Bojog Jegeg
Summary
In English
In Balinese
Sawatara suba pitung dina makelone Ni Murdani negak mapangenan duur punyan kayune. Tusing ngamah muang nginem yeh. Ia tusing ngrunguang buah manggis, buah poh, buah wani, muang nyambu paglayut tasak di punyanne, Bedak lan layah basangne katanggehang. Makelo tusing ngamah, Ni Murdani ngancan meragang. Semune lepis turin ocem. Bojog lua ento ngranasika. Ngunjalang angkihan. Ngeneng, ngening nyujur Sang Hyang Embang. Ia nangun tapa semadhi. Suba makelo ia matapa, pantesne pangaptine suba kaisinin olih Embang. Bhatara Wisnu tedun tur masabda. Apa kal tunas, Murdani? Nyai suba makelo ngelarang tapa semadhi. Ngeneng ngening nguleng Embang Bojog lua ento ngedatang matane lantas ngaturang sembah pangubhakti. Apa kal tunas. Manira asung kertha wara nugraha mapica Bojog lua ento buin ngaturang sembah. Picayang tiang kajegegan, ratu sesuhunan Apa Kajegegan? Bhatara Wisnu kagiat. Metu rasa sumanangsaya idane. Nggih, kajegegan. Titiang meled jegeg sakadi Dewi ring kahyangan Ningeh pinunas bojog lua sekadi punika, Bhatara Wisnu kamegmegan. Nanging sabda sampun runtuh, kimud ida nitya samaya. Nah, lamun buka keto pangidih nyaine. Manira micayang mirah delima. Bhatara Wisnu mesuang soca ngendih barak makerab. Mirah delimane ene setata masunar. Tugtug kija plaib sunaran mirah delimane. Sasubane neked di danune, mirah delimane suud masunar. Celebang awak nyaine ping pitu di danune. Jatesemat nyai jegeg sekadi dewi. Wus masabdha Bhatara Wisnu matulak ka kahyangan. Girang sajan keneh bojog luane ento. Ia kecag kecog sangkaning girang kenehne sing kodag-kodag. Ia ngepungin sunaran mirah delimane. Ngaja nganginang sunar barak ento ngungsi. Ni Murdani masusupan ka tengah alas, menek jurang, nuunin abing, ngetut uri sunaran mirah delimane. Pamuputne sunaran barak makerab ento ilang. Ni Murdani girang kerana suba nepukin danu. Yeh danune ening, degdeg, ngelangenin. Kedis-kedise ngucaci matinggah di duur kayune. Angin danune dingin manulang. Ni Murdani ngilgilang. Sijumu ia ragu nyeburang awakne ka tengah danune. Apabuin uling makelo tusing taen manjus. Nanging sangkaning kedeh kenehne dadi anak jegeg, ia lantas nyemplungang awakne di danune. Biurrr. Acepok, ia ngenggalang bangun. Kedis makeber tur ngucaci girang ningalin i bojog lua. Ni Murdani ningalin lawatne di yeh danune ening. Tinglis tingalina kulitne alus tan pabulu. Ia makenyem girang. Biurrrr. Ia buin nyemplungang awakne di danune ping pendo, ping telu, ping pat. Di lawatan yeh danune, Ni Murdani ningalin muane ngancan nyegegang. Kulitne putih kedas. Bungutne ane bujuh tur matane ane mengkeb ka tengah suba ngenah dangsah. Sing kodag-kodag girang kenehne nepukin dewekne jegeg. Biurr. Ia buin nyeburang awakne di danune ping lima, ping nem, ping pitu. Jatesemat. Ni Murdani nyuti rupa dadi Dewi. Jegeg nyelolet. Kedis-kedise saling langkungin makeber tur maekin Ni Murdani. Tan parerenan ia ngaturang dahat paramasuksma ring Ida Sanghyang Embang kerana pinunasne suba kaisinin. Ia malinin kulit limane ane kedas, ngusudin bangkiangne rengkiang, tur ngusudin nyonyone nyangkih. Ia lantas ngusudin muane. Nadak ada rasa kuciwa di kenehne. Kenyemne prajani ocem kerana ningalin lawat cunguhne di yehe enu pesek. Ia dot ngelah cunguh mancung. Ia minehang nyemplungang awakne ping cepok ke danune. Pasti nyidang dadi Dewi paling jegeg, nyaihang dewi-dewine ring kahyangan. Makelo ia matetimbang pacang nyemplungang awakne ka danune. Kedis-kedise ngucaci kadena cumpu tekening papinehne. Tan paragu, anak jegeg listuayu ento nyemplungang awakne buin acepok ke danune. Ni Murdani buin nengok uling tengah danune. Ia lantas nolih lawatan awakne di yeh danune ening tur degdeg. Tinglis tingalina lawat bojog lua. Ento wantah Ni Murdani sujati. Kedis-kedise makeber ngejohin. Punyan kayune mareren ayag ayog ngigel. Danune nadak sepi. I bojog lua ngeling sigsigan.
