Semut Perang Tanding

Semut.jpg
Location
Tabanan
Event
Dictionary words

    Summary



    In English

    In Balinese

    I Semut Api luas marerod ngalih mamahan di tongose joh. Di tengah jalan, ipun macepuk tur mapapasan ajak rombonganne I Sidem. Pamuputne semute-semute macadeng di jalan. Makejang tusing ada nyak ngalah. Saling dengeng, saling cenidra, maimbuh saling walek. Kasisiang iban caine mentas Wake ane ngelah jalane ene ucap I Semut Api. Ye aik, cai ane pantesne makisid. Wake malunan neked dini, cai ane durinan teka patutne ngalah saut I Sidem. Yih, apang cai pedas nawang nah. Wake maadan Semut Api, warih Dewa Brahma apang cai nawang ucap I Semut Api maimbuh ngwalek tur ningtingang ejitne. Cai nawang Dewa Brahma? Ida pinaka utpeti utawi sang pengripta, ngardiang jagat lan sadagingnyane. Ida sane ngardi matan ai, ngardi gumi, ngardi entik-entikan, Ida taler ngardi sarwa sato di jagate. Yening Ida nenten makayunan, cai tusing lekad ka gumine Apa petang cai mara? Tusing lekad ka gumine keto? saut I Sidem salah tampi. Cangkah cumangkah sajan cai mapeta. Ne tolih warna kulit wakene ane selem Wake warih Dewa Wisnu, sane ngupapira jagat lan sadagingnyane. Ida sane ngupapira matan ai, bulan, lan bintang, apang setata masunar. Ida taler sane nyediaang yeh tur ngrunguang entik-entikanne apang nyidang idup. Ida taler sane mapica mertha tekening iraga ane idup di gumine. Yening Ida tan arsa, pasti cai suba bangka uling gumine I Semut Api lan I Sidem paturu salah tampi, paturu gedeg. Makejang saling cacadin, makejang marasa paling melah, paling beneh, tur paling unggul. I Semut Api maekang ejitne ka bungutne I Sidem. I Sidem ane pedih ngwales tur nyegut ejitne I Semut Api. I Semut Api tusing nyak kalah, ia nyemprotang incehne ka matane I Sidem. I Sidem marasa matane ngahngah ento ngawinang ipun ngawagin nglawan I Semut Api. I Semut Api masih tusing nyak ngalah. Da ja kalah, sapih ia tusing nyak. Ipun tusing ja nangkis dogen, nanging milu nyagurin, nendangin, lan nyegutin. Sing makelone, timpal-timpalne mapitulung, ento makada siate rame sajan, tan bina perang di Kurusetra. Saling pantigang, saling gesges, lan saling cegut. Ada ane nyerit ulian baong lan batisne lung, ada masih makraik ulian isin basangne mabrarakan. Getihe pacrecet tur bangken semute pajlempang di tanahe. Tusing joh uling tongos I Semut Api lan I Sidem masiat, ngenah iring-iringan semut mawarna coklat. Semute ento tusing ada len tuah I Semangah. Tatujone patuh luas ngalih mamahan. Ngancan paek I Semangah ningehang suara ane ngresresin ati. Ada apa to ditu, jeg mabyayuhan. Pakraik naenang sakit? keto I Semangah matakon-takon. I Semangah tangkejut