Media Information and Government Policy Are Aligned For The Community?
Description
In English
In Balinese
Orti Media tur Kebijakan Pemerintah, Sampun Selaras antuk Masyarakat? Media nyobiahang orti keliwat becat, ten ngantos awai, orti sampun dikonsumsi olih masyarakat. Nanging, napike orti nika sebenarne patut dikonsumsi olih kramane ring Indonesia, utamanyane ring semeton Bali? Sampun je nika selaras sareng kebijakan pemerintah sane mangkin? Definisi Basang Seduk ring Masa COVID-19 PPKM Level 4 Orti indik COVID-19 sareng PPKM Level 4 sane mangkin rame papineh irage dados warganet ring kolom komentar media. Wenten sane nyobiahang opini ten percaye jak COVID-19, wenten sane ngulik adat Bali sane nenten mersidang kelaksanayang, nganti basang wareg ajak imbauan manten, napi buin Kopi Arak dados tagline ring masa PPKM niki olih Pak Wayan Koster, nanging basang jeg tetep seduk tusing nekang hasil. Kebijakan pemerintah jeg dados pitaken daweg mangkin, karna nenten sinah solusi anggen masyarakat, ape buin akeh kramane ring Bali liu sane me-PHK utamanyane ring sektor pariwisata tur kramane sane maduwe utsaha wantah polih penghasilan minim, yening itung-itung nika nenten polih lakar ajeng nasi benjangne, wantah anggen balik modal manten gen ampun syukur setengah mati. Napi Sane Je Ngranayang Grubug COVID-19 Niki Nenten Gelis Pulih ring Indonesia? Yening irage nyingakin negara eropa, buka Italia, Israel, Selandia Baru, nganti Hungaria sampun ye bebas masker. Napi je ngranayang negara-negara nika mersidang kenten? sakewala iraga ring Indonesia tileh je men meniki, jeg kanti ngelah yusa COVID-19 ne. Nika mawinan iraga wawu 28 sane mevaksin, 72 ne durung. Nanging negara eropa sane kesebut nika sampun lebih 50 kramane mevaksin, makane ngidang mebalih Piala Euro ajak liu. Nah, ring drika dados tolok ukur iraga patut ngutsahayang mangda sampun akeh sane mevaksin, utamanyane ring Bali mogi-mogi mersidang tembus lebih dari 50 masyarakat sampun mevaksin. Yen Keto, Enggal Je Onyang Mevaksin, Suud Be Covidne. Sing Keto? Nggih, patut nika, Tu.. nanging masalahne.. Iraga masyarakat Indonesia akeh sane ten bani mevaksin, ape buin liu orti nyobiahang sane wusan mevaksin malah sungkan, positif COVID-19, ade nak ngortang liu nak kanti ngalin ulian vaksin. Jeg akeh mis-informasi sane ngranayang masyarakatne jejeh ajak vaksin, tur orti-orti nika nenten terkontrol ring media massa, utamanyane ring media sosial. Kadi rasa orti HOAKS sane menjamur ring WhatsApp sane kesobiahang olih golongan tua wenten lebih siu tali temuan, ape buin nika wenten sokongan mulut ke mulut. Jeg gelis mis-informasi nika dikonsumsi olih masyarakat. Ten nika manten, akeh media berita sane makta misi ngaryanin kegaduhan lan makta mosi tidak percaya indik kebijakan pemerintah, lan media-media nika yen ditelusuri sepatutne nenten maduwe regulasi tur melanggar kode etik. Napi Sepatutne Kebijakan Pemerintah? Nyingakin prakara punika, pemerintah patut gelisang kebijakan Sosialisasi Anti-Hoaks, Memutus media sane nenten valid tur berkolaborasi sareng komunitas pemberantas mis-informasi, Ngajak para profesional ngewangun Sertifikasi Media mangda dados wadah informasi sane valid, Sosialisasi punapi sepatutne iraga dados masyarakat matur indik aspirasi utawi solusi manut UU UUD nanging tetep nyaga etika berkomunikasi, tur melibatkan media antuk nyobiahin orti-orti indik UMKM UKM , Lapangan Pekerjaan, utawi lomba-lomba sane menghasilkan secara gratis nenten dipungut biaya. Nika menurut tiang pinaka penulis nyaranin kebijakan sane patut kelaksanayang. Suksma atur titiang, Om Santih Santih Santih Om.
In Indonesian
Enable comment auto-refresher