How to reduce plastic waste from religious ceremonies? Post your comments here or propose a question.

Engkebang Gamang

Pan Meri 6.jpg
Location
Main characters
Event
Dictionary words


    Add your comment
    BASAbaliWiki welcomes all comments. If you do not want to be anonymous, register or log in. It is free.

    Summary



    In English

    In Balinese

    Engkebang Gamang Olih: I Made Sugianto

    Murid-muride masuryak girang suud ibu kepala sekolahe ngedumang rapor semester I. Rapor muride jani gede tur lombeng. Pada girang nampi rapor yadiastun tusing maan ranking. Ane ngranayang murid-muride girang kerana maan libur 2 minggu. Wayan Sereg, Made Kunci, Komang Segel, lan Ketut Gili suba masemaya dinane jani lakar mancing. Masan ujan cara janine be lele, be jeleg, muang be nyalian pasti liu. Neked jumah tur suud medaar makejang cumpu matemu di yeh lali. Wayan Sereg neked jumah tumben nyagjagin paon yadiastun basangne tonden seduk. Buku raporne awaga ngejang di jinengne. Enu mapanganggo sekolah ia sepan-sepan madaar. Suud madaar mara masalin baju lan ngampilang raporne. Ngenggalang ia nyemak pales ane seletanga di jinenge. Satonden makaad, ia macelep ka paon nyemak dedalu ane suba makaput don biu. Ibi sanja ia ngejuk dedali anggona baneh mamancing. Tegeh sebengne ngisi pales muang negulang dungki di bangkiangne. Mara nindakang batisne, dadongne uling teba mageluran. Dadongne mulihan nyuwun papah keladi anggon dadgag, mamahan celeng. We Yan, kal kija to? Jeg rengas tindakanne. Ageme jeg cara bendega. Nu tengai tepet ne, kirigang mau luas mancing. Gamange kali jani sedeng bangun tur ngalih mamahan. Yen kali jani luas ka telabahe misi engkebang gamang keto dadongne nuturin. Arah dadongne ngae-ngae gen. Ne suba zaman now tawang? Sing ada gamang Icang mancing ajak timpal-timpale ka yeh lali pasaut Wayan Sereg. We, da kali jani mancing kema. Engkebang gamang nyen. Tongos tenget to. Apit setra muang panganyut-nganyutan. Ditu liu ada gamang, apabuin tengai buka kene, bisa nepukin tonya nginyah Atah dadongne kuno sajan. Nu sing ada keto-keto di zaman now. Icang luas jani, bangras Wayan Sereg nyautin. Ia lantas malaib apang tusing nyidang dadongne ngepungin. Neked di yeh lali, Made Kunci, Komang Segel, lan Ketut Gili suba ngantiang. Makejang paturu ngaba pales, dungki, lan baneh. Ngwalek timpalne ajak tatelu kerana Wayan Sereg makelo teka. Makejang ngalih tongos melah. Wayan Sereg, Made Kunci, Komang Segel, lan Ketut Gili masang baneh di pancingne. Lantas entunganga ka telabahe. Plangpunge ngenah makledutan. Sepanan Wayan Sereg ngantek palesne. Puyung. Banehne telah. Ping telu ping pat ia ngentungang baneh, ping monto masih pocol. Pancinge mamuyung. Made Kunci, Komang Segel, lan Ketut Gili masih patuh buka keto. Bengong ajaka patpat kerana tumben ebene tusing nyantel di pancinge. Ajaka patpat cumpu makisid, ngalih tongos ane lenan. Nganginang majalan ajaka patpat. Jani maan tongos melah di bukit buung. Wayan Sereg, Made Kunci, Komang Segel, lan Ketut Gili engsap teken tongose ento tenget. Engsap ulian liu maan ebe. Sabilang mulang baneh, ngantek pales jeg misi ebe. Maan be lele, be jeleg, nyalian, muang