COMA (Composting Around)

COMA (Composting Around) inggih punika silih tunggil proyek ngaryanang kompos sane kalaksanayang olih para yowana majeng masyarakat. Proyek COMA puniki kalaksanayang antuk sosialisasi miwah praktek berkala ring para yowana utamannyane sisya SMA indik tata cara ngaryanang kompos. Sane kaaptiang malarapan antuk praktek punika wantah paplajahan indik ngolah luu organik dados pupuk kompos sida nglimbak tur kalaksanayang ngawit saking sekolah kantos ring jero soang-soang sisya. Punika ngawinang, proyek ngaryanang kompos prasida nglimbak kantos ring palemahan kramane sane pinih akeh ngamedalang luu organik. Ring lontar Sundarigama kasurat “Wariga, saniscara kliwon, ngaran tumpek panuduh, puja kreti ring sang hyang sangkara, apan sira amredyaken sarwa tumuwuh, kayu-kayu kunang” sane mateges, ring wuku Wariga, Sabtu Kliwon kawastanin Tumpek Panguduh, inggih punika rahinan sane katuju majeng Sang Hyang Sangkara, santukan ida sane ngawa entik-entikane makasami mangda sida lanus. Indike puniki adung pisan sareng proyek COMA, inggih punika ngaryanang kompos, pinaka pupuk alami entik-entikan sane ngawinang tanahe sida nglanus tur nyaga palemahan.

Deskripsi

COMA Composting Around inggih punika silih tunggil proyek ngaryanang kompos sane kalaksanayang olih para yowana majeng masyarakat. Proyek COMA puniki kalaksanayang antuk sosialisasi miwah praktek berkala ring para yowana utamannyane sisya SMA indik tata cara ngaryanang kompos. Sane kaaptiang malarapan antuk praktek punika wantah paplajahan indik ngolah luu organik dados pupuk kompos sida nglimbak tur kalaksanayang ngawit saking sekolah kantos ring jero soang-soang sisya. Punika ngawinang, proyek ngaryanang kompos prasida nglimbak kantos ring palemahan kramane sane pinih akeh ngamedalang luu organik.

Ring lontar Sundarigama kasurat Wariga, saniscara kliwon, ngaran tumpek panuduh, puja kreti ring sang hyang sangkara, apan sira amredyaken sarwa tumuwuh, kayu-kayu kunang sane mateges, ring wuku Wariga, Sabtu Kliwon kawastanin Tumpek Panguduh, inggih punika rahinan sane katuju majeng Sang Hyang Sangkara, santukan ida sane ngawa entik-entikane makasami mangda sida lanus. Indike puniki adung pisan sareng proyek COMA, inggih punika ngaryanang kompos, pinaka pupuk alami entik-entikan sane ngawinang tanahe sida nglanus tur nyaga palemahan.

Utsaha utawi proyek napi sana pacang kalaksanayang?

Sekadi sane sampun ketah kauningin, luu organik inggih punika silih tunggil luu sane ngawinang palemahane cemer. Manut Kementerian Lingkungan Hidup dan Kehutanan KLHK warsa 2019, luu ring Indonesia akehan saking luu organik marupa sisan ajengan miwah don-donan, agengnyane 57 Manut ring data sane kamedalang olih EPA Environmental Protection Agency warsa 2021, silih tunggil luu organik sakadi luu ajengan, wenten sawatara 1.4 miliar ton nyabran warsa ring sajebag jagat, miwah ring Amerika medalang 103 juta ton. Punika ngawinang, luu organik dados pikobet sane patut gelis katepasin santukan prawesannyane kaon pisan.

Punapi antuk nyantenang utsaha utawi proyek puniki prasida mamargi (mapikolih)?

Proyek COMA sida kalaksanayang malarapan antuk prakantin makudang-kudang pihak, luire: sisya, sekolah miwah masarakat. Sekolah pacang nglaksanayang program puniki pinaka swadharma nyabran minggu olih makasami sisya, sane kasokong antuk aturan-aturan sekolah ngawinang sisyane patut ngamargiang program puniki, imbanyane dados program data siswa sane ngranjing. Sisya pinaka tokoh utama sane ngamargian proyek pacang kicen paplajahan indik kaluihan ngaryanang kompos miwah utsaha sane sadarana anggen nepasin pikobet palemahan. Program puniki pastika kasokong olih rerama para sisya pinaka masarakat santukan ngaturang panglahlah sane becik marep ring palemahan, dangan miwah mudah.

Napi sane mebuat sangkanin kelaksanayang parikrama puniki?

Malarapan antuk proyek COMA, medal utsaha anggen nepasin global warming pemanasan global sane dangan miwah mudah, santukan luu organik pacang medalang metana sane sida ngusakang ozon yening nenten becik kaolah. Lianan ring punika, masarakat sida ngirangang prabea pengangkutan sampah, utawi minab nenten perlu malih, palemahane daos resik tur sida ngawinang entik-entikane sayan lanus. Ring sekolah, program puniki ngawinang sekolahe resik, tukang bersih-bersih masih ingan, miwah suasana malajah sayan becik.

Napi malih sane prasida ngawinang utsaha utawi proyek puniki labda karya?

Proyek COMA inggih punika proyek sane sadarana sakewanten madue pikenoh sane ageng, ngaryanang kompos wantah utsaha sane dangan pisan miwah ngicenin panglahlah becik, samaliha nenten nelasang prabeya sane akeh. Proyek puniki becik pisan kalaksanayang rahinane mangkin santukan palemahan sekolah patut pisan satata karesikang, sapunika taler palemahan ring masarakat, napi malih kawentenan luu ajengan sane

Napike utsaha utawi proyek puniki prasida nglantur? Yening nenten, napi sane prasida kalaksanayang mangda nglantur?

Proyek COMA kalaksanayang nyabran minggu olih pihak sekolah, kasuen-suen pacang biasa kalaksanayang ring sekolah miwah ring masarakat. Proyek puniki pastika sayan kukuh kamargiang yening kasokong olih pemerintah.

Napike wenten tatwa sane kamunggahang ring utsaha utawi proyek puniki? Yening wenten, carca tur tatarang akidik!

Nilai luhur budaya Bali sane kawigunayang ring proyek COMA wantah Tri Hita Karana, utamannyane Parahyangan miwah Pawongan. Ring Parahyangan, manusa sakadi sisya nyaga palemahannyane, marupa mersihin sampah miwah ngawigunayang kompos pinaka pupuk alami entik-entikan. Lianan ring punika, proyek puniki taler ngamargiang konsep Pawongan, para sisya magotong royong, ngayah, mupulang luu ring palemahannyane.

Pesengan/Grup/Tim

COMA's Team