Foto-Pokokne Tiang Curhat-Ni Komang Dyah Asri Astini

WhatsApp Image 2020-07-10 at 20.40.07.jpeg
4.00
(4 votes)
Title
Foto-Pokokne Tiang Curhat-Ni Komang Dyah Asri Astini
Related Places
    Writer(s)
      Photographer(s)
        Reference
        08873384387
        Photo Credit
        Video Credit
        Wikithon competition
        Photo

        Description


        In English

        In Balinese

        8 Juli 2020. Sakadi biasane sampun 4 sasih titiang ngelaksanayang kabiasaan weweg ring jumah kemanten ulian gering agung Covid-19 puniki, sajabaning wenten ne saratang mara lakar pesu. Kabiasaan punika ngae titiang ngerasayang sane madan seken waneh, pas titiang mukak twitter wenten info lomba curhat maan adiah, buina gratis, wih.. lakar seken mapiguna niki ring keneh titiange. Niki galah sane becik nyeritayang keluh kesah ring ati, kadirasa iraga makesami sampun telah uleh-ulehan geginan napi sane dados laksanayang ring jumah.

        Ngiring titiang ngawitin cerita tiange puniki uling 4 sasih sane sampun liwat. Gering agung Covid-19 sampun ngae tatanan idup irage nenten biakta malih. Ring Pebruari, titiang ngerasa makejang kari melah, titiang kari prasida makumpul ajak para sawitra nglaksanayang kuliah kerja nyata KKN ring Ubud. Nanging, daweg 1 sasih suudne punika pas ring pinanggal 16 Maret 2020 makejang dadi malianan, nadak makejang mahasiswa harus ngererenang makejang kegiatan KKN ring banjar, ten dados mekumpul malih. Rincik pengabdian masyarakat sane sampun tatas pokokne jagi nglaksanayang kemanten harus kawangde. Makejang kegiatan lan bimbingan kampus sane kari mesisa melaksanayang lewat whatsapp. Titiang seken merasa tangkejut, durung merasa siap antuk parubahan sane seken-seken nadak. Punika durung amunapi ngae bayu kesyor-kesyor, sawetara sasih Maret-April akeh orti ring TV, koran, lan social media maosang indik gering agung Covid-19, uling indike pasien sane positif, anake sane sungkan rahat ulian panyakit puniki, akeh pasien mawali ke tanah wayah, nyantos orti kaluwarga ring dura negara sane mawali ke Bali nenten katerima olih masyarakat. Makejang meadukan, uyang, inguh jeg ten kadi-kadi. Kaperluan masker, vitamin, hand sanitize makejang sukeh minab kabaos langka lan mael.

        Ring sasih Mei, Pamerintah Kota Denpasar ngelaksanayang Pembatasan Kegiatan Masyarakat PKM krana jumlah pasien positif ring Bali terus ngakehang. Masyarakat sane luar Denpasar harus makta surat keterangan saking kepala desa yening jagi macelep nuju Denpasar. Nika ngeranayang titiang uyang krana kari nyewa kost, yening kaitung sampun 3 sasih titiang nenten maan nyinggahin kost titiange, pamuputne titiang nyuudang ngekost lan makta barang-barang mulih ke Karangasem ngucap mani PKM. Gering agung niki ngemaang titiang akeh papalajahan, kenehe uyang ulian nenten dadi pesu lan ngorta makumpul sareng tetangga, makejang terbatas, ngalih bahan ajengan sukeh, akeh kegiatan kewangde, resolusi 2020 mantak dados wacana. Lantas ring sasih Juni durung usan pikobet pasien positif ring Bali sane ngakehang, pamerintah pusat sampun ngarencanaang New Normal. Titiang merasa ragu. Nanging seusan titiang ngalihin informasi indik New Normal, iraga nenten prasida terus-terusan ring jumah kemanten. Geginan manut perekonomian warga harus kejalanang malih. New Normal nenten ja mearti gering agung niki sampun usan, pokokne nika sane terus katanamang ring pikenoh titiange. Iraga meajahin apanga prasida meadaptasi. Prasida keh titiang meadaptasi? Makta peralatan sakadi masker, hand sanitizer, sapisanan nganggen face shield yening kocap jagi pesu. Jujur keneh titiang, rikala nganggen masker merasa nenten lues lan muan titiang aluh dadi giat. Nanging, joh puniki titiang setata manutin peraturan. Titiang nenten nyak dikadi lepet nasib titiang dados pasien positif utawi dadi sang sane ngabe penyakit puniki.

        8 Juli 2020. Titiang akhirne prasida nyeritayang napi sane rasayang titiang ulian gering agung puniki liwat tulisan, liu biasane napi sane kerasayang sukeh mepebaosang langsung. Dumogi jagate malih rahayu, penyakit puniki gelis usan, lan iraga prasida negak medampingan sambil macerita Nak ngujang gen biasane pas karantina di jumah?

        In Indonesian