Summary
In English
In Balinese
Jantung Lutung Kecag di Punyan Kayune
Di tengah alas madurgama, ada tukad linggah. Di tukade ento ada buaya tua. I Buaya keweh ngalih mamahan sawireh bayune suba enduk. Kadirasa nyaklok ebe di tukade ia keweh. Ento ane ngranayang I Buaya ngancan berag. Sedek dina anu, ia ningalin lutung ngamah buah di sisin tukade. I Buaya lantas maekin tur nakonin I Lutung. He Lutung, apa to kaamah. Jaen sajan kinyukan caine. Baang ja icang ngidih abedik, basang icange layah sajan Oh, cang ngamah buah nyambu. Neh balinin, yen cai demen, kal alapang buin, keto I Lutung nyautin tur ngenjuhang buah nyambu. I Buaya nerima buah nyambune ento lantas kinyukanga. Nyam, nyam, nyam, jaen karasayang. Mara segeran bayune suud ngamah nyambu. I Lutung buin ngalapang tur ngenjuhang nyambu kapining I Buaya. Sing kodag-kodag liang kenehne I Buaya sawireh basangne betek. Sasukat ento, I Buaya lan I Lutung masuwitra. Ipun makadadua sawai macanda. I Buaya masih sawai ngindegang I Lutung ngliwatin tukad. Keto masih I Lutung ngedil ngalapang I Buaya nyambu. Satonden mulih, I Buaya buin ngidih nyambu anggona gapgapan. Ia dot ngenjuhang somahne buah nyambu. I Buaya lantas mulihne mabekel buah nyambu. Teked jumahne, I Buaya ngenjuhang buah nyambune tekening somahne. Egar semitan somahne sawireh I Buaya mulih ngaba gapgapan. I Buaya nyambatang ngelah timpal luwung teken somahne. I Lutung timpal melah. Ia ane nulungin ngalapang buah nyambu. Ia masih ngapgapin nyai buah nyambu. Manis nyambune o? Suksma bli sawireh suba ngabaang icang mamahan. Saja buah nyambune manis. Kewala icang tuara nyaratang woh-wohan. Men apa kenehang nyai? I Buaya nyesedin somahne. Yen kene manis buah nyambune, pasti jantungne I Lutung masih manis. Icang dot ngamah jantung lutung Oh sing dadi, beli matimpal luwung ajak I Lutung. Ane lenan nae tagih. Nah, lamun beli tusing ngabaang icang jantung lutung, luwungan suba icang mati keto pasaut somahne. I Buaya bingung ngenehang tetagihan somahne. Nanging ia kaliwat sayang. Ia lantas ngisinin pangidih somahne. I Buaya lantas mekad tukad tur ngalih I Lutung ane sedeng ngamah nyambu di punyan nyambune. Tung, somah icange demen sajan ngamah buah nyambu. Ia ngaturang parama suksma kapining cai. Ia dot ngwales parisolah caine ane melah. Cai Kaden demen ngamah biu, somah icange ngudang cai kal ajak mapesta. Somah icange suba ngaenang cai gegodoh, pisang rai, lan kolek. Liang pesan kenehne I Lutung sawireh maan undangan pesta. Ia lantas ngempok buah nyambu anggon gapgapan mulihne I Buaya. I Buaya lan I Lutung lantas mekad tukad. Ditu lantas I Buaya nyambatang tatujonne ngajakin I Lutung mulihne. Oh keto, ngudiang cai mara nyambat nyaratang jantung icange. Sing busan nae sambatang. Apang cai nawang, jantung icange kecag di punyan nyambune. Icang ditu ngantung jantung. Apang tusing pocol, lan malipetan ka sisi, ajak jemak malu jantung icange Duh, kal beloh cang o. Pantesne busan icang nyambatang kapining cai. Lan malipaten malu, saut I Buaya. I Buaya ngatehang I Lutung ka punyan nyambune. Neked di sisin tukade, I Lutung lantas makecog ka punyan kayune. Ih Buaya, sajan cai beburon belog. Dija ada unduk jantung kecag di punyan kayune. Hahahaha, sajan cai beburon belog. Mapan cai ngelah daya corah, uling jani icang suwud matimpal ngajak cai. Ningeh munyin I Lutung buka keto, I Buaya makaengan. Manyeselin raga dadi beburon belog. Dinane ento I Buaya kilangan mamahan, keto masih kilangan timpal.
In Indonesian
Enable comment auto-refresher