How to reduce waste at school canteen? Post your comments here or propose a question.

PENDIDIKAN SANE BECIK PINAKA PIRANTI ANTUK NINCAPANG KUALITAS SDM BALI

20231123T210119385Z811172.jpeg
Wikithon Winner
0
Vote
Title
PENDIDIKAN SANE BECIK PINAKA PIRANTI ANTUK NINCAPANG KUALITAS SDM BALI
Affiliation
Universitas Udayana
Regency/City
-
Author(s)
Category
University
Year
Photo Credit/Source
Siswa SMKN 3 Denpasar
Video Credit/Source
School/Org (if applicable)
Location


Gede Adrian Maha Putra

4 months ago
Votes 0++
Astungkara polih jayanthi
Add your comment
BASAbaliWiki welcomes all comments. If you do not want to be anonymous, register or log in. It is free.

Election 2024: What are the most urgent issues for Bali's leader candidates to prioritize?

In English

Ladies and gentlemen, jury and coaches who I respect, as well as the participants of the BASAbali Wiki Oration competition that I love. Om Sywastyastu. Through a pure and sinless heart, I never cease to express my gratitude to God Almighty, because with His blessings, I can meet with this audience today. In which I participate in the oration competition in today’s Public Participation Wikithon. Hopefully, events like this will continue to grow in the future, making Bali strong. Ladies and gentlemen, the subject of my oration is titled “Good Education as a Tool to Improve the Quality of Bali’s Human Resources”.

Ladies and gentlemen, what made me take that title? Because from a lot of what I see I conclude the youth in Bali do not get a good education. This makes it difficult for Balinese human resources to get a job that can develop the economy of the province of Bali. According to data from the Central Bureau of Statistics in 2021, the percentage of Balinese who did not go to school was 1.03 thousand people or 24.04%; then those who did not graduate from elementary school were 377.18 thousand people or 8.83%. Based on these data from the Central Bureau of Statistics, the government and Balinese people, especially students, should try to implement programs that can help Balinese people who have not received proper education. Then, what programs can be implemented? Let’s think together.

As a Balinese youth, I will provide solutions or suggestions to the ladies and gentlemen of the DPD Bali as well as the government who is the mouthpiece of the community, to always help provide good knowledge to all Balinese. The first suggestion: pay attention to the quality and quantity of the teachers. Teachers or educators are like the main key that will teach or provide knowledge to students. If teachers’ wages, facilities and accommodation are not good or adequate, it will affect the teaching process. Secondly, school and classroom support facilities should be prioritized. When the learning process takes place, but the facilities used are not complete, of course the teacher and students will have diffulties and the learning process in the classroom will be disrupted. The third suggestion is to provide the youth with positive out-of-school activities or out-of-school learning programs. Good examples are carrying out and participating in competitions, participating in community service programs as well as other useful work. With these activities students do not only to learn at school.

Ladies and gentlemen, based on the many things I have talked about, I would like to conclude as follows. The Balinese government and people should not underestimate education. Because through education, we can get a good job to improve the quality of Bali’s underdeveloped human resources. Also the Balinese are expected not to be swayed by the wealth that exists in today’s world, called “Industrial Revolution 4.0”. Let us together help Balinese who have not received a good education through positive and useful programs or activities. Lastly, we should introspect ourselves so as not to forget ourselves and together carry out our religious obligations by strengthening Bali.

Well, ladies and gentlemen whom I respect very much, that’s all I can say on this good day. Thank you to those who have witnessed my speech. Hopefully what I have said will be useful. For any shortcomings, let me apologize. In closing, I say paramasanthi. Om Shanti, Shanti, Shanti, Om.