In Indonesian
Monyet betina itu mengatur pernapasan. Terdiam dan memusatkan pikiran kepada penguasa alam. Dia bertapa. Sudah lama dia menjalankan tapa semadhi semestinya sudah mendapatkan apa yang diinginkannya. Bhatara Wisnu pun menemuinya dan bersabda. “Apa yang kau minta, Murdani? Kamu sudah lama bertapa. Berdiam diri dan memusatkan pikiran kepada penguasa alam!” Monyet betina itu membuka matanya lalu sembah sujud. “Apa yang kau inginkan. Aku akan mengabulkan permintaanmu!” Monyet betina itu kembali sujud dan menyembah. “Hamba minta kecantikan, paduka!” “Apa! Kecantikan?” Bhatara Wisnu kaget. Muncul rasa ragu. “Ya, kecantikan. Saya mendambakan cantik seperti Dewi di kahyangan!” Mendengar permintaan lugas dan tegas itu, Bhatara Wisnu terkejut. Namun kata telah terucap dan janji pantang diingkari. “Baiklah, jika seperti itu yang kau mau. Aku berikan mirah delima.” Bhatara Wisnu mengeluarkan permata dengan cahaya merah menyilaukan. “Permata mirah delima ini akan terus bersinar. Ikuti arah sinarnya. Setiba di danau, sinarnya akan padam. Ceburkanlah dirimu tujuh kali di air danau. Kau akan menjelma menjadi dewi yang cantik.” Usai bersabda, Bhatara Wisnu kembali ke kahyangan. Betapa bahagianya monyet betina itu. Ia melompat-lompat kegirangan. Ia berlari mengejar cahaya permata mirah delima. Cahaya itu menuju timur laut. Ni Murdani berkelana ke tengah hutan, mendaki jurang, menuruni lembah, mengejar cahaya permata mirah berkilauan. Tiba-tiba sinar itu padam. Ni Murdani bahagia karena melihat danau impian. Air danau itu jernih dan tenang, mengagumkan. Burung-burung bernyanyi di dahan pohon. Angin dingin menusuk tulang. Ni Murdani menggigil kedinginan. Ia ragu menceburkan tubuhnya ke danau. Apalagi ia sudah lama tidak mandi. Namun karena keinginannya besar menjadi seorang dewi, ia pun menceburkan dirinya ke danau. Biuur. Sekali, ia lekas berdiri. Burung-burung beterbangan bernyanyi menyaksikan monyet betina itu. Ni Murdani melihat bayangan dirinya di air danau yang jernih. Terlihat jelas kulitnya tanpa bulu. Dia tersenyum bahagia. Biuuur. Kembali dia menyeburkan diri ke danau. Dua kali, tiga kali, empat kali. Pada bayangan air danau, Ni Murdani melihat dirinya semakin cantik. Kulitnya putih bersih. Mulutnya yang monyong dan matanya tersembunyi ke dalam terlihat rata. Semakin bahagia melihat perubahan dirinya yang semakin cantik. Biuur. Dia menceburkan dirinya ke danau, lima kali, enam kali, dan tujuh kali. Berubah. Ni Murdani berubah wujud menjadi seorang Dewi. Sungguh jelita. Burung-burung seakan berlomba terbang untuk mendekati Ni Murdani. Tiada henti ia mengucapkan puji syukur kepada Tuhan karena permohonannya telah dikabulkan. Dia meraba kulitnya, meraba pinggangnya yang semok, dan meraba buah dadanya montok. Lalu dia meraba bagian wajah. Mendadak dia cemberut melihat hidungnya pesek. Dia mendambakan punya hidung mancung. Ia memikirkan untuk menceburkan dirinya sekali lagi ke danau. Pastilah mampu menyaingi kecantikan para dewi di kahyangan. Lama ia menimbang-nimbang untuk memutuskan kembali ceburkan diri ke danau. Burung-burung berkicau, disangka menyetujui pemikirannya.
Tanpa ragu, gadis mencelupkan tubuhnya ke danau. Ni Murdani kembali muncul ke permukaan. Dia bergegas melihat bayangan diri pada air danau yang jernih dan tenang. Terlihat jelas bayangan monyet betina. Itulah kesujatian Ni Murdani. Burung-burung terbang menjauh. Pepohonan berhenti menari. Danau kembali sepi. Hanya monyet betina menangis histeris.
Enable comment auto-refresher