Ngicalang Luu Plastik Mangda Palemahan Jagat Baline Sayan Asri Sekayang-kayang

Affiliation

SMK Negeri 1 Tembuku

Regency/City

-

Author(s)

Category

General Public

Year

Photo Credit/Source

Video Credit/Source

School/Org (if applicable)

Location

Enable comment auto-refresher

—

Ring panegara Indonesia utamanipun ring Bali, luu plastik utamanipun plastik kemasan sane wantah dados anggen apisan kantun dados pikobet nyantos mangkin yadiastun pamerintah provinsi Bali sampun ngamedalang pergub Bali nomor 97 tahun 2018 indik pembatasan timbunan sampah plastik sekali pakai. Peraturan punika kamedalang antuk tetujon sumangdane luu plastik punika nenten sayan akeh kawentenannyane ring Bali. Napi awinan skadai asapunika santukan luu plastik punika pinaka pikobet utama sane ngawinang kawentenang pencemaran palemahan minakadinipun pencemaran tanah miwah toya tukad miwah segara . Luu plastik punika meweh pisan berek utawi terurai, sue pisan yening nyantosang luu plastik punika berek utawi terurai secara alami olih dekomposer bakteri utawi jamur .

Manut pergub Bali nomor 97 tahun 2018 pasal 1, Luu plastik sekali pakai utawi PSP inggih punika samian alat utawi bahan sane kakaryanin madasar antuk bahan dasar plastik, lateks sintesis utawi polyethylene thermoplastik synthetic pinaka bahan sane kawigunayang makarya bahan sane dados kaanggen wantah apisan utawi sekali pakai. PSP punika dados marupa kantong plastik tas kresek , polysterina styrofoam miwah sedotan plastik. Samian luu plastik punika akeh pisan kawentenanyane ring sekolah, ring kantor, pasar kiwah ring pusat keramaian. Samian Luu punika pastika sampun kabakta ke TPA sane sampu kasiagayang. Sakewentan parilaksana sakadi asapunika nenten manut pisan, santukan nyansan sue parilaksana punika pacang ngawinang kawentenan penumpukan luu plastik ring TPA sekadi sane sampun kauningin akeh penumpukan sampah ring silihsinunggil TPA ring Bali.

Santukan pikobet punika silihsinunggil pamargi sane prasida kalaksanayang inggih punika mangda samian nganggen kantong belanja sane ramah lingkungan sane prasida kaanggen nenten wantah apisan sakadi tas sane kakaryanin antuk bahan kain utawi kanvas. Punika taler mangda styrofoam miwah sedotan plastik punika prasida kagentosin antuk bahan sane prasida kaanggen maulang-ulang nenten wantah apisan. Yening parilaksana punika prasida kalaksanayang konsisten, pastika sampun parilaksana punika pacang ngawinang luu plastik nyansan ngidikang kawentena nnyane ring jagat Bali. Iraga nenten wantah prasida mengurangi reduce luu palstik sekali pakai, sakewanten prasida menggunakan kembali reuse utawi mengolah kembali recycle samian luu plastikpuniak dados barang sane lebih mawiguna. Punika samian sampun kalaksanayang olih silihtunggil bank sampah ane wenten ring kabupaten Bangli. Bank sampah punika sampun akeh ngalaksanyang mou sareng desa adat, perkantoran miwah sekolah sane wenten ring kabupaten Bangli.

Bank sampah punika konsisten pisan ngalaksanayang pemilahan luu plastik sane kapilah dados petang kelompok minakadi duplex, kertas bekas, kardus miwah botol plastik kaleng. Akeh sekolah sane ngawentenang kerjasama utawi mou sareng bank sampah puniki, sakewanten parikrama puniki kantun akeh kapiambengnyane, santukan durung samian wargi sekolah madue pikayunan indik pentingnyane mengurangi miwah memilah luu plastik punika. Nah, kira kira punapi tata carannyane mangda samian wargi sekolah prasida madue pikayunan sane becil antuk ngolah miwah milah luu plastik punika?. Bapak utawi ibu calon pemimpin Bali napi sane prasida kakaryanin mangda prasida nyokong wargi Baline sane sampun berperan aktif ngolah luu plastik punika?. Punapi tata cara bapak ibu calon pemimpin Bali nyokong parikrama sane sampun kamargiang olih sekolah miwah bank sampah punika mangda kawentenan penimbunan luu plastik punika nenten dados pikobet ring palemahan Bali?

Iraga pinaka wargi Bali sampun sapatutnyane nyaga palemahan Baki mangda tetep asri kawentenannyane doh saking luu plastik. Pikobet punika dados PR sane pinih mabuat pisan majeng ring para calon pemimpin Bali, santukan yadiatun masyarakat kecil mabuat yening nenten wenten pemerintah utawi pemimpin Bali dane nyokong program pu nika sinah program punika nenten pacang mamargi antar. Titiang nunasang amueng ring para calon pemimpi Bali mangda satata nguratiang kawentenan palemahan jagat Baline antuk ngicalang pikobet luh plastik punika. Inggih wantah sakadi asapunika sane prasida atur uningayang titiang manawi wenten kirang atur titiang, tutiang nunas geng rena pengampura. Klungkung semarapura kirang langkung titiang nunas sinampura.

—