karper. Ebene pulanga ka dungkine. Saling paliunin maan ebe. Kewala Wayan Sereg tangkejut, mara toliha dungkine puyung tusing misi ebe. Ia nunden timpalne ningalin dungkine. Patuh tusing misi ebe. Dija kaden lakuna ebene ane pancinga. Marasa seliwah, Wayan Sereg, Komang Segel, lan Ketut Gili saling tolih. Maketelu ngancan tangkejut kerana Made Kunci tusing ngenah. Sajaba palesne matancebang di bibih telabahe. Dungkine masih tileh di samping palesne. Gelur-gelur ajaka telu ngelurin Made Kunci. Nanging ane gelurina tusing masaut. Saru sajan, apake ia tusing masaut kerana bongol, tusing ningeh apa kija. Sengap ajaka telu ngalih-ngalihin. Nanging ane aliha tusing tepukina. Keto masih gelurina tusing nyautin. Sujatine Made Kunci enu ada di tongose ento. Ia nepukin timpalne sengap ngalih-ngalihin. Ia masih ningeh timpal-timpalne mageluran. Nanging ia tusing nyidang nyautin. Yadiastun ia keras-keras ngaukin adan timpalne, nanging tusing ada ane ninggehang. Dot nundikin timpalne, nanging tusing nyidang. Sarasa kawatesin kaca. Made Kunci jejeh kerana ia tusing tepukina teken timpal-timpalne. Made Kunci ada di tongos melah. Umah ane ngejuk dewekne melah, luwungan tekening puri. Nanging tusing kapineh baana belog, kerana ane ngelahang purine seliwah. Jegeg bagus cara manusa, nanging tusing ngelah jlinjingan di beten cunguhne. Keto masih batisne tusing ngenjekin tanah. Gelur-gelur Made Kunci ngelurin adan timpal-timpalne. Yadiastun tongosne di arepne sesajan, nanging munyine tusing dingeha. Kaliwat jejeh, Made Kunci ngeling gelur-gelur. Wayan Sereg nadak inget munyin dadongne. Jani ia mara ngrasayang nyeh. Ia ngajakin timpal-timpalne mulih. Becat plaibne Wayan Sereg sambilanga ngelur, Ada gamaaang. Made Kunci engkebang gamang Marengang kramane nepukin Wayan Sereg, Komang Segel, lan Ketut Gili saling langkungin malaib. Kabenengan bapane Made Kunci ngliwat nedehang memeri. Ia lantas nakonin pianakne. Sengal-sengal Wayan Sereg nuturang. Jani ajaka telu ngateh bapane Made Kunci ka bukit buung. Gelur-gelur Pan Kunci ngelunin adan pianakne. Kanti sandikala, tusing masih tepukina pianakne majlawatan. Made Kunci ane nepukin bapane sedih tur paling ngancan tusing nyidang nanggehang elingne. Gelur-gelur ia ngelunin bapane, nanging tusing dingeha. Bapane jengis. Sujatine, bapane lan Made Kunci maarep-arepan. Tuah Made Kunci nyidang ningalin bapane. Nanging bapane tuah ningalin punyan bingin. Ditu suba Made Kunci engkebanga di punyan bingine totonan, nanging Made Kunci nepukin punyan bingine ento puri dumilah. Grimutan Pan Kunci mamedih kerana kanti sandikala pianakne tusing tepukina. Ada sok uwek di arepne lantas lanteg-lantega baan pangisih. Gamang luh muani ane ngisi Made Kunci prajana kraik-kraik sambilanga nekep kuping. Enyeh sajan gamang luh muani ento ningehang munyin sok katigtig. Ngancan makeloa kasaktianne punah. Pan Kunci tangkejut kerana pianakne ada di arepne tur mlekur awakne. Makejang ngeling sangkaning bagia. Uling sekat ento, Pan Kunci nuturang teken ida dane di desane, yen ada ane engkebang gamang, gedigin sok anggon panudan kesaktianne. Ia masih mabesen teken cerik-cerike apang tusing luas ri kala tengai tepet.

