Difference between revisions of "Covid Buin pidan? ( Ni Luh Murniasih)"
From BASAbaliWiki
Line 1: | Line 1: | ||
{{PageSponsor}} | {{PageSponsor}} | ||
{{Covid | {{Covid | ||
− | |Title= | + | |Title=Covid-19 Mapakéling Tekéning Tutur Anak Lingsir |
− | |Description text ban= | + | |Description text ban=Ring tengahing kota tiang mamargi, paling masledétan, makipekan nolih sisi kangin lan kauh. Ten uning napi karuruh, nyén jani lakar alih? sami pada mengkeb, malaib uli lawat pedidi, ento mawinan tiang marasa sungsut ring manah taler embas makudang-kudang pitakén. Nyén sané ngawinang krama Baliné jerih sakadi puniki? Saking panegara napi sané bani ngusak-usik katreptian jagat Baline? Yen saihang dumun, kadirasa saling sénggol ring marginé, nyebrang ring margi agung karasayang méweh pisan. Nanging mangkin, margi puniki karasa gelah padidi, nénten wénten malih sepéda motor, mobil miwah sané tiosan, makejang sametoné sami pada ngoyong jumah ngiwasin sané mawasta Corona. |
− | + | Yéning maosang indik Corona utawi Covid-19 ring warsané puniki, nénten asing malih ritatkala kabaosang, makasami krama Baliné suba pada sayaga tekén sapangrauh gumatat-gumitit inucap. Napi malih yéning nyatua ngenénin indik iyusan Corona, sami pada keni dampak saking virus puniki, ngawit alit-alit ngantos anak lingsir, nénten nyingakin napi geginan ipun, sugih miwah tiwas makasami marasa méweh, marasa kosekan ring kayun soang-soang. Mirib sajaba parindikan sané kaon, nénten malih sané wénten. Sakéwala iraga dados krama Bali sujatiné satata wénten kruna "Aget", amongkén ja kaon parindikané, nénten prasida lémpas saking aget punika. Yéning dados titiang icénin gegambaran, rikala labuh ring marginé, motor suba benyah latig, nanging sametoné sané makta sepéda motor inucap tuah matatu gigis. akéh sampun pakrimik banjaré, "Aget Ia tusing kenapa-kenapa". Yadiastun Ia suba labuh kanti mapaid ngantos batu kancingé, enu masih kruna aget inucap. Pateh sakadi sapangrauh Covid-19 puniki, sujatiné patut iraga sareng sami nyelehin indik napi kasuksman sané prasida kapolihang? | |
− | + | Ngamanggihin masa pandemi puniki, titiang éling tekéning tutur anak lingsir dugasé simalu. Sujatiné tutur anak lingsir puniki akéh madaging piteket bilih-bilih ngenénin indik nilai pendidikan karakter sané pinaka silih sinunggil kearifan lokal Bali, yadiastun karasayang guyu-guyu olih generasi millennial krana panglimbak jagaté sakadi mangkin sané sampun makejang serba praktis, élah lan aluh. Ento ngawinang cerik-ceriké pepesan meboya tekén tutur rerama. Mapaiketan sareng nambakin panglimbak Covid-19 ring Bali, Anaké lingsir dugasé simalu satondén ada Corona suba taén mapiteket: (1) Elingang teka uli malali (sisi), macelep ka paon dumun sambilang ngumbah lima; (2) Eda pesan di pesaréané dogén, sainin bangun semengan, lantas olahraga miwah majemuh apanga segeran bayuné; (3) Rikala usak bayuné, sainin ngae loloh apanga mawali seger bayuné; (4) Yén suba masan anak gelem, kangguang ngoyong jumah, eda malu pesu melali. | |
− | + | Makasami tutur punika becik pisan yéning sandingang tekén adi laku rikala gumatat-gumitité masolah. Ring masa pandemi puniki iraga patut satata éling ring raga krana sujatiné iraga dados krama Bali sampun madué kearifan lokal, ngiring sareng-sareng margiang mangda nénten alpaka tekéning anak lingsir. Yadiastun naenin engsap, mangkin kawitin, jumunin indik parisolah hidup sehat mangda prasida lempas saking virus Corona puniki. Sajaba éling ring raga, iraga dados krama Bali patut nguratiang saha ngamargiang pituduh saking pamerintah, yadiastun iraga dados manusa nénten prasida lempas saking sameton sané tiosan, ngawit mangkin kanggéang saling pajohin dumun. Pajohin puniki maarti mangda ngawéntenang jarak ring angga sarira. Nénten apanga saling puikin, ngiring wigunayang téknologi anggén nagingin interaksi sareng sameton sané lianan. Taler sané mabuat pisan, ngoyong jumah nénten maarti iraga lemah peteng ring pasirepan, nanging punapi carané mangda iraga satata produktif, sayan madué pikolih sané mawiguna majeng ring padéwékan taler krama Bali makasami. | |
− | + | Covid-19 pastika matilar yéning iraga sareng sami prasida maprakanti antuk nyaga padéwékan. Yéning dumun para panglingsiré ten ajerih ngangkat bambu runcing ngalawan kaum penjajah, sané mangkin ngiring iraga sareng sami krama Bali dados "Pahlawan" malarapan antuk di jumah gén taler sareng-sareng ngastiti mapinunas majeng ring Ida Sang Hyang Parama Kawi dumogi Covid-19 sagerehan matilar ring Pulau Dewata lan makasami kapica karahayuan. | |
− | |Photograph= | + | |Photograph=200px-27972602 1994662037414665 4593233729526864960 n.jpg |
+ | |Reference=https://dictionary.basabali.org/w/index.php?title=Literature_Covid-19_Mapak%C3%A9ling_Tek%C3%A9ning_Tutur_Anak_Lingsir&action=formedit | ||
}} | }} |
Revision as of 08:04, 25 May 2020
- Title
- Covid-19 Mapakéling Tekéning Tutur Anak Lingsir
- Year
- Related Places
- Writer(s)
- Photographer(s)
- Reference
- https://dictionary.basabali.org/w/index.php?title=Literature_Covid-19_Mapak%C3%A9ling_Tek%C3%A9ning_Tutur_Anak_Lingsir&action=formeditProperty "Covid reference" (as page type) with input value "https://dictionary.basabali.org/w/index.php?title=Literature_Covid-19_Mapak%C3%A9ling_Tek%C3%A9ning_Tutur_Anak_Lingsir&action=formedit" contains invalid characters or is incomplete and therefore can cause unexpected results during a query or annotation process.
- Photo Credit
- Video Credit
Enable comment auto-refresher