Summary
In English
In Balinese
Kacerita ada bukal menyama ajak patpat, I Bukal ane wayanan, I Malong ane nengahan, I Lelawah ane nyomanan, I Jempihit ane ketutan. Sadina-dina ia magonjakan, ngorahang sorohne paling melah di gumine. Bagusne bungah buka bunga, sugihe meliah buka pasih, duege madugdug buka gunung, agunge tegeh buka langit, sitenge maguet buka batu, wanene maranen buka lelipi panteg. Sedek iteh magonjakan ajak nyaman-nyamane, saget teka kelihan burone, banban pesan kelian burone mamunyi, Jro Bukal, Tiang mapengarah, buin mani banjar burone makejang tedun magae. Mara keto munyin kelian burone, bangras I Bukal masaut. Ngudiang icang bang arah-arah tuun ngroyong? Ade kene buron makampid? Sawireh keto pesautne lantas kelian burone megedi. Kelian buron marasa jengah sawireh marasa kalah. I Malong bengong, Lelawah dekah, Jempihit ngejangit, I Bukal kendel ingkel-ingkel, maan nguluk-uluk kelihan burone. Sedeng iteh makedekan, saget teka kelian kedise tur alon-alon mamunyi, Jro Bukal tiang mapengarah, benjang banjar kedise tedun mekarya. I Bukal bangras mesaut, Ngudiang icang bang arah-arah? Ada kene kedis magigi rangap-rangap? Mara keto pasautne I Bukal, prajani kelian kedise magedi. Ditu lantas I Bukal nyangetang kedek ngakak tur masuryak ngorahang kelianne belog, ngaku soroh bukale paling ririha. Gelisang cerita, I Lutung muduhang burone makejang. Disubane mapunduh lantas ia ngomong. Wihhhhhhh Buron ajak makejang jani jalan magae, depang bukale ngoyong. Lautang makejang ginane soang-soang, ane ngamah be lautang maboros, ane ngamah umbi-umbian lautang nglumbih, ane ngamah padang lautang ka tegale, ane ngamah woh-wohan bareng ajak icang. Mara keto pegrasah burone ngalih amah makejang. Kacerita jani banjar kedise lega liang maan ngunuh buah-buahan. Ada buah bunut ane nyangluh, buah juet ane manis, makejang banjar kedise marasa girang liu maan duman. Sedek iteh maduman saget teka I Bukal laut ia ngomong bangras tur getar. Wihhhhh.... iba soroh kedis ngudiang icang tusing bang duman? Icang patuh teken iba paturu makampid. Ditu lantas banjar kedise sebet sawireh I Bukal nagih duman. Keto masih banjar bojoge liang pesan liu maan woh-wohan tasak-tasak lan manis-manis. Ada buah kepundung, ceroring, poh pakel, wani, manggis tur woh-wohan ane lenan. Saget teka I Bukal bareng nagih duman. Wihhhhh....... iba soroh bojog ngudiang icang tusing bang duman? Icang patuh teken iba, paturu magigi rangap. Jeg gedeg burone makejang, lantas soroh Bukale tundunga lan suudanga mabanjar. Ditu lantas I Bukal jejeh tusing bani pesu lemah. Ento makrana soroh bukale pesu peteng-peteng dogen tusing bani pesu lemah.
In Indonesian
Enable comment auto-refresher