Duang tiban suba iraga idup medampingan ajak virus Corona COVID . Nanging tusing ada tanda gumine lakar ngemelahang. Ane tepuk di beritane, viruse ngancan ngewayahang tur ngancan ngeliunang jenis mutasine. Pemerintah sampun ngutsahayang mangda nenten liu penduduk ngemasin mati. Pembatasan kegiatan masyarakat, vaksinasi tur kebijakan lian sane kasengguh nguangin penyebaran virus corona punika. Yening perhatiang, sane keni dampak paling sanget ulian virus corona niki wantah sector pariwisata. Santukan turise nenten mrasidayang masuk, masyarakat sane ngandelang sector pariwisata sewai-wai dados rapuh lan runtuh. Bandara tutup, hotel sepi, pegawe hotel lantas ten megae. Toko-toko ring objek wisata sami pade tutup, sawireh nenten wenten sane mablanja. Mangkin yening lakar pulih saking kondisi buruk niki, boye je tugas Pemerintah dogen, sakewala irage ajak makejang ngelah bagian tur dampak cenik utawi gede ring usaha ngamulihang Bali. Wenten kalih cara, ka tengah lan ka sisi anggon iraga ngelawan pandemi. Ka tengah maksudnyane napi sane ngadakang jiwan iraga di tengah enteg, sehat tur prasida ngalawan penyakit utawi virus. Pertama lan mautama minakadi ngajeng makanan bergizi, buah sayur lan multi vitamin anggen pendukung Kesehatan badan. Olah raga teratur ring rumah soang-soang mangda stata seger. Sami sampun uning makekalih cara punika. Nanging gumi gerit buka mangkin, prasida makan asane suba melah. Punika mangkin yening bisa iraga mulai ngusahayang self-support. Tegarang cingakin pekarangan umah, ade selah anggo nanem lakar jukut minakadi bayem, kelor, tabia miwah sane lianan. Yening sing ngelah pekaranngan linggah, mangkin ada sane mewasta vertical gardening. Liu tepuk video anake berhasil nanem entik-entikan tanpa tanah. Ngajeng hasil tetaneman ring pekarangan pedidi lebih sehat tur prasida menghemat pengeluaran dapur. Yening raga sampun sehat, mangkin jiwan iraga perlu masih sehat. Pikiran sehat masi ngadakang jiwa iraga tenang. Work from Home utawi megae uli jumah ngadakang iraga ngelah waktu lebih di jumah. Waktu lebih puniki sampunang anggen madingehang berita-berita hoax utawi ten beneh. Lebian mebalih berita hoax ngae sakit keneh. Yen kenehe suba sempuut, jiwane pasti tusing tenang. Daripada mebalih tur nyebaranga berita ane konden pasti beneh, paling melah balik ke hobi ane ngeranayang hati liang. Masak, magending, ngae bebanyolan nika wantah contoh hobi sane bisa bermanfaat. Ngae video masak, magending utawi ngae kekedekan lantas upload ke social media. Video-video nika prasida ngibur anak len tur ngawinang kenehe liang. Yening demen masak, hasil masakan nika dadi adep anggon nambah penghasilan. Sosial media nika patutne kedadosang sarana pengembangan diri, boya je sarana angon meracuni pikiran. Jiwa lan raga makedua seimbang nika wantah hal-hal sane termasuk ka tengah. Ka sisi nika wantah cara iraga berdampak ka lingkungan tur orang di sekitar iraga. Mulai saking kulawarga padidi. Rerama, panak, cucu, paman utawi bibi, pekak utawi dadong makejang bisa dadi korban virus lan korban berita sane menyesatkan. Patutne iraga prasida ngelindungin, ngemaang infomasi sane beneh, ngingetang mangda patuh teken protokol Kesehatan. Yening lebihan ngelah bisa masi raga berbagi ajak anak diluar keluarga. Mangkin liu Gerakan peduli sesama. Anake ane perlu dadi nyemak bahan makanan gratis, ane liunan ngelah dadi ngisinin buin. Asapunika wantah cara iraga bangkit uling pandemic puniki ka tengah lan kasisi.
Enable comment auto-refresher