Om Swastyastu, Sane wangiang titiang para angga panureksa. Sapunika taler, ida dane sareng sami sane tresna sihin titiang. Pinih ajeng ngiring ngaturang rasa angayu bagia ring Ida Sang Hyang Widhi Wasa, duaning sangkaning pasuecan ida, titiang ngiring ida dane sareng sami prasida mapupul I riki sajeroning acara Wikithon Partisipasi Publik Bali Berorasi. Ring galahe mangkin, lugrayang titian ngaturang orasi sane indik Kirangnyane Pendidikan Karakter Para Yowana ring Aab Sakadi Mangkin .
Inggih, ida dane sareng sami, pastika iraga uning pendidikan karakter inggih punika seni ngeresepang lan norma sane kaanggen sumangdane dados jatma sane maguna. Sane mangkin ring Bali khususnyane ring kalangan para yowana, wenten pikobet sane durung prasida kapuputan inggih punika icalnyane moral lan karakter. Niki sampun cihna rikalaning wenten pandemi covid-19, para yowana libur ring sekolah, ipun wantah sering mengakses sosial media. Para yowana nenten uning napi sane patut kadadosang konten sane maguna, lan napi punika konten sane kaon. Silih sinunggil nyarengin trend nglimbakang gatra sane nenten patut utawi berita hoax, parilaksana kaon akehan kabaos patut ring yowanane mangkin, raos nenten becik akeh pisan kaucapang ring media sosial, lan parilaksana hidup konsumtif krana trend barang sane viral ring media sosial katumbas ring aplikasi belanja online Dampak ring sajeroning oarilaksana punika ngranayang para yowana ne mangkin sampun keni hedonisme lan kauripan sane nenten wenten bates. Sedih pisan nyingakin kawentenan para yowanane mangkin, antuk kawentenan media sosial miwah teknologi sane sayan nincap kasarengin antuk konten-konten sane kaunggah nganutin trendsetter sane ngiusin tumbuh kembang karakter yowana ne mangkin. Ritatkala kaselehin, para yowanane mangkin sampun lali ring kawentenannyane dados anak alit. Indik punika sangkaning kirangnyan pendidikan karakter san kapolihang ring jumah utawi ring sekolah. Napi malih ring masekolah, paplajahan punika ngutamayang pikolih, n nten solah becik. Indik puniki prasida kacingak saking kirangnyan jam Pendidikan Moral dan Pancasila PPKN ring sekolah. Sane kabuatang pisan inggih punika mangda anake madue karakter sane becik, mangdane ipun mrasidayang ngarepin pikobet sane wenten mangkin miwah sane pacang rauh. Punika mawinan, iraga ngaptiang majeng ring pamimpin san jagi kapilih ring warsa 2024 mangda prasida nglaksanayang pamargi san becik ring widang puniki, duaning indik puniki mapaiketan sareng kualitas generasi pamimpin san jagi rauh.
Sane mangkin ngiring sareng-sareng mecikang karakter yowana Bali anggen menyelamatkan generasi penerus bangsa mangda nenten keni iusan negatif teknologi lan lingkungan. Mangda nenten Bali akehan madaging yowana sane krisis karakter lan krisis moral. Kirang langkung titiang nunas ampura tur kapuputang titiang antuk parama santi. Om Santhi, santhi, santhi, Om.
Enable comment auto-refresher