Literature Pariwisata di Jimbaran Sasukat Corona

Kapal.jpg
Photograph by
Krismayanti
Authors
Subjects
    Reference
    Where this story takes place
    [[Badung|]]
    Event
    Reference

    Description


    In English

    In Balinese

    Mrana corona ane teka uli Cina teked ka Indonesia masih karasayang ajak makejang krama Baline. Liu tongos malali di Bali ane tawange ajak turis dura nagara krana pajalan pariwisata ngancan luung sawai-wai. Uli Bali sisi kaja neked Bali sisi kelod liu kramane ngalih pipis anggon bekel uli pariwisata ane ada di Bali. Mrana corona cara jani ene suba ada uli bulan Maret masih liu ngelah panglalah. Contone ada Bandara I Gusti Ngurah Rai di Tuban, Badung. Liu turis uli pulo lenan ane ada di Indonesia teked dura nagara ane teka ka Bali liwat bandara ento. Tongos-tongos malali ane paling paek suba pasti menang kelod ka Kuta Selatan. Desa Jimbaran maka tongos ane kasub di Kuta Selatan liu ngelah tongos malali ane luung lan kademenin ajak turis-turise. Kenken pajalann jani sasukat mrana corona? Apa buin kramane tusing dadi pesu uli umahne apang mrana ene enggal ilang uli Bali. Krama ane sabilang wai cara manyama braya ajak turise krana pepes tepuk tur nyatua bareng-bareng jani orahina ngoyong jumah krana nyeh kena mrana, uli dija maan pipis yen kene unduke? Pawarah-warah uli dane Gubernur miwah Bupati Badung liu kasobyahang sawai-wai. Tongos-tongos pariwisata sakadi pasih, waterspot, tongos madagang, ajak ane lenan di Jimbaran makejang patut katutup apang tusing liu krama mabesikan utawi rame-rame di tongos-tongos malali. Ada masih s walapatra uli Sekretaris Daerah Kabupat n Badung, pajalan igel-igelan kecak di tongos malali sakadi Pura Uluwatu tur Garuda Wisnu Kencana apang mareren malu uli tanggal 31 Maret 2020 neked galah ane onden pasti. Para pragina ditu liune lebian teken 100 diri, makejang sebet apa buin ane tusing ngelah pagae lenan. Jani para pragina ento magenti sabilang wai mareresik di tongose malali neked pajalan mrana corona ene suud. Gatra lockdown di dura nagara l nan masih ngranayang panglalah dini di Bali, santukan bedik turise ane nyidayang teka ka Bali. Hotel tur villa maka tongos mareren ri kala peteng di Jimbaran masih liu ane tusing misi turis, anak ane magae ditu sahasa ngoyong dogen sabilang magae. Liu karyawan ane mabalik ka umahne krana tusing ada pipis anggon maang gaji sabilang bulan. Ada masih tongos nginep ane matutup malu sakadi Hotel Six Senses, Hotel Tirta Bali tur villa-vila lenan ane ada di Jimbaran. Marga gede uli desa Pecatu neked desa Jimbaran sepi pesan cara sedeng Nyepi. Ane biasane macet ri kala semeng, tengai tepet, ngantos peteng jani cara alas ane sunia. Ane lakar pesu tuah anak mablanja dedaaran lan inem-ineman enggal-enggal mabalih mulih. Sekolah-sekolah masih tusing nyidayang mabukak. Apa buin Rumah Sakit Universitas Udayana ane ada di Jimbaran dadi tongos sang ane gelem corona. Paek ditu ada marga gede ane sabilang wai kaentasin ajak makejang krama uli Jimbaran. Makejang kramane nyeh, krana liu gatra ane tusing beneh kasobyahang di internet. Kone ada gatra sang ane gelem corona paek uli umah anak ane maca gatra ento. Utsaha ane nyidayang gae jani wantah ngoyong jumah apang pajalan mrana corona enggal ilang di Bali teked ka Indonesia. Sabilang wai anake patut satata ngrastiti bhakti ring Ida Sang Hyang Widhi apang satata seger oger.

    In Indonesian


    Name of Other Language

    -

    Translation into another Indonesian language

    -

    Comments


    There are no comments yet