Literature Tangis Ibu Pertiwi
- Title (Other local language)
- Photograph by
- ayu arditya
- Author(s)
- Reference for photograph
- Subject(s)
- covid-19
- Reference
- Related Places
- Event
- Related scholarly work
- Reference
Description
In English
In Balinese
Cutetan niki katoreh ulian tangis ibu. Ibu sayan leleh nginutin pikenuh jagate. Makejang satata nuntut lebih saking ibu, Sakittt...sakitt pisan sane kaucap ring hatin ibu. Gumine jani sakadi blabar gede sane sayaga ngrabeda. Jagate inguh ulian virus. CORONA, keto virus ne kawastanin. Sadina-dina akeh anak sane mastatus positif corona utawi covid-19, akeh anak sane kuangan penghasilan krane kidik anake sane makuli ring sisi, akeh anak sane kuangan pangan antuk raga lan kluargane, lan kantun akeh anak-anak SD, SMP, lan SMA sane nenten polih ngerasayang masa-masa samawartana ring sekolaan, akeh umat sane nenten prasida polih masa-masa bagia ngalaksanayang hari raya soang-soang. Makudang-kudang lara nampek ring jagat puniki. Ulian corona majuta-juta jiwa padem ulah pati, ulian corona pamerintah puntag pantig ngamedalang perarem, ulian corona para tenaga medis satata sayaga dados garda terdepan antuk ngalawan virus lan sayaga ngaturang bakti antuk ngarawat pasien-pasien sane sampun terjangkit olih virus, ulian corona para narapidana bebas lantarang jejeh panyebaran virus sane kantun majadi-jadi, ulian corona objek-objek pariwisata ne matutup, ulian corona anake megae jumah, ulian corona hari raya kalaksana jumah, ulian corona sistem pendidikan Indonesia marombak total, ulian corona.... murid-muride malajah online jumah. Tiang besik ring majuta-juta sisya sane ngarasayang daring kelas maya ring jumah. Ring tengah pandemik niki Menteri Pendidikan Indonesia Bapak Nadiem Mahkarim sampun mausaha keras apang sistem paplajahan sane kalaksayang jumah nyidang malaksana becik. Salah satu ne wenten siaran ring tv TVRI sane nayangang video-video paplajahan antuk sisya SD, SMP, miwah SMA. Wenten malih aplikasi-aplikasi belajar sane sayaga nimpalin, wenten Quipper, Google Classroom, Ruang guru, Schoology, Edmodo, miwah aplikasi belajar lianan. Besik, duang minggu jumah rasane liang pesan dados macunduk ngajak kluarga, apabuin tiang anak asrama sane nenten sadina-dina polih waktu ngajak kluarga. Ring jumah titiang dados berkreasi lan tenang yening berinovasi. Ring jumah titiang satata polih masa antuk nyalanang hobby masak lan megending dikamar mandi, ring jumah titiang maseh polih masa antuk mragatang projek drama angkatan. Masa-masa jumah mule satata ngelangunin, apabuin sabilang semeng satata ade godoh biu lan teh jahe ne menanti, mule satata ngetisin keneh sami. Nanging jani....suba abulan majalan, malajah tetep kalaksanayang lewat online, mupul tugas lewat online, komunikasi lewat online, mesen makanan lewat online, termasuk maplayanan lewat online. Komunikasi sane uli media sosial jani sarase ngai inguh. Bahkan ring wanti warsa tiang sane ke nem belas tahun pun, kalaksanayang ring jumah. Bulan-bulan sakonden pandemik corona, titiang sampun ngayunang antuk mawanti warsa ring sakolahan, nanging nika wantah je sawates pikayunan sane tan malaksanayang. Kadang-kadang masa-masa ring sakolahan mabesit ring kayun, pakedek-pakenyum sareng timpal-timpal mengiang ring karna, ening ring perpustakaan sawai-wai kantun mabekas ring hati, riuh suasana ring kelas ten prasida lempas mabayang-bayang, jaje-jaje sane wenten ring koperasi mule satata ngai kangen, apabuin gorengan, es krim, lan donat sane satata kabayang. Sebet ngenehang gumi ne jani madecik pati. Dilema virus corona ten prasida ninggalin ibu, sayup-sayup rancu ngepulang keneh ibu. Tangis ibu sarase bencana ring jagat Baline. Ampura ibu, ampura krana ibu harus ngerasayang pikobet niki, ampura yening panak-panak ibu tan prasida polih nyaga ibu . Makudang-kudang seselan ring insan-insan jagate ten prasida nyidayang ngamolihang kepercayaan ibu. Ring era 4.0 niki, yowana sane ngisi peran paling penting antuk nyaga ibu pertiwi. Iraga mresidayang ngawantu pamerintah minakadi tetep ngoyong jumah. Ring tengah media sosial ne mangkin, dirumahaja satata dadi tranding topik ring makesamian kalangan. Ngoyong jumah ten mearti iraga nenggil lan mematung, nanging rikala jumah niki iraga patut ngamalang hal-hal positif ditengah pandemik covid-19. Matepat teken perarem pamerintah, iraga patut satata nyaga kebersihan diri lan lingkungan, ngalaksanayang istilahne social distancing utawi jaga jarak, lan satata sedia masker antuk mencegah penyebaran virus ring lingkungan. Akedik kepedulian iraga, lakar sanget mearti antuk kenyum ibu pertiwi.
Enable comment auto-refresher