sawireh nepukin soroh semut masiat saling matiang. We, mareren Da masiat ajak nyama padidi keto I Semangah makraik ngrerenang nyaman-nyamanne apang suwud masiat. Ningehang munyi gede ngelur buka keto, I Semut Api lan I Sidem mareren saling jagurin. Makejang pada angob ningalin semut coklat ane mara teka ento. Pangadegne tusing ja tegeh sajan, tendasne gede tur basangne enting, nanging semitane mawibawa pesan. I Semut Api lan I Sidem ane mareren masiat maekin I Semangah. Dot nawang kasujatian semut soleh ane mara jani tepukina ento. Semute ento gede ganggas nanging paliatne tusing ja galak, keto I Semut Api lan I Sidem pakrimik di kenehne. Warnane barak, ah, tusing barak nanging masawang kuning. Putih? Tusing. Ada barakne, ada putihne, ada kuningne, keto masih ada selemne. Dengel sajan warnane, keto semut-semute angob. Ngudiang cai saling jagurin tur saling ngmatiang paturu nyama? keto patakon I Semangah. I Semut Api nyambatang unduke uling sijumu, ngawit uling saling cadeng di jalan kanti masiat. Nanging I Sidem nyantulin munyinne I Semut Api. Semut-semut ane mamusuh ento makejang kekeh, makejang paturu ngaku beneh. Nganistayang musuh lan ngagungang dewek padidi. Beh, cai makejang beburon belog Ulian cai tusing nawang tur ngresepang kasujatian idup, ento ane ngaenang cai saling jagurin. Wake nawang, cai makejang paturu ngelah dewa nganutin swadharmane soang-soang. Nanging yen Dewan wakene tusing arsa, makejang dewan caine tusing ada artine I Semut Api lan I Sidem salah tampi ningehang munyine I Semangah. Nanging ipun ngwanenang dewek nakonin. Nyen dewan caine? keto patakon I Semut Api lan I Sidem sibarengan. Dewan icange tusing ada len tuah Dewa Siwa, dewa pinaka pamralina. Ida sane mralina makejang sane maurip di jagate. Yening Ida makayunan, matan ai, langit, gumi, entik-entikan, manusa, beburon, apabuin semut, makejang sirna. I Semut Api lan I Sidem angob, saling tolih, tur nguntulang sirahne cihna elek. Sujatine iraga ajak makejang paturu maguna. Jalanang swadharma soang-soang apang idupe maguna, tur kahuripan iragane majalan sagilik saguluk sabayantaka. Apang cai nawang, tatujon idupe ento shanti, damai. Yen suba damai, bagia ba idup caine ajak makejang. I Semut Api lan I Sidem mineh-minehang raosne I Semangah. Saja, ngudiang iraga marebat. Apa maan marebat? Beneh sajan raosne semut seliwahe ento. Ulian belog tur tusing ngresepang tatujon idup ngawinang iraga paturu nyama masiat. Tusing perlu ngagung-ngagungang dewek padidi. Paling melah ngalih mertha paturu pakedek pakenyung apang idupe landuh shanti. Duur langit masih enu ada langit. Makatelu semute ento lantas mapalasan, paturu ngalih jalan soang-soang.

