Kewentenan Luu Ring Bali

Saking BASAbaliWiki
Lanturang ka:navigasi, rereh
20231113T062703663Z293327.jpeg
0
Vote
Murda
Kewentenan Luu Ring Bali
Pangripta
SMA NEGERI 1 SELEMADEG
Kabupaten/Kota
-
Pangawi
Kategori
SMA/SMK
Warsa
Foto Sane nuenang/Wit berkas
Karya sendiri
Video Sane nuenang/Wit berkas
School/Org (if applicable)
SMA NEGERI 1 SELEMADEG
Genah
JL. Gelogor Bajra Selemadeg
The place does not exists yet in wiki, click to create it


Wewehin panampen
BASAbaliWiki menerima segala komentar. Jika Anda tidak ingin menjadi seorang anonim, silakan daftar atau masuk log. Gratis.

Pemilu 2024: Apa pakéweh ané paling nengsek tur patut katepasin baan para calon pamimpin Bali?

Basa Inggris

Basa Bali

KEWENTENAN LUU RING BALI

Om Swastiastu Kapertama ngiring iraga sareng sami nunas ica majeng ring Ida Sang Hyang Widhi Wasa santukan asung kertha wara nugraha ida, ring galaH puniki titiang ngaturang pidarta utawi orasi sane mamurda Kawentenan Luu Ring Bali. Boya je memanah nasikin segara, nanginin ida dane sane sampun wikan. Sakewanten titiang mAmanah nyarengin pamargin guru wisesane, mangda iraga sareng sami ring jagat Bali puniki urati ring luu sane sayan nincap kewentane.

Ida dane sareng sami sane wangiang titiang, yening maosang indik jadat Baline sayukti sampun akeh kekasuban lan pikobet nyane. Yening maosang pikobet sane nibenin jagat Bali, irage sareng sami sampun nyaksiang blabar ring kota utawi ring desa, tanah embid, polusi lan abrasi ring pasisin segara.

Ida dane sareng sami nyingakin saking pikobet sane sampun kabaosang wau, wenten sane dados unteng pikobet nyane inggih punika luu plastik sane ten wenten sane nguratiang, boya je wantah ring kota kemanten nanging sampun nluksuk rauh ke desa. Luu plastik punika wantah baya ageng, yening iraga nenten urati ring palemahan. Sekadi sane sampun lintang, wenten pikobet sane nibenin genah ngutang luu sane kabaos TPA akeh sane sampun bekan, napi mawinan bekan? Nika mawinan ring Bali durung wenten genah daur ulang luu plastik punika. Galah sane sampun lintang ring TPA Suung, Mengwi miwah ring Tabanan sami puun, santukan kawentenan jagate sane panes. Dugas nika nampek saking TPA keni polusi mawinan andus saking luu sane puun.

Ida dane sareng sami, kewentenan genah ngutang luu durung becik nyinahang iraga di Bali durung ngundukang pikobet luu ring keluarga miwah desa, saking pikobet puniki titiang ngaptiang pemimpin Bali sane pacang kapilih ring warsa 2024 mangda nguratiang indik pikobet luu puniki. Pemimpin Bali kaaptiang prasida ngicenin solusi ring pikobet luu sane wenten ring Bali mawit luu saking keluarga, desa miwah sajebag Bali. Pemimpin ring bali patut ngicen contoh indik usaha mangda dados kalaksanayang ring keluarga sane dados penghasil luu pinih akeh.

Ida dane sami, yening cutetang titiang atur titiang sane wawu luu plastik maka pikobet ring bali sane patut uratiang . Pamargi sane prasida margiang inggih punika ngiring sareng sami ngirangin ngangge plastik, nenten ngutang luu sakita arep, mereresik serahina mangda palemahane jagi resik lan asri. Ngiring ide dane sareng sami uratiang Bali puniki sawireh bali sampun kasengguh pinaka genah Bali wisata dunia.

Inggih ida dane sareng sami sane wangiang titiang, wantah kadi ampunika sane prasida kaatur saking titiang ring galang becik puniki, kirang langkung titiang nunas geng rena sinampura. Pamuputnyane titiang sineb antuk parama shanti Om Shantih Santih Shanti Om

Basa Indonesia

Property "SummaryTopic ban" (as page type) with input value "nyingakin saking pikobet sane sampun kabaosang wau, wenten sane dados unteng pikobet nyane inggih punika luu plastik sane ten wenten sane nguratiang, boya je wantah ring kota kemanten nanging sampun nluksuk rauh ke desa. Luu plastik punika wantah baya ageng, yening iraga nenten urati ring palemahan. Sekadi sane sampun lintang, wenten pikobet sane nibenin genah ngutang luu sane kabaos TPA akeh sane sampun bekan, napi mawinan bekan? Nika mawinan ring Bali durung wenten genah daur ulang luu plastik punika. Galah sane sampun lintang ring TPA Suung, Mengwi miwah ring Tabanan sami puun, santukan kawentenan jagate sane panes. Dugas nika nampek saking TPA keni polusi mawinan andus saking luu sane puun." contains invalid characters or is incomplete and therefore can cause unexpected results during a query or annotation process.