Sapunapi utsaha pamerintah antuk nepasin pikobet macet ring Bali?
- Title
- Sapunapi utsaha pamerintah antuk nepasin pikobet macet ring Bali?
- Affiliation
- SMA Negeri 2 Abiansemal
- Regency/City
- -
- Author(s)
- Category
- High School
- Year
- Photo Credit/Source
- https://imgx.sonora.id/crop/0x0:0x0/700x465/photo/2022/08/15/img_20220815_121451jpg-20220815032449.jpg
- Video Credit/Source
- School/Org (if applicable)
- Location
In English
In Balinese
Om Swastyastu, Suksma titiang atur majeng ring Ida Sang Hyang Widhi Wasa antuk paican Ida, iraga sareng sami prasida melaksana becik. Suksma aturang titiang mantuk para pamiarsa sane jagi ngawacen pidarta titiang puniki. Mangkin titiang jagi nyinahang angga, wastan titiang Cellin Aulia Nur Shendi Ansyah sisya kelas kalih sane masekolah ring SMA Negeri 2 Abiansemal, titiang jagi nlatarang pidarta indik utsaha sane patut kamargiang olih pamerintah pinaka utsaha nepasin pikobet macet ring Bali. Pikobet macet inggih punika pikobet sane sering kapanggihin ring makudang-kudang genah, utaminnyane ring Bali. Indike punika prasida ngawinang parajanane nenten seneng. Sakewanten nenten prasida katepasin kawentenan macet puniki taler prasida ngawinang pikobet ring widang ekonomi miwah palemahan. Ring makudang-kudang genah macet pisan, punika ngawinang galah sang sane nglintangin jalane nenten mawiguna, santukan ring kahanan macet punika, butuh galah makudang-kudang menit ngantos makudang-kudang jam mangda prasida nglintangin jalane punika kantos rauh ring genah ipune. Tiosan ring punika, yening bisnisne keni gangguan lalu lintas ri tatkala nuju ka genah kliennyane, punika ngawinang wenten konflik pantaraning ipune miwah klien sane meled makarya sareng ipun. Punika mawinan, dampak ekonomi taler kapangaruhan olih pikobet macet. Yadiastun nganggen angkutan umum taler pacang ngawetuang pikobet ring efisiensi galah santukan angkutan umum pacang magingsir ring akeh genah mapendak Halte kantos kasengguh olih makudang-kudang kramane yening nganggen angkutan umum wantah pacang ngirangin pamargin nuju genah sane katuju. Sane kaping kalih, lingkungan, macet yening mamargi antuk galah sane sue pacang ngawetuang polusi ring udara sangkaning asep kendaraan sane kaanggen pengendara motor utawi mobil. Indike punika sangkaning gas sane medal saking kendaraan sane ngamedalang CO utawi karbon monoksida sane dados silih tunggil gas rumah kaca. Gas puniki nenten ja wantah prasida ngusak palemahan miwah genah pernapasan manusa utawi sarwa maurip, sakewanten taler prasida ngusak lapisan ozon ring atmosfer bumi. Anggen nanganin kemacetan iraga patut aktif nyarengin ngalestariang dampak kemacetan antuk ngwantu program pemerintah. Nanging, larangan majeng krama mangda numbas kendaraan boya ja solusi mangda krama nganggen angkutan umum, duaning dumun Bali sempat madue angkutan umum Trans Sarbagita, raris mangkin Trans Metro Dewata miwah makudang-kudang layanan sane nenten marupa sakadi punika. Nanging pamargin danene nenten mamargi sakadi pangaptin danene. Pamerintah patut nglugrain kramane numbas montor akeh, sakewanten sane kaanggen wantah asiki. Pamrentah tetep polih pajak kendaraan. Dadosne, sujatine nenten ja masalah kramane numbas akeh kendaraan nanging kawigunannyane patut kaatur. Pamerintah patut ngrencanayang program perencanaan kota sane cerdas tur ngalimbakang rute alternatif miwah pawewehan margi pinaka utsaha nanganin pikobet kemacetan mangda arus lalu lintas sayan efisien. Pamerintah taler ngutsahayang mangda ngwangun sistem transportasi umum tiosan sekadi LRT Light Rail Transit pinaka utsaha muputang pikobet kemacetan. Utsaha sane mabuat puniki taler nenten dados lali, inggih punika ngicenin sosialisasi majeng ring parajanane indik mabuatnyane ngirangin kawigunan angkutan pribadi santukan yening kaanggen prasida ngawinang pikobet majeng ring para pengendara tiosan, palemahan, taler global. Krama sami wenang maduwe makudang-kudang kendaraan, sakewanten sajeroning ngawigunayang ipun patut nganutin uger-uger inggih punika wantah asiki manten kendaraan sane kaanggen. Raris, sapunapi indik turis dura negara san malancaran ka Bali? Pamerintah kaaptiang prasida ngrencanayang program berkelanjutan miwah efisien mangda kesempatan kenal pulau bali lewih ageng peluangnyan y ning kamargiang pembangunan infrastruktur, penyelesaian Pembangunan LRT utawi rute alternatif, taler pinaka solusi pinih becik mangda wisatawan mancanegara prasida dangan ngakses rute anggen neked ka genah tujuan wisata nyane. Pamuputne, pamargi sane pinih becik anggen nanganin pikobet macet merluang dukungan saking makudang-kudang pamargi saking pamrentah, partisipasi krama, taler tanggung jawab miwah kesadaran saking soang-soang krama. Puniki wantah pikobet sane ageng majeng ring parajanane sami utaminnyane ring Bali, mawinan upaya sane prasida kamargiang mangda prasida ngamedalang solusi sane lestari inggih punika jangka panjang iraga patut sareng-sareng maprakanti antuk pamargi kolaboratif. Ngiring sareng-sareng ngwangun solusi antuk pikobet macet sane wenten ring iraga sareng sami, lan mangda iraga sareng sami prasida ngamolihang kenyamanan ri tatkala ngamargiang kahuripan sane lestari lan harmonis. Inggih Ida dane sane wangiang titiang, wantah asapunika prasida antuk titiang mebaos indik utsaha sane patut kamargiang olih pamerintah pinaka utsaha nepasin pikobet macet ring Bali. Yening wenten atur titiang sane nenten mungguh ring pakayunan, titiang nunas geng rena pengampura. Sineb titiang antuk parama santih, Om Santih, Santih, Santih Om.
Enable comment auto-refresher