Tuma Teken Titih

Cover Tuma Titih.jpg
Location
Tabanan, Bali
Event
Dictionary words

    Summary



    In English

    In Balinese

    Kacarita ada Tuma ane nongos di lepitan galeng Anake Agung. Ditu I Tuma ngulurin kitane ngisep rah Ida Anake Agung. Baan pekpek maan ngamah, I Tuma enggal mokoh. Di pakolemen Anake Agung ada masih beburon lenan. Beburon ento maadan I Titih. Nanging I Titih nongos di selagan dingding pakoleman sang mawerat.

    Ningalin I Tuma ane mokoh, I Titih maekin tur nagih masuwitra. Ditu ia nuturang kenehne apang ajaka milu ngalih mamahan di lepitan galeng Anake Agung. Nawegang jero gede, angob pisan titiang ngantenang jerone wibuh. Sinah jerone kapepekan ajeng-ajengan. Nanging titiang setata kakirangan amah, kantos titiang berag sapuniki. Yan wantah jerone ledang, ajak ja titiang sareng driki. Titiang nyadia dados sisian jerone. Titiang pacang ngiring sapituduh jerone

    Ih Titih, lamun saja buka munyin caine, gelah nyak ngajakin cai dini ngalih mamahan. Kewala ingetang, tusing dadi bengkung apabuin piwal teken pituduh gelahe. Eda pesan cai ngulurin loban keneh caine. Anake ane loba, ane momo, pasti nepukin sengkala. Lenan teken ento, tusing pesan nyen cai dadi iri ati. Mapan iri ati ngawinang ngelah musuh. Apang cai bisa malajahang kadharman keto pabesen I Tuma teken I Titih.

    Inggih, sangkaning kedeh manah tiang polih merta, titiang pacang pituduh lan ajah-ajahan jerone. Banget titiang mapinunas ring jerone, dadosang titiang sisia. Titiang pacang nyukserahang dewek

    Makenyir I Tuma ningeh pangidih I Titih buka keto. I Tuma ane nawang tutur Sadripu lantas mekelin suwitran anyarne apang tusing malaksana kamaruk.

    Lega pesan gelah ningeh pangidih caine. Nekeng tuas gelah nyak masuwitra ngajak cai. Kewala ingetang pesan paplajahan Sadripune. Sadripu ento nenem musuh ane ada di angga sarira. Yening tusing nyidang ngalahang musuh di awake, sinah idupe sengkala. Apang cai pedas nawang, tuni gelah suba nyambatang momo lan iri ati. Momo ento di Sadripune maadan Lobha. Iri ati ento matsarya. Ane lenan ada maadan Kama. Raos cara janine hawa nafsu. Mlajah uling jani keret indriane, mapan indriane tan pawates. Yen pemerintah tusing ngemang nglindeng, da pesu mapan sasab merana virus corona Covid-19 ngider bhuana. Salanturnyane ada krodha. Tusing dadi mamedih, ngadokang bayu akas. Mara tombahanga pesu, tusing mlincerang ogoh-ogoh goar-goar cai mamunyi maimbuh mamisuh. Da pesan nyemak gae keto, brangti bisa ngemasin mabui. Musuh ane lenan ada maadan Madha. Mabuk, punyah. Ada mabuk kuasa, mabuk ulian bagus, ada masih mabuk ulian nginem arak, tuak, berem, brendi, muang minuman alkohol lenan. Masa ngelah kuasa, ada ane mabuk kekuasaan. Suud nanang, pianak, cucu, apang nyidang enu negakin korsi pemerintahan. Cara janine kasambat politik dinasti. Yen onyang ajak mabuk, sinah musuh ane nomor nenem pesu. Musuhe ento maadan Moha utawi bingung. Nah monto malu gelah nuturin apang cai tusing bingung

    Inggih, titiang ngiringang pituduh jerone, keto sautne I Titih. I Titih lega pesan kenehne dadi sisianne I Tuma. Sedek dina anu, Ida Anake Agung sedeng glayah-glayah di pameremanan. Saget I Titih nagih ngutgut Ida Anake Agung. Nepukin I Titih nagih nyegut Anake Agung, I Tuma lantas nembahang. Ih Tittih, eda malu ngutgut Ida Anake Agung kerana Ida tonden sirep Da ngalih baya, tanggehang kitane malu

    Nanging I Titih bengkung, tusing dadi orahin, lantas ia sahasa ngutgut Ida Anake Agung. Ida Anake Agung tangkejut lantas matangi. Ida nitahang parekanne ngalihin I Titih. Mara kebitanga di batan galenge, tepukina ada I Titih, lantas pisaka kanti mati. Buin alih-alihina, tepukina I Tuma di lepitan kasure. I Tuma masih kapisah kanti mati. Ulian I Titih lobha, ngulurin kita kuangan winaya, pamuputne nemu sengkala. Keto masih I Tuma ane las mapitulung ngajakin I Titih ngalih mamahan masih nemu baya. Nah, cerik-cerik ajak makejang, keto upah anake bengkung. Ingetang pesan, yen ada anak ngemaang tutur, dingehang, telebang, lan laksanayang

    In Indonesian

    Dikisahkan ada Tuma tinggal di lipatan bantal raja. Dia memuaskan hawa nafsunya mengisap darah raja. Tuma cepat gemuk karena mudahnya mencari makanan. Di kamar tidur raja juga ada binatang lainnya. Binatang itu adalah Titih. Namun I Titih tinggal di sela tembok tempat tidur sang penguasa.