In Balinese

Ida dane sareng sami, pamekas ring panureksa sane dahat kusumayang titiang. Bapak miwah Ibu panuntun sane wangiang titiang, taler para pamilet pacentokan Orasi BASAbali Wiki sane tresna asihin titiang. Om Swastyastu. Maduluran manah hening nirmala, tan mari titiang ngaluhurang rasa angayubagia mantuka ring Ida Sang Hyang Widhi Wasa, sangkaning pasuecan Ida, mawinan titiang prasida masadu arep ring ida dane sakadi mangkin. Gumanti titiang ngamiletin pacentokan Orasi ri sajeroning Wikithon Partisipasi Publik rahinane mangkin. Dumadak wekasan, pamargi kadi asapuniki sayan limbak kawentenannyane, wastu sida ngawetuang jagat Baline ajeg. Ida dane sareng sami, mungguing orasi sane jagi atur uningayang titiang mamurda Pendidikan Sane Becik Pinaka Piranti Nincapang Kualitas SDM Bali Ida dane sareng sami sane wangiang titiang, napi sane mawinan titiang ngambil murda kadi asapunika? Santukan akeh panggihin titiang, para yowanane ring Bali nenten polih pendidikan sane patut utawi becik. Indike punika sane mawinan SDM utawi sumber daya manusia Baline, meweh antuk polih gegaen utawi pekaryan sane prasida ngelimbakang ekonomi Provinsi Bali. Yening manut ring data Badan Pusat Statistik warsa 2021, persentase krama Bali sane nenten polih masuk utawi masekolah inggih punika 1,03 ribu jiwa utawi 24,04 , selanturnyane sane nenten lulus SD akehnyane 377,18 ribu jiwa utawi 8,83 . Saking data Badan Pusat Statistik punika, pamerintah miwah semeton Bali utamannyane mahasiswa sepatutnyane mautsaha antuk ngelaksanayang program-program sane prasida ngewantu krama Baline sane durung polih pendidikan sane layak utawi patut. Raris, program napi sane prasida antuk kalaksanayang? Ngiring sareng-sareng mapikeneh. Titiang pinaka yowana Bali, lakar ngemaang solusi utawi saran antuk Bapak miwah Ibu DPD Bali taler pamerintah sane dados penyambung lidah masyarakat, mangda setata prasida ngewantu ngicenin kaweruhan sane becik majeng ring semeton Baline sami. Saran sane kapertama, runguang utawi perhatiang kualitas lan kuantitas para gurune sami. Guru utawi tenaga pendidik pinaka kunci utama sane lakar ngajahin tur ngemaang kaweruhan majeng ring murid-muride. Yening upah, fasilitas tur akomodasi gurune nenten patut utawi durung memadai, punika prasida berpengaruh ring proses melajahe. Sane kapingkalih, fasilitas penunjang sekolah lan kelas sane patut kautamayang. Ritatkala proses melajah berlangsung, nanging fasilitas sane kaanggen durung lengkap, pastika guru sareng murid-muride mayus melajah utawi mengganggu proses melajahe ring kelas. Saran kapingtiga, icenin para yowanane sami antuk ngelaksanayang geginan sane positif ring sisi sekolah utawi program belajar di luar sekolah. Conto sane becik minakadi, ngalaksanayang miwah nyarengin pacentokan, ngamiletin program pengabdian masyarakat taler geginan sane mawiguna lianan. Mangda nenten melajah ring sekolah kemanten. Ida dane sareng sami sane kusumayang titiang, malarapan atur titiange sane lantang wawu, pacang kaaturang pacutetan asapuniki. Pamerintah miwah krama Baline nenten dados ngeremehang utawi memandang sebelah mata indik kaweruhane punika. Santukan saking pendidikan iraga prasida ngemolihang geginan utawi gegaen sane becik antuk nincapang kualitas SDM Bali sane durung ngelimbak. Taler para krama Baline mangda nenten kadalon ring kawibuhan sane wenten ring jagate mangkin, sane kabaos Revolusi Industri 4.0 . Ngiring iraga sareng-sareng ngewantu krama baline sane durung polih pendidikan sane becik malarapan antuk program utawi kegiatan sane positif lan bermanfaat. Kapinguntat, iraga sepatutnyane mulat sarira mangda eling ring angga, sareng-sareng ngalaksanayang swadharma agama antuk ngukuhang jagat Baline. Inggih, ida dane sareng sami sane banget wangiang titiang, wantah kadi asapunika titiang prasida matur ring galahe sane becik puniki. Suksma aturang titiang majeng ring ida dane sane sampun nyaksiang Orasi titiang puniki. Dumogi napi sane baosang titiang wenten pikenohnyane. Mantuk ring saluir kakirangan, lugrayang titiang ngelungsur agung rena pangampura. Pinaka pamuput atur, titiang ngojarang parama santhi. Om Santhi, Santhi, Santhi, Om

