beten punyan kayune sambilang kuwuk-kuwuk. Suba uling duang lemeng I Bojog Irengan ane ngusak-ngasik tetamanan puri tusing tuwun uling punyan kayune tegeh turin gede. Suba liu juru borose mongkod ngalih menek, nanging tusing nyidang neked di muncuk kayune. Nengil-nengil I Yuyu lantas megaang mongkod punyan kayune. Tusing ada ane urati, disubane I Yuyu ngerepe di carang-carang kayune mara panjake bengong turin heran. To tingalin, ada Yuyu mongkod ngerepe di punyan kayune keto munyin juru borose ane ngetarang I Yuyu mongkod kayu. Mih Dewa Ratu Agung, sing matilesan raga, buron cerik masih milu sayemwara. Pajalanne gen ngeridip, kudiang lakar ngejuk bojog. Hahahaha, ada-ada gen. Mih, sajan belahan pane belahan paso, celebingkah beten biu. Ada kene ada keto, gumi linggah ajak liu, kayang yuyu milu sayemwara, hahahaha, lucu lucu, keto juru borose ngewalek. Yadiastun ngeridip, nanging I Yuyu ane maawak bunter cerik ento nyidang neked di tongos Bojog Irengan mengkeb. Dugas ento I Bojog Irengan sedeng pules. Geris-geris ngerok tusing nawang bayane nibenin. Jani ba galah melah ngejuk I Bojog Irengan, keto kenehne I Yuyu. Juru borose di beten setata nyulengek ka punyan kayune. Makasami nyantosang i bojog galak pacang ngmatiang tur ngerecah bangkenne I Yuyu. Tusing makelone, tan paada ane narka, i bojog mabulu selem ento ulung ka telabahe. Makejang masuryak, lantas macebur milu ka telabahe. Nanging boya bangkene I Yuyu karecah olih Irengan tepukina di telabahe. Sawalikne I Yuyu ngapit baongne i bojog mabulu selem. Mirib bojoge ento tangkejut baongne kapit Yuyu lantas ulung mageblug ka telabahe. Ulian tusing bisa ngelangi, i bojog ngemasin mati. Gelah nyerahang kebo matanduk emase ene tekening cai, mapan cai suba nyidang ngalahang i bojog, runtuh wacanan Ida Sang Prabu rikala nyukserahang hadiahe tekening I Yuyu. Makejang panjake di Puri Badrasakarana masuryak girang nyingakin Ida Sang Prabu garjita ring kayun. Pamekas bojog mabulu selem ane ngusak-ngasik taman sari suba ngemasin mati. Semitan Ida Sang Prabu lan panjak idane egar, bungah. Makasami angob nyaksiang I Yuyu ane wanen turin dueg nyidang ngalahang bojog mabulu selem. Tusing makelone, panjake ane mapunduh di bencingah puri kedek ngakak. Tingalin to. Jeg lucu sajan icang nepukin unduke jani. To tolih, I Yuyu ngedeng kebo matanduk emas Sing kodag-kodag liangne I Yuyu mapan man hadiah ane kaaptiang. Ia ngenggalang ngedeng kebone. Ia jejeh yening kebone leb utawi kajarah olih i manusia. Jani itunganne negulang kebone di umahne. Nanging lacur, kebo maawak gede ento tusing nyidang macelep ka umahne I Yuyu. I Kebo makale, tan panyelapang tundune I Yuyu kaenjekin. Brakkkk.... I Yuyu pingsan. Aget, buin akejepne I Yuyu inget tekening raga. Ngengsehang ia nengengang matane. Saget awakne ane bunter jani lempeh maimbuh tundune cekok. Da bes gegirik tekening hadiah ane gede turin mael, Yuyu Sujatine hadiah totonan tusing maguna buat cai, keto sinalih tunggil juru borose ngamigmig sambilanga nureksain codet di tundune I Yuyu. Codetane ento marupa tapak batis kebo. Uling sekat ento, tundune I Yuyu codet utawi cekok.
