2 - Luh Ayu Manik Mas, Ngae Perpustakaan Keliling

Deskripsi

Video by: A.A. Ari Laksemi

Basa Inggris

Without warning, a fierce wind sprang up in Room 21. The book that Luh Ayu Manik and her friends were reading shook and then flew about the room. And from the pages of the dirty, torn and tattered book, horrid demons appeared. Luh and her friends wanted to run away but they couldn't move ... they were like statues. I Wayan and I Made wanted to scream ... but their lips were sealed shut and they couldn't speak.

Basa Bali

Saget angine nglinus di kamar 21. Buku ane bacana ajak Luh Ayu Manik ajak timpal-timpalne ento saget magejeran lan makeber. Uli buku ane daki buina usak brengbeng ento pesu raksasa-raksasa ane gobane aeng. Makejang makita malaib, kewala tuah nyidaang mamegeng cara togog tusing bisa nindakang batis. I Wayan ajak I Made makita mageluran. Nanging, bibihne macaket sing nyidaang ngomong.

Basa Indonesia

Tiba-tiba angin berhembus kencang di kamar 21. Buku yang sedang dibaca Luh Ayu Manik dengan teman-temannya tiba-tiba bergetar dan terbang. Dari buku yang kotor, rusak, dan robek itu keluar raksasa-raksasa yang wajahnya seram. Semua hendak lari, tetapi hanya bisa diam tanpa bisa bergerak seperti patung. I Wayan dan I Made ingin berteriak. Namun, bibir mereka terkatup tidak mampu bicara.

Reviews

(change interface language in upper right corner to see reviews in other languages)

Review by: Gede Edi Subawa

Pangripta sajeroning ngamedalang cakepan puniki inggih punika sane maunteng Pahlawan. Asapunika taler pangripta sampun mautsaha ngamedalang cakepan puniki antuk dagingnya sane ngawinang nudut kayun sang sane ngwacen. Nganinin indik lelintihan daging satuanyane sampun ngawedar indik pikobet sosial para janane mangkin. Pangripta taler mahbahang indik pawatekan soang-soang pragina sane mabinayan. Para pangwacen cendek sajeroning lelintihan satuanyane rikala cakepan puniki murka utawi rikala medal Rangsasa lan Bawi sajeroning cakepan punika. Sajeroning cakepan sane mamurda Luh Ayu Manik Mas punika akeh guna kaya utawi nilai kahuripan sane kapolihang umpami ngawantu jadma mangda satata saling asah asih lan asuh. Cutetnyane piteket sane prasida kaambil ring cakepan puniki inggih punika Yening iraga dados manusa mauirip ring jagate puniki, sajeroning ngawantu jadma sane lianan nenten wantah prasida nganggen arta brana nanging dados nganggen widya pangweruhan turmaning rikala dados jadma mangda mautsaha anteng sajeroning ngwacen cakepan mangda widya pangweruhane ngancan ngalimbak

Review by: Gek Yuli

Buku puniki becik pisan kawacen antuk para alit-alite, santukan makeh madaging gambar sanemawarna-warni. Puniki makardi alit-alit sayan nglimbak kaonengannyane ring ngwacen napi malih ngwacen buku basa Bali sane rumasa meweh antuk malajahin kruna-krunanyane. Nanging ring buku puniki kruna-krunannyane dangan karesepang antuk sang sane ngwacen. Buku puniki taler makeh ngicenin piteket moral, mangdane iraga pinaka jadma Bali utaminnyane generasi penerus patut pisan nincapang kaweruhan ring sajeroning basa Bali antuk ngwacen buku santukan wenten paribasa ring bahasa Indonesia Buku adalah jendela ilmu dadosne yening iraga ngwacen buku, prasida sampun maplesiran ka dura negara sakadi sane wenten ring carita puniki. Utsaha puniki taler silih tunggil utsaha mangda prasida ngajegang budaya Baline.

Videos

Nothing was added yet.