    Kukuh, Sukra Keliwon Tolu, Purnama Kapitu Galah 15.43 Wita.

    In Indonesian

    Disembunyikan Dedemit

    Oleh: I Made Sugianto

    Para siswa bersorak gembira seusai kepala sekolah bagikan rapor semester I. Kini ukuran rapor besar dan lebar. Mereka sangat gembira menerima laporan semester kendati tidak dapat ranking di kelas. Sesungguhnya para siswa bersuka cita karena dapat libur selama dua minggu. Wayan Sereg, Made Kunci, Komang Segel, dan Ketut Gili berjanji hari ini pergi mancing. Musim hujan seperti saat ini ikan-ikan mudah ditangkap. Ikan lele, ikan gabus, ikan nyalian, pastilah banyak. Mereka sepakat bertemu di sungai Yeh Lali. Tak biasanya, setiba di rumah, Wayan Sereg langsung menuju dapur meski perutnya belumlah terasa lapar. Buku rapor ditaruh sembarangan di lumbung padi. Masih berpakaian sekolah lengkap, ia terburu-buru makan. Seusai makan barulah dia melepaskan seragam sekolah dan menaruh rapor dengan baik. Langkahnya tergesa-gesa, ia menuju lumbung padi dan mengambil pancing. Sebelum berangkat, kembali masuk dapur untuk mengambil laron yang sudah terbungkus daun pisang. Kemarin malam dia menangkap laron untuk umpan. Gayanya bak nelayan professional, pegang pancing dan mengikatkan dungki atau tempat ikan di pinggang. Baru melangkahkan kakinya, terdengar neneknya memanggil dari halaman belakang rumah. Neneknya berjalan bawa daun talas untuk pakan ternak. “Wayan, mau pergi kemana? Langkahmu kok tergesa-gesa. Gayanya bak nelayan saja. Tunda dulu pergi mancing, hari masih siang bolong. Saat terik seperti ini, dedemit dan para jin sedang terbangun mencari mangsa. Nenek khawatir kau disembunyikan dedemit,” pinta neneknya. “Waduh, nenek ini ada-ada saja. Ini zaman now, tidak ada namanya setan dan jin! Saya mau pergi mancing dengan teman-teman di Yeh Lali,” jawab Wayan Sereg. “Ini masih siang bolong, jangan pergi mancing sekarang. Nenek takut kalian disembunyikan dedemit. Yeh Lali itu tempat angker, dikelilingi kuburan dan tempat pembuangan abu jenazah. Di Yeh Lali banyak jin, apalagi saat siang seperti ini, bisa-bisa ada tonya berjemur!” “Aduh, nenek ini kuno. Sudah tidak ada jin di zaman now. Saya berangkat sekarang,” sahut Wayan Sereg ketus. Ia bergegas berlari agar tak terkejar oleh neneknya. Setiba di Yeh Lali, Made Kunci, Komang Segel, dan Ketut Gili sudah sedari tadi menunggu. Mereka semua bawa kail, dungki, dan umpan. Mereka bertiga mencibir Wayan Sereg yang datang terlambat. Empat sekawan ini kemudian mencari tempat duduk yang paling nyaman. Wayan Sereg, Made Kunci, Komang Segel, dan Ketut Gili berlomba pasang umpan. Sejurus kemudian melempar kail ke sungai. Plangpung terlihat tertarik. Wayan Sereg bergegas menarik kail. Ah, kosong. Umpan pun habis. Berkali-kali melempar kail, tetap gagal. Tak ada ikan tertangkap. Made Kunci, Komang Segel, dan Ketut Gili juga senasib. Mereka bengong, tak habis pikir, tumben mengalami nasib sial, tak ada satu pun ikan tertangkap. Mereka sepakat berpindah tempat. Bukit Buung tempat yang dituju. Wayan Sereg, Made Kunci, Komang Segel, dan Ketut Gili lupa jika tempat itu angker. Mereka lupa karena telah banyak dapatkan ikan. Setiap melempar umpan, begitu kail ditarik dapat ikan. Ikan lele, ikan gabus, karper, dan lainnya yang tertangkap dimasukkan ke dungki. Mereka dapat ikan yang banyak. Tiba-tiba Wayan Sereg terkejut saat melihat isi dungkinya kosong tanpa ikan. Ia meminta rekannya untuk melihat dungkinya masing-masing. Sama, kosong tanpa ikan. Kok ikan yang tertangkap dan ditempatkan di dungki raib? Aneh. Mereka beradu