Masalah Sampah ring Bali
- Title
- Masalah Sampah ring Bali
- Affiliation
- Regency/City
- -
- Author(s)
- Category
- High School
- Year
- Photo Credit/Source
- Video Credit/Source
- School/Org (if applicable)
- SMA Negeri 1 Gianyar
- Location
In English
In Balinese
Om Swastyastu, ainggih para tim penilai sane wangiang titiang, punika taler atiti sami sane tresna asihin titiang, ngiring iraga sareng sami ngaturang rasa angayubagia majeng ring Ida Sang Hyang Widhi Wasa duaning sangkaning paswecan Ida, iraga sareng sami prasida mapupul ring acara sane becik puniki.
Sakadi sane sampun kauningin, Bali inggih punika silih sinunggil surga tropis ring Indonesia sane sampun sue dados destinasi wisata utama ring sajebag jagat. Pulo Bali madue makudang-kudang kaindahan alam, budaya, miwah krama sane seneng mapitulung.
Keindahan alam Bali wantah silih sinunggil daya tarik pariwisata sane wenten ring pulau puniki. Saking pasih sane asri, gunung-gunung sane tegeh, air terjun, miwah tukad-tukad sane ngulangunin.
Nanging, kawentenan krama lokal miwah wisatawan sane akeh ring provinsi puniki ngawinang akeh pisan sampah. Data saking Sistem Informasi Pengelolaan Sampah Nasional SIPSN Kementerian Lingkungan Hidup dan Kehutanan KLHK nyihnayang, volume sabilang bulan sampah ring Bali ngantos 1,02 yuta ton selami warsa 2022. Limbah-limbah sane w nten katahnyane mawit saking aktivitas rumah tangga, pasar, miwah para kramane miwah wisatawan sane ngentungang sampah.
Silih sinunggil dampak saking akehnyane sampah ring Bali inggih punika kebakaran ring TPA. Silih tunggilnyane inggih punika TPA Suwung. Manut saking IDN News, kebakaran ring TPA Regional Sarbagita Suwung Kangin, Kelurahan Sesetan, Kecamatan Denpasar Selatan sampun memargi saking Kamis 12 10 2023 sawatara jam 11.30 Wita.
Pikobet sampah ring Bali patut gelis kauratiang, santukan Bali wantah silih sinunggil destinasi wisata favorit dura negara. Pamerintah sepatutnyane sayan tegas sajeroning nanganin pikobet sampah, yadiastun sampun wenten kebijakan sane ngatur nanging pelaksanaanyane durung maksimal. Conto sane tiosan inggih punika marupa tindakan preventif, represif, miwah kuratif.
Preventif mateges pancegahan. Pamerintah patut sayan mautsaha sajeroning ngamargiang kebijakan-kebijakan sosial. Pamerintah prasida ngawedar penyuluhan indik sampah, daur ulang, pemisahan sampah, miwah tata cara ngirangin kawigunan sampah, ring sekolah miwah ring desa.
Represif punika mateges ngicen sanksi anak sane nenten satinut ring pidabdab. Pamerintah patut nyaurin sakancan anake sane nenten satinut ring prentah. Makudang-kudang tindakan sane prasida kamargiang sekadi denda, sanksi ngamargiang kegiatan kebersihan, penjara, miwah sane lianan nganutin abotnyane pelanggaran sane kamargiang.
Kuratif mateges ngubadin. Pamargine punika inggih punika ngamecikang genah sane sampun keni pencemaran sampah. Dinas sane terkait punika lan krama sami mangda prasida ngebersihin genah sane sampun keni pencemaran.
Masyarakat taler patut nyokong utsaha-utsaha sane kamargiang olih pamerintah, santukan partisipasi masyarakat dados cihna sane mabuat pisan sajeroning ngawetuang kebijakan sane becik. Pinaka krama Bali, ngiring iraga sareng-sareng sareng pemerintah ngaryanin Bali sane bersih, indah, asri, lan berbudaya. Mangda Bali tetep kaloktah pinaka genah wisata sane becik, tur iraga dados krama Bali taler prasida meneng ring Bali. Ainggih wantah asapunika sane prasida aturang titiang, suksma antuk uratiannyane, kirang langkung titiang nunas ampura. Puputang titiang antuk parama santi. Om Santih, Santih, Santih Om.
Enable comment auto-refresher