    In Indonesian

    Semut Merah berjalan beriringan mencari makanan di tempat jauh. Di tengah jalan mereka berjumpa dan berpapasan dengan rombongan Semut Hitam. Mereka akhirnya bersitegang di jalan. Tak ada yang mau mengalah. Saling pandang, saling curiga, dan saling ejek.

    “Minggir! Aku yang punya jalan ini!” kata Semut Merah. “Aha, kamu yang semestinya minggir. Aku pertama tiba di sini, kamu yang belakangan datang semestinya mengalah!” jawab Semut Hitam. “Yih, agar kamu tahu ya. Aku bernama Semut Merah, kamu mesti tahu aku ini keturunan Dewa Brahma!” kata Semuk Merah seraya meledek dengan mengangkat pantatnya. “Kamu tahu Dewa Brahma? Belia adalah pencipta bumi dan isinya. Beliau yang menciptakan matahari, bumi, dan tumbuh-tumbuhan. Beliau juga yang menciptakan hewan di dunia ini. Jika bukan karena kehendak Beliau, kamu tidak terlahir ke dunia ini!” “Apa yang kau katakana? Tidak terlahir ke dunia ini, begitu?” jawab Semut Hitam emosi. “Keterluan bicaramu. Lihatlah kulitku yang hitam! Aku adalah keturunan Dewa Wisnu, pencipta alam dan isinya. Beliau yang memelihara matahari, bulan, dan bintang agar tetap bersinar. Beliau juga yang menyediakan air dan merawat tumbuh-tumbuhan ahar tetap hidup. Beliau juga yang menganugerahkan makanan ahar kita bisa hidup di dunia ini. Jika beliau tidak berkehandak, kamu sudah binasa dari muka bumi ini!” Semut Merah lan Semut Hitam sama-sama tersinggung dan marah. Mereka saling menjatihkan dan merasa diri paling benar serta paling hebat. Semut Merah mendekatkan pantatnya ka mulut Semut Hitam. Semut Hitam yang marah membalas dengan menggigit pantat Semur Merah. Semut Merah tak mau mengalah, ia menyemprotkan air kencingnya ke wajah Semut Hitam. Semut Hitam merasakan matanya perih sehingga menyerang membabi buta. Semur Merah tak mau mengalah. Jangankah kalah, seri pun pantang. Dia tak hanya menangkis, juga memukul, menendang, dan menggigit. Tak lama berselang, kawan-kawannya berikan pertolongan, menyebabkan pertarungan semakin rame, seperti di Kurusetra. Saling membanting, mencakar, dan menggigit. Ada yang menjerit karena leher dan kakinya patah. Ada pula yang berteriak karena isi perutnya terburai. Darah berceceran dan bangkai semut bergelimpangan. Tak jauh dari tempat pertempuran Semut Merah dan Semuh Hitam, tampak iring-iringan semut berwarna coklat. Semut itu adalah I Semangah. Tujuannya sama yakni pergi mencari makanan. Semakin dekat, I Semangah mendengar teriakan yang mengiris hati. “Ada apakah gerangan di sana, terdengar suara gaduh. Menjerit menahan sakit?” I Semangah bertanya-tanya. I Semangat terkejut melihat bangsa semut saling bunuh. “He, hentikan! Jangan berkelahi dengan saudara sendiri!” teriak I Semangah menghentikan saudara-saudaranya saling serang. Mendengar teriakan itu, Semut Merah dan Semut Hitam berhenti saling pukul. Semuanyya terpesoona melohat kedatangan semut berwarna coklat. Perawakannya tidak tinggi besar, kepalanya agak besar dan perutnya buncing, namun senyumnya berwibawa. Semut Merah dan Semut hitam yang menghentikan pertarungan mereka kemudian mendekati I Semangah. Mereka ingin tahu siapa semut yang baru datang itu. “Semut itu tinggi besar namun tidak terlihat galak,” bisik Semut Merah dan Semut Hitam. “Warnanya merah, ah bukan merah namun kekuning-kuningan. Ada merahnya, putihnya, kuningnya, dan ada pula hitamnya. Indah sekali warnanya,” para semut mengaguminya. “Kenapa kalian saling serang dan berambisi membunuh saudara?” Tanya I Semangah. Semut Merah menceritakan perihal perselisihan itu yang bermula berpapasan di jalan hingga berkelahi. Namun Semut Hitam mementahkan perkataan Semut Merah. Semut-semut yang bermusuhan itu pun semua kaku, merasa diri paling benar. Merendahkan lawan dan mengunggulkan kelompok sendiri. “Duh, kalian semua binatang bodoh! Akibat tidak tahu dan kurang memahami hakikat hidup menyebabkan kalian saling serang. Aku tahu, kalian semuuanya punya Dewa sesuai tugas pokok fungsinya. Namun jika Dewaku tidak berkehendak, para dewa kalian tidak ada artinya!” Semut Merah dan Semut Hitam tersinggung mendengar perkataan I Semangah. Mereka pun memberanikan diri menanyakannya. “Siapa Dewamu?” Tanya Semut Merah dan Semut Hitam berbarengan. “Dewaku adalah Dewa Siwa, sebagai pelebur. Beliau yang melebur segala yang hidup di muka bumi. Jika beliau berkehendak, matahari, langit, bumi, tumbuh-tumbuhan, manusia, binatang, apalagi semut, semuanya sirna.” Semut Api dan Semut Hitam kagum, saling pandang, dan menundukkan kepala tanda malu. “Sesungguhnya kita semuanya berguna. Jalankan kewajiban masing-masing agar hidup kita berguna dan kehidupan ini berjalan harmonis. Agar kamu pahami, tujuan hidup adalah kedamaian. Jika sudah damai, kebahagiaan menyertai sepanjang hayat kita.” Semut Merah dan Semut Hitam merenungi perkataan I Semangah. “Benar, untuk apa kita berperangt. Apa yang didapatkan dari perang? Benar petuah semut coklat itu. Kebodohan dan tidak mampu memahami arti hidup menyebabkan kita berperang. Tidak perlu mengagung-agungkan diri sendiri. Sebijaknya mencari makan dengan suka cita agar hidup ini damai. Di atas langit masih ada langit.”

    Mereka bertiga kemudian berpisah, mencari jalan masing-masing.