Belog Magandong

20220817T235848766Z703545.png
Location
Bali
Event
Dictionary words


    You are not allowed to post comments.

    Summary



    In English

    In Balinese

    Dugas pidan ada anak muani madan I Belog. Ia makantenan ngajak Pan Sari. Pan Sari ngelah pianak aukud madan Luh Sari. I Belog dot pesan nglemesin Luh Sari nanging ia tusing bani mesuang raos. Sawireh dot pesan kenehne teken Luh Sari, sadina-dina ia malali ka umah Pan Sari. Sedek dina anu, Pan Sari ngajakin I Belog magae di carike. Sawireh I Belog tusing bisa magae, dadi ngeka daya lantas I Belog, buin maninne, semengan pesan ia suba ka carik bakal nulungin Pan Sari madulurin ngaba jaja begina putih magoreng pejang-pejanga di pundukane apang masaih cara taluh kakul. Disubane teked di carik, I Belog magae bareng-bareng ajaka Pan sari. Kanti suba tengai ia magarapan, suba seduk basangne, lantas menekan ka pundukane nuduk jaja beginane ane pejanga tuni semengane. Ento lantas daara, ciplak-ciplak buka ciplakan bangkunge baang amah-amahane ane jaen. Bengong Pan Sari ningalin ciplakan I Beloge naar jaja begina tur matakon, Belog. Belog, apa daar cai ento mirib jaen pesan? Masaut I Belog, Taluh kakul ane duduk icang di pundukane. Buin lantas mamunyi Pan Sari, Yen keto tegarang balin bedik, kal cicipin Masaut I Belog, Beh, Bapa tusing ja bisa naar taluh kakul cara naar jaja begina magoreng. Sawireh bas mamelas Pan sari nagih ngidih, baanga teken I Belog nyicipin jaja beginane ento. Mara cicipina dadi jaen rasan jaja begina ento nyangluh, manis dot ia buin ngidih teken I Belog nanging suba telah. Lantas ia menekan majalan di pundukane nuduk taluh kakul. Disubane maan agemel lantas daara, pakpaka cara naar jaja beginane. Beh sing kodag baana ngrasaang taluh kakule ento, andih, pengah, sepek, lantas ia ngutah-utah kanti telah isin basangne pesu utahanga. Sawireh keto, nyele ati Pan Sari tur sirep duur pundukane. I Belog suba ngamalunin mulih. Sesubane Pan Sari inget lantas ia mulih, teked jumahne ia ngorta ajaka panakne. Ngomong lantas Luh Sari, Bapa yen keto bas sesai suba bapa uluk-uluka teken I Belog yan upamiang Lutunge kauluk-uluk teken I Kakua. Keto masih bapa kabelog-belog teken anak belog. Sawireh keto raosne Luh Sari, lantas mapaitungan bapanne ngajak Luh Sari bakal ngamatiang I Belog. Kacarita suba pragat paitungane bakal ngajak I Belog ka alase ngalih duk. Ngraos Pan Sari, Nah Cai Belog, sawireh sanggahe suba tuduhan, keneh bapane bakal ngaraabin sanggahe baan eduk, buin mani bapa ngidih olas teken Cai bakal ajak bapa ngalih eduk ka alase, keto abetne Pan Sari. Masaut I Belog, Nah, icang pasti milu kema bareng nulungin bapa ngalih eduk. Tan kacarita buin manine pasemangan ia majalan ajaka dadua ka alase bakal ngalih eduk. Disubane nganteg di alase, ngomong Pan sari, Nah Cai ngoyong beten, bapa ja menek ngalap eduk, Cai nyen nuduk munduhang beten Nah, lautang Bapa menek, disubane ada eduk ulung icang ja nuduk tur munduhang. Menek Pan Sari ngalap eduk, lantas ulung-ulunganga. Disubane beten, duduka ban I Belog tur punduhanga. Suba liu eduke mapunduh, gulunga laut macelep ia di tengah eduke ane magulung kanti ilid. Lantas tegula uli tengah eduke kanti tekek. Uli tengah eduke I Belog kauk-kauk. Bapa, Pan Sari, tulungin icang, icang amaha teken macane, keto ia masasambatan. Uli duur punyan jakanne Pan Sari ngrengkeng, Pantes, madak ja pang Bangka polon caine, upah demen melog-melog anak tua, keto pekeengane Pan Sari nganti ia neked sig eduke ane magulung. Jag sepanan ia negen eduke ento, sawireh kendel atinne I Belog suba mati amah macan, buin besik nyeh atinne bakal sarap macan cara I Belog. Gelisin satua enggal, suba jani ia neked di jumahne, pejanga eduke di sanggahne tur ngorta lantas Pan Sari teken pianakne ngorahang I Belog suba mati amah macan. Disubane jani nyarepet sandikaon, pesu I Belog uli gulungan eduke laut ia mulih slamet rahayu teked jumahne. Sawireh I Belog ia belog kewala maan magandong mategen mulih uli di alase sangkal kayang jani di Bali yen ada anak belog kewala pekel, kaadanin jlema belog magandong. Pamragat satuane, payu Luh Sari anggona kurenan teken I Belog.

    In Indonesian

    Dahulu kala ada seorang laki-laki bernama I Belog. Dia bersahabat dengan Pan Sari. Pan Sari mempunyai seorang anak bernama Luh Sari. I Belog sangat ingin merayu Luh Sari namun ia tidak berani bersuara. Karena hatinya sangat menginginkan Luh Sari, setiap hari ia melancong ke rumah Pan Sari. Pada suatu hari, Pan Sari mengajak I Belog bekerja di sawah. Karena I Belog tidak bisa bekerja, sehingga I Belog membuat daya upaya, keesokan harinya, pagi-pagi buta ia sudah ke sawah akan membantu Pan Sari sembari membawa jajan rengginang putih digoreng ditaruhnya di
    Nothing was added yet.