What is your hope for 2024 in one word? Post your comments here or propose a question.

Kambing Takutin Macan

Location
Bali
Main characters
Event
Dictionary words


    Add your comment
    BASAbaliWiki welcomes all comments. If you do not want to be anonymous, register or log in. It is free.

    Summary



    In English

    In Balinese

    Kacerita ada kambing madan Ni Mesaba ngajak Ni Wingsali. Ia luas ka alase, ngalih amah-amahan ane nguda-nguda.

    Panakne Ni Wingsali masih bareng ka alase. Tan kacerita di jalan, teked ajak dadua di alase. bih, demene Ni Mesaba ajak Ni Wingsali, nepukin amah-amahan ane nguda-nguda.

    Sedeng itehe ngamah, Ni Wingsali makasiab nepukin buron tawah. Melaib Ni Wingsali di durin memene, sambilanga matakon. Meme .meme .ade buron tawah, to to ya meme .. ikuhne lantang, gubane aeng , nyeh tiyang meme..

    Mesaut lantas Ni Mesaba,

    ento madan I Macan , nah kene jani cening, entegang sebenge apang care anak sakti, anggon nayanin I Macan, ane malaksana corah .

    I Macan masih ngon nepukin Ni Mesaba ngajak pianakne Ni Wingsali. I Macan ngomong,

    Ih, buron apa saja iba bani mai ka alase? kai ane kuasa di alase ene .

    Mesaut Ni Mesaba, Ih iba macan. Iba mirib tusing nawang, uli awak kaine bisa pesu api. Di tanduk kaine Ida Sang Hyang Siwa ane malinggih. Kai kaliwat sakti, tusing buungan iba amah kai. Sambilanga Ni Mesaba ngengkotang tandukne tur mekecos.

    I Macan lantas malaib. tepukina teken i Bojog. i Bojog matakon , Beli, apa krana beli malaib? .

    I Macan masaut, beli jejeh nepukin buron tawah. Awakne poleng tandukne lanying .

    Raris, seanturnyane .. Ento sing je lenan teken I Kambing. Tiang mamusuh teken ia. Jalan jani malipetan bareng-bareng alih .

    Masaut I Macan,

    beh, yen beli kema tusing buungan beli mati. Cai gancang menek kayu, elah makecos .

    I Bojog buin ngomong, yen beli sangsaya, jalan tegul bangkiange. Kantetang ikuhe .

    Munyin i Bojoge lantas guguna teken I Macan. Ditu pada ngilitang ikuh, pada negul bangkiang. Kacrita jani suba neked di arepan Ni Mesaba. Ni Mesaba masebeng egar tur mamunyi

    Uh, cai Bojog teka. Dugas caine kalah matoh-tohan,

    cai majanji nyerahang macan patpat. Ane jani cai mara ngaba aukud.

    Nah kanggoang embok masih. sedeng melaha embok ngidamang be macan. Mara keto munyine Ni Mesaba, I Macan kaliwat jejeh.

    Beh, i dewek bayahange utang teken i Bojog, keto kenehne.

    Ditu lantas ia jeg malaib patipurug. i Bojog bragedega. Ulian keliwat jejehne I Macan, lantas maka dadua ulung di jurange tepen batu. Pamuputne mati I Macan teken I Bojog.

    Nah keto tuah, amun apa ja wanene wiadin kerengne, yening belog sinah lakar nepukin sengkala buka I Macan.

    In Indonesian

    Cerita ada Kambing bernama Ni Mesaba dan Ni Wingsali. Dia pergi ke hutan untuk mencari makanan.

    Anaknya bernama Ni Wingsali yang juga ikut ke Alas. Ceritanya, sesampainya di hutan “Bih, senengnya Ni Mesaba bersama Ni Wingsali, mencari makanan yang masih muda. Sedang asyiknya makan, Ni Wingsali terkejut melihat hewan lain. Berlarilah Ni Wingsali di belakang ibunya, sembari bertanya. “Ibu, Ibu, ada hewan buas, itu dia! Ekornya panjang, wajahnya seram, ibu saya takut! Dijawab oleh Ni Mesaba, “Itu namanya I Macan, sekarang begini saja, perlihatkan dirimu seperti orang sakti, untuk menakuti I Macan yang berbuat buruk”. I Macan masih bengong melihat Ni Mesaba bersama anaknya Ni Wingsali. Kemudia I Macan bilang, “Ih, Hewan apa kamu berani ke hutan? Saya yang berkuasa di hutan ini!”. Dijawab oleh Ni Mesaba, “Ih, kamu macan. Kamu mungkin tidak tau, dari tubuhku bisa keluar api. Di tandukku bersemayam Ida Sang Hyang Siwa. Aku sudah terlalu sakti, tidak batal aku untuk memakanmu. Sambil Ni Mesaba mengangjat tanduknya dan melompat.

    I Macan kemudian lari dilihat oleh I Bojog. I Bojog bertanya “Kak, apa yang menyebabkan kakak lari?”. Kemudian I Macan menjawab, “saya takut melihat hewan buas. Tubuhnya loreng dan tanduknya lancip”. Kemudian, setelah itu “Itu, tidak lain tidak bukan adalah I Kambing. Saya bermusuhan dengannya. Ayo kembali dan cari dia bersama!” Dijawab oleh I Macan, “Beh, kalau saya kesana pasti tidak kembali, Kamu cepat naik ke kayu, mudah untuk melompat”. I Bojog kembali bicara, “Kalau kakak ragu, jalan ikat pinggangmu, luruskan ekormu” Ucapan si Bojog Langsung dipercaya oleh I Macan. Disana dia melilitkan ekornya, dan mengikat pinggang. Ceritanya sekarang sudah di depan Ni Mesaba. Ni Mesaba terlihat garang dan berkata “Uh, kamu Bojog datang. Sejak kamu kalah taruhan” Kamu berjanji menyerahkan macan empat, sekarang hanya membawa satu ekor” Iya, terima saja kak. Pas sekali kakak ngidam Macan. Baru itu kata Ni Mesaba, Macan sudah terlanjur takut.

    Wah, saya membayar hutangnya Bojog, Begitu pikirannya I Macan. Kemudian ia berlari tunggang langgang. I Bojog marah. Karena sudah terlalu takkut I Macan, kemudian mereka berdua jatuh di jurang dan tertimpa batu. Pada akhirnya I Macan dan I Bojog mati.

    Ya begitulah karma, seberapapun beraninya kalau bodoh pasti akan melihat bahaya seperti I Macan.
    Kambing takutin macan.png


    Foto: msatuabali.blogspot.com