- Judul (Bahasa Daerah Lain)
- Fotografer
- Penulis
- Referensi Foto
- Subjek
- Referensi Lainnya
- Tempat
- Upacara atau Hari Raya (jika ada)
- Karya Tulis yang Berkaitan
- Referensi Lainnya
Deskripsi
Bahasa Inggris
Bahasa Bali
Kahanan jagate mangkin kari ngelawan gering gumi sane kabaos COVID Corona Virus Disease -19 utawi kabaos virus corona. Virus corona wantah silih sinunggil soroh virus saking kula Coronaviridae sane biasane ngelalinin sarwa paksi lan baburon lianan minakadi mamalia miwah sarwa lata. Virus punika katarka saking bukal sane akeh ring panegara cina tengah. Nanging, ring pasar Wuhan, bukal nike kaadol taler kaajeng olih para wargi Wuhanne nika mawinan virus punika mangkin ngeninin manusa tur dados grubug agung. Organisasi Kesehatan Dunia utawi World Health Organization WHO ring rahina wrespati 30 1 dauh lokal sampun netepang grubug COVID-19 utawi virus corona dados patibaya sejagat. Lampah puniki kaambil saantukan virus punika elah pisan ngalahlahin uling kontak fisik taler mangkin sane pejah antuk virus corona sayan ngakehang. Akeh panegara sane gering virus puniki rumasuk panegara Indonesia. Kasus kapertama katarka ring Depok, Jawa Barat inggih punika kalih wargi ring depok kapastikayang keni virus corona raris nyambran dina wargi Indonesia sane keni virus sayan ngakehang. Duaning kawentenan punika, Presiden Republik Indonesia, Ir. Haji Joko Widodo netepang pituduh makarya saking jumah work from home mawit saking tanggal 16 Maret 2020 taler mituduhang para kramane nongos jumah petangolas dina. Nanging, petangolas dina nike nenten prasida megatang rante sadulur panglahlah COVID-19 tur ngranayang makarya saking jumah sayan ngelamiang. Raris, COVID-19 katetepang dados patibaya nasional. Sekat kawentenan COVID-19 para kramane kapituduhin mangda prasida nongos ring jumah, ngelaksanayang pola idup sane sehat, tur anteng ngwangsuhin tangan. Nanging nenten samian prasida nongos jumah duaning wenten geginan sane nenten prasida kakaryanin saking jumah minakadi dokter, perawat, tukang angkut sampah, miwah sane lianan. Yening iraga medal saking umah kapituduhin mangda nyaga jarak utawi ngelaksanayang social distancing tur nganggen masker. Duaning kahanan pandemi COVID-19 puniki akeh pikobet sane karasayang olih para kramane, minakadi meweh ngrereh pangupajiwa, akeh sane keni PHK Putus Hubungan Kerja , ajin masker sane maal, miwah sane lianan. Raris, pikobet sane wenten rikala makarya saking jumah inggih punika akeh jinahe sane kaanggen numas kuota internet mangda prasida ngelaksanayang geginan siosan para sisia sane melajah online. Buleleng, pinaka silih tunggil kota ring Bali tur daerah kabupaten ring Indonesia nenten kakelidin antuk gering virus corona kejangkepin pikobet-pikobet krama Buleleng ulian wenten gering punika.. Putu Agus Suradnyana pinaka bupati, kasarengin olih Nyoman Sutjidra pinaka wakil bupati kari ngelanturang pituduh pamrintah pusat indik megatang rante sadulur panglahlah virus corona. Duaning asapunika, ten lali para garda terdepan, minakadi dokter, perawat, polisi, tentara, Pecalang, kelian adat, kelian desa, raris para kramane ring Buleleng sayaga nyokong pituduh-pituduh pamrintahe. Kota Singaraja pinaka inan kota Buleleng ten iwang ring konsepnyane sane kabaos Singaraja SAKTI Sejuk, Aman, Kreatif, Tertib, lan Indah sane keanggen ngelawan gering gumi ring aab mangkin ring Kabupaten Buleleng. Konsep sane kabaos sejuk kacihnayang antuk arsa sane sejuk ring para krama Buleleng rikala wenten gering COVID-19. Para kramane saling sagilik-saguluk salunglung sabayantaka sareng sinamian, minakadi ngelaksanayang bakti sosial sane nyumbang masker sareng sembako, ngaryanin disinfektan, miwah sane lianan. Para pecalang, polisi, tentara, miwah para petugas keamanan lianan samian ngelaksanayang konsep aman sane kacihnayang antuk nyaga wates desa, nyaga para kramane sane karantina, tur ngelayanin para kramane mangda tetep aman ring jumah soang-soang tur nenten panik indik kawentenan COVID-19. Para krama Buleleng prasida kebaos kreatif, duaning mangkin akeh media sosial sane kaanggen madolan tur ngaryanin konten kreatif sane prasida ngicen widya pangeweruhan ring krama sinamian, minakadi ring Instagram, info Singaraja nyambran rahina ngicen informasi indik kahanan ring Buleleng utamanyane indik COVID-19. Konsep tertib kalaksanayang olih para krama Buleleng sinamian rikala wenten pituduh saking pamrintah dinas lan adat, minakadi nginutin awig indik jam madolan, ngatur nasi wong-wongan, tur nganggen masker ritatkala medal saking umahnyane. Raris, sane kaping untat inggih punika konsep indah sane katarka ring parilaksanan pamrintah lan krama Buleleng sinamian, minakadi ngaryanin hotel lan sekolah mangda dados genah karantina sane becik, rumah sakit tur puskesmas kakaripta becik mangda para krama sane keni gering nyaman tur madue semangat mangda encol seger. Konsep SAKTI ring Buleleng karasayang olih sareng sinami kramane ring Buleleng raris saking konsep punika kaacepang mangda parikrama Buleleng ngelawan gering gumi sida sidaningdon. Nenten iwang para krama Buleleng sinamian tetep anteng nawen rage kajangkepin antuk konsep SAKTI ring arsa mangda sida COVID-19 ical saking mercapada. Dumogi kabupaten iraga sane madue Singaraja SAKTI tetep ajeg lestari tur trepti yadiastun ngelawan gering gumi.
Aktifkan pemuatan ulang komentar otomatis