    Melihat Tuma yang gemuk, Titih pun mendekat dan minta dijadikan sahabat. Dia menceritakan keinginannnya agar diajak serta cari makanan di lipatan bantal raja. “Maafkan saya Tuan, saya sungguh takjub melihat Tuan yang sejahtera. Pastilah Tuan berlimpah makanan. Namun saya selalu kekurangan makan, hingga tubuh ini kurus kering. Jika Tuan bersedia, ajaklah saya ikut serta. Saya siap jadi abdi. Saya siap mengikuti perintah Tuan!” “Hai Titih, jika benar seperti yang kau sampaikan, aku bersedia mengajakmu cari makanan di tempat ini. Namun ingat, tidak boleh bendel apalagi melanggar aturanku. Jangan sesekali kau mengikuti hawa nafsu. Mereka yang rakus pasti bahaya. Selain itu, tidak boleh iri hati. Sebab iri hati melahirkan banyak musuh. Belajarlah tentang kebajikan!” nasihat Tuma kepada Titih.

    “Baiklah, saya ingin dapatkan makanan dan saya akan ikut nasihat Tuanku. Saya memohon, angkatlah saya sebagai murid. Saya titip diri.”

    Tuma tersenyum mendengarkan permohonan Titih. Tuma kemudian menyampaikan ajaran Sadripu agar kawan barunya itu tidak bertindak sesuka hati.

    “Bahagia sekali aku mendengar permohonanmu. Aku tulus menerimamu sebagai teman. Namun ingatlah ajaran Sadripu. Sadripu adalah enam musuh yang ada pada diri. Jika tak mampu mengalahkan musuh dalam diri maka sengsaralah hidup kita. Agar kau paham, tadi sudah kusampaikan tentang rakus dan iri hati. Rakus itu di Sadripu disebut Lobha. Iri hati itu matsarya. Musuh lainnya bernama Kama. Bahasa kekinian disebut hawa nafsu. Belajarlah dari sekarang membatasi keinginan sebab keinginan itu tanpa batas. Jika pemerintah menginstruksikan di rumah saja, jangan keluar rumah sebab virus corona Covid-19 mewabah. Selanjutnya ada Krodha. Tidak boleh marah apalagi brutal. Ada larangan keluar rumah, tidak mengarak ogoh-ogoh koar-koar kau bicara apalagi menghujat. Jangan seperti itu, emosi menyebabkan masuk bui. Musuh berikutnya bernama Madha. Mabuk. Ada yang mabuk kuasa, mabuk karena rupawan, ada juga mabuk menenggak arak, tuak, berem, brendi, dan minuman beralkohol lainnya. Merasa diri berkuasa, ada yang mabuk kekuasaan. Setelah ayah, anak, cucu, diharapkan generasi berikutnya menduduki kursi pemerintahan. Mereka bilang itu politik dinasti. Jika semua mabuk, maka musuh keenam akan kelaur. Musuh itu bernama Moha atau bingung. Nah, sekian dulu tutur yang kuberikan agar kamu tidak bingung!”

    “Baiklah, saya ikuti nasehat Tuanku,” jawab Titih.

    Titih senang dijadikan murid oleh Tuma. Suatu hari, Raja sedang rebahan di tempat tidur. Tiba-tiba Titih ingin menggigit Raja. Tuma pun melarangnya. “Hai Titih, jangan gigit sang raja, beliau belum tertidur! Jangan cari bahaya, tahan dulu nafsumu!”

    Namun Titih bandel, tak hiraukan perintah. Dia kemudian menggigit Raja. Sang Raja terkejut dan terbangun. Beliau memerintahkan abdinya mencari Titih. Abdi raja menemukan Titih di lipatan bantal Raja. Titih ditekan dengan jempol tangan hingga mati. Abdi raja kembali bersihkan tempat tidur, terlihat Tuma di lipatan kasur. Tuma akhirnya mati.

    Akibat Titih rakus, mengikuti hawa nafsu akhirnya binasa. Begitu pula Tuma yang ikhlas menolong juga menemukan ajalnya. Nah, adik-adik semuanya, begitulah kharma jika kita melanggar aturan. Ingatlah, jika ada yang memberimu nasehat, dengarkan, camkan, dan laksanakan!
    Nothing was added yet.