How to reduce plastic waste from religious ceremonies? Post your comments here or propose a question.

I Kecut

WhatsApp Image 2020-12-22 at 11.12.54.jpeg
Location
Main characters
Event
Dictionary words


    Add your comment
    BASAbaliWiki welcomes all comments. If you do not want to be anonymous, register or log in. It is free.

    Summary



    In English

    In Balinese

    Ada katututan satua I Kecut. Ia sugih tur liu ngelah uma. Sedek dina anu ia matekap di umane, saget ada anak tua madan dadong Greget makaukan. Kecut, Kecut, keto munyine. Cang. Dija ada dagdag candung, Kecut? Peh, eda ja mai dadong, sampin icange rengas Ah, dija ada dagdag, Kecut? Beh suba tuara baanga masi kauk-kauk, Kecut, Kecut. Gablet, ketoanga aji pecut teken I Kecut, sing keto. Jeg ngaseksek ia mati. Beh Dewa Ratu, ne dadi mati i dadong. Bas melide suba orahang sampi rengas, masi kauk-kauk nakonang dagdag candung. Timpal-timpalne ane nuju magae ditu lantas nyagjag tur ngomong. Pih, ne dadi mati i dadong, kenkenang sih Ne bakat pecutin jeg mati i dadong. Bah, cai ngmatiang i dadong Geget. Kenken jani ban madaya apang tusing salahanga? Tegarang balinin, nyen nawang ia enu idup Dadong, Dadong, kauk-kaukina teken I Kecut. Pecute nenenan ngranaang I Dadong mati. Lakar lusin malu sampine. Suud ia nglusin sampi lantas paekina Dadong Geget. Madak idup I Dadong, lakar masesangi ngupahang jogged. I Dadong enu mati. Dadong, idup nah Dong, lamun idup, icang masesangi ngatonin mawayang. I Dadong enu mati. Beh Dewa Ratu kadi rasa umane ento adep cai asikut, sing sedeng anggon nelahin maimbuh salah. Gietang sih masesangi keto munyin timpalne. Nah madak ja I dadong idup, icang masesangi ngandong. Lakar gaenang banten. I Dadong enu mati. Peh tileh mati. Dadong, Dadong Geget, idup Dadong nah. Yan Dadong idup, icang masesangi nganggon kurenan, keto munyinne. Beh sajan, sajan idup. Nah lamun sing anggon kurenan, Dadong buin mati. Nah Dong, icang morahan malu teken meme bapa wireh icang lakar makurenan. Kenken patute anake nyuang kurenan kadung icang saud. Nah jalan Ipun ajak dadua majalan marerod mulih sig reramane I Ketut. Kecut, ngudiang cai mulih ajak anak tua ngodngod? Aduh meme, icang saud munyi. I Dadong nakonang dagdag candung. Suba tujuhin enu masih kauk-kauk. Gedeg basange jeg bakat lambet aji pecut kanti ia mati ngaseksek. Suba sangiang upahang jogged apang idup, masi enu mati. Sangiang otonin telu bulanin, masi enu mati. Mara sangiang anggon kurenan, idup lantasan. Aduh yen keto unduke, mekad cai uling jumah dini. Meme sing suka ngelah mantu tua ngodngod. Mangsit bone Peh kenkenang icang men jani, Dong? Memen icange tusing nampi. Yen keto, Dadong mati jani. Da mati dong, yan mati salah icang. Men icang tulake teken memen caine. I Kecut jengis ningehang munyin I Dadong. Nah Kecut, mai ja malu keto bapane ngelurin. Bapane ngemaang winaya. I Kecut ajaka ngalih tiing tur nunden I Dadong nyuwun tiinge totonan. Lamun sing nyidang ia nyuwun tiing dasa katih, buwung makurenan. Lamun nyidang nyuwun, payu makurenan. Dong, tundena ngalih tiing teken bapan icange anggon reramon. Nyidang ya dadong nyuwun tiing. Lan, mai ngalih tiing keto pasautne I Dadong. Lantas I Kecut ajak I Dadong ngalih tiing petung. Adasa lingseh tiinge lantas pesela kayang muncukne. Icang tusing bisa masuunan, nyidang Dadong nyuwun tiinge ene? Nyidang, ngudiang sing. Otin jep keto sautne I Dadong. Lantas otina, I Kecut majalan matalang. Pajalane mekad tukad ngalih umahne, nanging I Dadong nyidang masuunan teked ditu. Pih dadong apa ya ne. Iraga akatih tusing nyidang ngaba tiing petunge ene. Ia jeg nyidang nyuwun. Jelek semenu I Kecut mulihang sawireh Dadong Geget nyidng nugtug yadiastun nyuwun tiing petung dasa lingseh. Pa, kenkenang abete jani? Nah da sebet, jani tunden ia mabersih di semere. Ditu lantas tuludang ka semere dalem. Jeg pasti ia mati tur cai buwung makurenan. Disubane sanja, Dadong Geget maekin I Kecut. Cut, nguda sing ajak medem awake? Ah, kene dong. Jani matelah-telah malu nganggon yeh semer. Oh keto, lan Semere ada nyang limolas depa daleme. Dini suba ngalih yeh semer. Ne tali. Yen dadong suba suud mambuh nganggon yeh semer, mara dadi pules ajak icang. Nah. I Dadong majalan ka sisin semere tur ngulungang timba. I Kecut ngoyong durine. Ya nganteg timbane beten, jeg julukanga anake tua totonan. I Dadong mageblug di semere. I Kecut suba ngaden dadonge mati. Pa, I Dadong suba ulung ka semere dalem. Mara nyambatang keto, jeg prajani meme bapane glalang gliling nyakitang basang. Sakitne sing kodag-kodag ane ngranayang reramane ngeling naenang sakit. I Kecut bungeng nepukin unduke ento. Nak kenken reraman caine glalang gliling ngeling? I Kecut makesiab nepukin Dadong Geget subaa ada di sampingne. Kecut, dadi julukang dadong ka semere? Yen sing julukang, dadong tusing bersih, keto pasautne I Kecut. Kenken jani, payu anggon dadong kurenan? Icang sing juari makurenan ajak dadong, sawireh yusae tusing masaih. Sing juari? Aa dong. Icang sing juari. Nah lamun sing juari makurenan ajak dadong, jani kapastu. Saturunan I Kecut magae di carike pang sing mupu. Apang cai pedas, Dadong ene Bhatari Sri. Suud ngomong keto, I Dadong masalin rupa dadi anak jegeg listuayu. I Kecut mapangenan. Kanti berag urag arig mapangenan sing nyidang makurenan. Nah keto ila-ila magae ka carik patikacuh.

    In Indonesian

    Nothing was added yet.