In Indonesian

Hadirin sekalian, terutama kepada dewan juri yang sangat saya hormati. Bapak dan Ibu pembina yang saya hormati, juga para peserta lomba Orasi BASAbali Wiki yang saya kasihi. Om Sywastyastu. Melalui hati suci tanpa dosa, tiada hentinya saya menghaturkan rasa syukur ke hadapan Tuhan Yang Maha Esa, karena atas berkat-Nya, saya bisa berjumpa dengan hadirin seperti sekarang ini. Yang mana, saya mengikuti perlombaan orasi dalam Wikithon Partisipasi Publik hari ini. Semoga acara seperti ini terus berkembang di kemudian hari, sehingga membuat Bali menjadi kukuh. Hadirin sekalian, hal yang akan saya orasikan berjudul "Pendidikan yang Baik sebagai Alat Meningkatkan Kualitas Sumber Daya Manusia Bali".

Hadirin sekalian yang saya hormati, apa yang membuat saya mengambil judul seperti itu? Karena banyak yang saya lihat, para pemuda di Bali tidak mendapatkan pendidikan yang baik. Hal tersebut yang membuat SDM atau Sumber Daya Manusia Bali, sulit dalam mendapatkan pekerjaan yang bisa mengembangkan ekonomi Provinsi Bali. Apabila menurut data Badan Pusat Statistik tahun 2021, persentase warga Bali yang tidak bersekolah adalah 1,03 ribu jiwa atau 24,04̤%, selanjutnya yang tidak lulus SD sebanyak 377,18 ribu jiwa atau 8.83%. Berdasarkan data Badan Pusat Statistik tersebut, pemerintah dan masyarakat Bali terutama mahasiswa sebaiknya berusaha melaksanakan program-program yang dapat membantu warga Bali yang belum mendapatkan pendidikan layak. Lalu, program apa yang dapat dilaksanakan ? Mari berpikir bersama-sama.

Saya sebagai pemuda Bali, akan memberikan solusi atau saran untuk Bapak dan Ibu DPD Bali juga pemerintah yang menjadi penyamb ung lidah masyarakat, agar selalu membantu memberikan pengetahuan yang baik kepada saudara Bali sekalian. Saran yang pertama, perhatikan kualitas dan kuantitas para guru sekalian. Guru atau tenaga pendidik bagaikan kunci utama yang akan mengajar atau memberikan pengetahuan kepada para murid. Apabila upah, fasilitas dan akomodasi guru tidak baik atau tidak memadai, itu akan berpengaruh pada proses mengajar. Yang kedua, fasilitas penunjang sekolah dan kelas patut diutamakan. Ketika proses belajar berlangsung, namun fasilitas yang dipakai belum lengkap, sudah barang tentu guru dan para murid akan malah belajar atau mengganggu proses belajar di kelas. Saran ketiga, berikan para pemuda sekalian melaksanakan kegiatan yang positif di luar sekolah atau program belajar di luar sekolah. Contoh yang baik, yakni, melaksanakan dan mengikuti lomba, mengikuti program pengabdian masyarakat juga pekerjaan yang berguna lainnya. Agar tidak hanya belajar di sekolah.

Hadirin sekalian yang saya hormati, berdasarkan banyak hal yang saya bicarakan sebelumnya akan saya berikan simpulan sebagai berikut. Pemerintah dan masyarakat Bali tidak boleh meremehkan atau memandang sebelah mata mengenai pendidikan itu. Karena melalui pendidikan, kita bisa mendapatkan pekerjaan yang baik untuk meningkatkan kualitas SDM Bali yang belum berkembang. Juga para warga Bali diharapkan agar tidak terbuai dengan kekayaan yang ada di dunia saat ini, yang disebut "Revolusi Industri 4.0". Mari kita bersama-sama membantu warga Bali yang belum memndapatkan pendidikan yang baik melalui program atau kegiatan yang positif dan bermanfaat. Yang terakhir, kita sebaiknya mengintrospeksi diri agar tidak lupa diri, bersama-sama melaksanakan kewajiban beragama dengan mengukuhkan Bali.

Baiklah, hadirin sekalian yang sangat saya hormati, sekian yang dapat saya sampaikan di hari yang baik ini. Terima kasih saya haturkan kepada hadirin yang telah menyaksikan orasi saya ini. Semoga apa yang saya sampaikan ada manfaatnya. Untuk segala kekurangan, izinkan saya memohon maaf. Sebagai penutup, saya ucapkan paramasanthi. Om Shanti, Shanti, Shanti, Om.