In Indonesian
Jayawikrama, pemimpin Kerajaan Badrasakarana sangat disenangi rakyatnya yang hidup bertani. Mengapa tidak? Raja yang bijaksana itu di samping memajukan pertanian, juga suka memelihara kelestarian lingkungan alam. Dengan memelihara kelestarian lingkungan itu, maka tanah-tanah pertanian tetap subur. Selain itu, beliau juga sangat mencintai keindahan. Di sepanjang jalan bertumbuhan pohon-pohon perindang, dan di semua kota besar maupun kecil, beliau membangun taman-taman yang indah. Taman yang paling indah dan banyak dikunjungi orang adalah taman istana. Di taman itu bukan saja tumbuh pohon-pohon perindang yang berbuah lebat, tetapi pohon bunga-bungaan beraneka warna. Setiap pagi raja berjalan-jalan keliling taman menghirup udara segar dan mendengarkan nyanyian burung. Kadang-kadang raja naik sampan di sungai yang membentang di tengah-tengah taman. Pada suatu hari Prabu Jayawikrama terkejut melihat taman yang indah itu porak poranda. Semak-semak rebah berhimpitan, buah-buah yang ranum berserakan, rumput dan bunga-bungaan tercabut hidup-hidup. Burung-burung beterbangan, mengungsi ketakutan. Selidik punya selidik, ternyata seekor kera bernama Irengan mengamuk. Kera berbulu hitam itu melompat-lompat dari pohon ke pohon, melemparkan buah-buahan serta mematahkan ranting dan dahan. Kemudian terjun ke semak-semak, lalu meluluhlantakkan bunga-bungaan. Prabu Jayawikrama sangat marah melihat ulah kera yang kurang ajar itu. “Hai, Paman Patih!” katanya kepada patih yang selalu setia mendampinginya. “Kera itu bukan saja merusak taman, tetapi juga akan merusak kebun rakyat. Oleh karena itu tangkap dia, lalu kurung dalam kerangkeng!” Paman Patih segera mengerahkan pemburu-pemburu istana. Ada yang membawa tombak, jaring, sumpit, panah, dan ada pula yang membawa anjing galak. Mereka memburu kera itu dari segala penjuru. Tetapi kera yang lincah itu amat pandai menghindar. Sebentar menyelusup ke semak-semak, kemudian memanjat pohon dan mengusir kera yang semakin kurang ajar itu. Namun kera itu tek bergeming, bahkan memamerkan diri bergelantungan dengan enaknya. “Sekarang adakan sayembara!” demikian perintah raja setelah melihat perburuan yang gagal itu. “Barang siapa yang berhasil menangkap Irengan, mati atau hidup, akan mendapat hadiah seekor kerbau bertanduk emas!” Paman Patih berkeliling meneriakkan pengumuman yang berhadiah besar itu. Teriakan yang keras membangunkan seekor kepiting yang sedang beristirahat. Nama kepiting itu I Yuyu. Ia ingin sekali mengikuti sayembara itu, apalagi menjanjikan hadiah besar. Ia juga ingin menunjukkan kepada setiap orang, bahwa bangsa kepiting berhak dan sanggup mengikuti sayembara itu. Apabila menang, tentu saja I Yuyu akan menjadi pahlawan dan memiliki seekor kerbau bertanduk emas. “Dengan delapan kakiku, akan kutangkap Irengan itu!” katanya bangga. Walaupun langkah I Yuyu terseok-seok, sampai pula dia di taman istana. Dilihatnya para pemburu sedang menengadah ke atas pohon dan anjing-anjing galak menyalak-nyalak sambil meloncat-loncat. “Turun, hai kau Irengan, turun!” teriak pemburu-pemburu itu. Orang-orang yang berjaga-jaga di bawah pohon itu bersorak gemuruh. Sejak dua hari kera hitam yang mengamuk itu tidak pernah turun dari pohon besar dan tinggi. Banyak orang yang mencoba memanjat, tetapi tidak berhasil sampai ke puncak. Diam-diam I Yuyu merangkak ke atas pohon. Mula-mula tak seorang pun yang menaruh perhatian, tetapi setelah melihat kepiting itu menyeberang dari ranting ke ranting, orang-orang pun terheran-heran. “Lihat, ada kepiting memanjat pohon!” seru seorang pemburu. “Wah, wah....! Ikut sayembara pula dia!” sambung yang lain. “Lucu benar, barangkali ia ingin merasakan bagaimana kera itu mengupas punggungnya,” yang lain meledek. Perlahan-lahan tetapi yakin, kepiting yang bertubuh bulat kecil itu akhirnya sampai di tempat persembunyian Irengan. Didapatinya kera itu sedang tertidur lelap. “Peluang bagus,” pikirnya. Orang-orang di bawah pohon tak henti-hentinya mendongakkan kepala. Mereka seolah-olah menunggu bagaimana kera yang ganas itu mengoyak-ngoyak perut kepiting. Sesaat kemudian, tanpa diduga kera berbulu hitam itu jatuh ke sungai. Semua orang bersorak, lalu berlomba-lomba mencebur ke sungai. Yang ditemukan, bukan Irengan yang mengoyak-ngoyak kepiting, tetapi kepiting yang menjempit leher Irengan. Rupa-rupanya setelah terbangun kera itu terkejut lalu jatuh ke sungai. Karena tidak bisa berenang, ia tenggelam lalu mati. “Kerbau bertanduk emas ini milikmu, Yuyu,” demikian kata Prabu Jayawikrama ketika menyerahkan hadiah itu kepada kepiting. Seluruh rakyat Badrasakarana ikut merasakan kegembiraan raja, karena kera perusak taman itu sudah tidak ada lagi. Wajah raja dan rakyat tampak sumringah. Mereka berdecak kagum melihat perjuangan kepiting yang cerdik itu. Sesaat kemudian tiba-tiba rakyat yang berkerumun itu tertawa terpingkal-pingkal. “Lihat ada pemandangan lucu!” serunya. “Lihat, si bulat kecil menarik kerbau bertanduk emas!” Kepiting itu sangat bangga. Ia menggiring kerbau bertanduk emas itu secepatnya. Ia takut kalau-kalau kerbaunya lepas atau dirampas orang lain. Ia harus segera mengandangkannya ke dalam rumah. Namun sial. Kerbau yang bertubuh besar itu tidak bisa masuk ke dalam rumah kepiting. Ketika kerbau itu meronta-ronta, tak sengaj ia menginjak punggung kepiting. Brakkkk....! I Yuyu pingsan. Untunglah tak berapa lama kemudian ia siuman. Perlahan-lahan ia membuka matanya. Didapatinya tubuhnya yang bulat berubah menjadi bengkar dan gepeng. “Jangan tergiur oleh hadiah yang besar dan mahal, Yuyu!” Sesungguhnya hadiah itu tidak bermanfaat untukmu,” demikian celoteh orang-orang sambil memeriksa goresan yang terdapat pada punggung kepiting itu. Goresan itu menyerupai tapak kaki kerbau.
Sumber: Kisah-Kisah Tantri Made Taro
Enable comment auto-refresher