pandang. Bengong, tak percaya. Wayan Sereg, Komang Segel, dan Ketut Gili makin terkejut. Made Kunci tidak ada. Kemana dia? Hanya kail dan dungkinya terlihat di bibir sungai. Mereka bertiga teriak-teriak memanggil Made Kunci. Tak ada jawaban. Apakah dia tidak mendengar teriakan itu? Dia memang punya gangguan pendengaran, tapi teriakan keras, apalagi bertiga orang secara kompak memanggil, mestinya terdengar olehnya. Sesungguhnya Made Kunci masih ada di tempat itu. Dia melihat teman-temannya panik dan berteriak memanggil namanya. Namun sebaliknya, tiga temannya itu tak dapat melihat dirinya dan tak mendengar teriakannya. Sudah sekuat tenaga memanggil ketiga temannya, tapi suasaranya serasa membentur ruang hampa. Made Kunci berniat mencolek temannya, namun terhalang dinding kaca yang tebal. Made Kunci mulai ketakutan karena teman-temannya tak bisa melihat dan mendengar teriakannya. Made Kunci ada di tempat yang indah bagaikan istana. Namun sepasang suami istri yang menangkapnya terlihat aneh. Cantik dan rupawan wajahnya, namun tidak terlihat ada cekungan di bawah hidungnya. Manusia normal di bawah hidungnya terlihat ada cekungan bak jalan air. Tapi makhluk ini tidak. Kakinya juga tidak menginjak tanah. Made Kunci yang ketakutan sekuat tenaga memanggil tiga rekannya, namun tak ada yang mendengarnya. Padahal mereka berhadap-hadapan, namun suaranya terasa membentur ruang hampa. Made Kunci pun menangis ketakutan. Wayan Sereg teringat pesan neneknya. Dia ketakutan dan mengajak teman-temannya untuk pulang. Kencang sekali larinya. Dia berteriak, “ada setan. Made Kunci disembunyikan gamang…..” Warga yang melihat Wayan Sereg, Komang Segel, dan Ketut Gili berlari ketakutan jadinya terheran-heran. Kebetulan sekali ayahnya Made Kunci melintas sambil mengembalakan itik. Dia lalu menanyakan putranya. Wayan Sereg menceritakan dengan napas yang turun naik. Mereka bertiga kemudian mengantarkan ayahnya Made Kunci ke Bukit Buung. Ayah memanggil Made Kunci dengan suara keras. Hingga senjakala, sang anak belum juga ditemukan. Made Kunci sedih melihat ayahnya panik seperti itu. Tangisnya semakin keras. Ia memanggil-manggil nama ayahnya yang saat itu tepat ada di depannya. Namun, suaranya seperti tanpa volume. Hanya Made Kunci yang bisa melihat ayahnya, sementara sang ayah hanya melihat pohon beringin tua. Di pohon beringin tua itulah Made Kunci disembunyikan. Warga biasa melihat tempat itu adalaj pohon beringin, sementara Made Kunci melihat tempat itu adalah istana nan indah. Ayah Made Kunci emosi karena hingga petang menjelang anaknya juga tak ditemukan. Dia melampiaskan amarahnya dengan memukul-mukul sokasi (tempat nasi terbuat dari anyaman bambu) di depannya menggunakan pengisih atau sebilah bambu. Dedemit laki dan perempuan yang menangkap Made Kunci mendadak teriak-teriak minta ampun sambil menutup kedua telinganya. Dedemit itu ketakutan mendengar suara yang bersumber dari sokasi itu. Suara sokasi yang dipukul membuat kesaktiannya punah dan kekuatan gaib yang mengekang Made Kunci seketika sirna. Sang ayah terkejut melihat anaknya ada di depan matanya. Sontak saja ayah dan anak itu melampiaskan tangisnya sambil berpelukan. Sejak saat itu, Ayah Made Kunci menceritakan kepada warga desa, jika ada warga yang disembunyikan dedemit agar membunyikan sokasi. Suara sokasi ini punya kekuatan gaib untuk memusnahkan kesaktian setan. Dia juga berpesan kepada anak-anak di kampungnya untuk tidak bepergian di siang terik.

    Kukuh, Jumat Keliwon Tolu, Purnama Kapitu

    Pukul 15.43 Wita.
    Nothing was added yet.