What is your hope for 2024 in one word? Post your comments here or propose a question.

Foto-Ngeling Tumben Ngeling Ulian COVID-19-Luh Kadek Satriasih

Lomba curhat.jpg
0
Vote
Title
Foto-Ngeling Tumben Ngeling Ulian COVID-19-Luh Kadek Satriasih
Year
Related Places
    Writer(s)
      Photographer(s)
        Reference
        0881037360486
        Photo Credit
        Video Credit
        Wikithon competition
        Photo


        Add your comment
        BASAbaliWiki welcomes all comments. If you do not want to be anonymous, register or log in. It is free.

        Description


        In English

        In Balinese

        Sesukat ade mrana COVID-19 ane bisa menginfeksi sistem pernafasan utawi angkian, liu anake jejeh, krana virus ento bise ngelalah utawi menular. Tiang mase merasa jejeh, dugase ento Bapan tiang maan telepun uli RS. Sanglah orina swab test krana ring Unit Bapan tiange megae ade pasien ane positif kene Virus Corona. Tiang sebet nunasica tiang dumadak je Bapan tiange negatif COVID. Sekat ento tiang dadine was-was, jaga jarak tiang ajak keluwarga tiang e sekondene hasil Swab Bapan tiange pesu, boya je sok irage kekene apang slamet ajak makejang kangguang malu maejohan.Tusing je manusane dogen serasa uyak mrana COVID-19 neked ubuh-ubuhane care kene grubug sekadi siap, bangkung, bebek konyang ngemasin mati aget enu mesisa kucit tiange ne idup tuah buin lelime. Jani guru wisesane sube mesuang awig-awig tatanan baru ane meadan new normal. Masayarakat harus nyaga produktivitas di tengah mrana COVID-19. Irage tusing dadi nyerah tusing je ngoyong, tusing ngudiang-ngudiang, nanging irage harus tetep produktif lan tetep aman uli mrana COVID-19, ento mawinan mabuat tatanan baru, Achmad Yurianto nguningayang ring Graha BNPB, 28 05 2020 . Sesukat pesu awig-awig new normal irage sube dadi pesu nanging tetep nglaksanang protokol kesehatan sekadi masker, nyaga kebersihan tangane, jaga jarak utawi batesin mapagubugan. Krana iraga harus tetep produktif, sebilang wai tiang kecarik ngalih maman kucit lan ngarit padang, nganggo tiang masker, krana iraga harus tetep nglaksanang protokol kesehatan dija je ngoyong. Biasane tiang ngisi pulpen, spidol, ngisi buku ngajin murid-murid tiange di Home Schooling, ne jani tiang ngisi arit di carik e di subane suud tiang ngajahin uli jumah. Ke carik lantas tiang megarapan marengan meme ajak Bapa. Bapan tiang e anak pegawai RS. Sanglah, peternak lan dadi petani. Nyemak tiang Arit anggo ngarit padang tekening ngalap bun. Makebus-kebusan tiang dicarike peluhe paketeltel, majemuh sambil ngarit ne anak ade gunane meningkatkan daya tahan tubuh lan sistem imun apang awak iraga ngidang melawan infeksi, to ngaenang virus corona jejeh teken iraga. Marengan rerama tiang maan mencegah virus corona mase maan ibarat ne sekali mendayung dua tiga pulau terlampaui. yening padange baat sing ngidang tiang ngootang pedidi, ape buin tusing ade anak marengan ngootang, nyungkil tiang padang di pundukane ungkat-ungkit ngangsang pang ngidang je tiang nyuun padange aba ke kubu ne apang maan dogen ngamah sampine, disubane sube mesuun abe tiang ke kubu serasa ngetel yeh peningalan tiange krana baat sajan padange, buin pundukane belig krana suud ujan dibi sanje serad-serod batis tiange mejalan dipundukane, mekeneh tiang pedidi hidup mula keras tiang harus semangat, yen sing megae sing ngidang medaar, ape buin alihan-alihan ne keweh care jani , tingalin tiange sampi ne milu ngeling ngetel yeh mata ne, mirib Ia sedih krana tiang berjuang ngalihang Ia maman. Disubane suud tiang ngarit lantas tiang ngalih bun lantas maencolan mulih. Bun ento baang kucit tiange ane enu lelime, ane sube kaline mati ken inan ne, ngelah tiang bangkung nenem konyangan mati. Dugas ento sebilang wai bapan tiang ngabe kejen, ngabe sekop boya je beralih profesi dadi tukang bangunan naging nanem bangkung, nyak slegenti kaambil bangkung e sebet memen tiange, kudiang men de to sebetanga, kayang ne buin ngubuh bangkung, ne penting jani irage ane seger keto bapan tiang nuturin Meme. Anggut-anggut lantas Memen tiange, merase teken saje beneh orahange teken I Bapa apange irage ne seger. Ne ade buin ubuh-ubuhan tiang ngemasin mati, siap-siap e makejang ina neked pitik mati, uka ne tiang usaha medagang siap caru yeh.... sube slebesik paling lan amah alu, jani buin kene grubug, telah konyangan telah hik hik hik hik sebet tiang ngeling pedidi di bucu kamare. Tiang nunasica sebilang wai apang suud je mrana COVID-19 ne, apang buin normal care ipidan aman gumine, apang Irage makejang seger oger panjang yusa. VIRUS CORONA GELIS MATILAR

        In Indonesian