Om swastyastu Sane wangiang titiang para angga panureksa. Sapunika taler, para semeton sareng sami sane b tresna sihin titiang. Pinih kapertama ngiring iraga sareng sami nunas ica majeng ring Ida Sang Hyang Widhi Wasa, krane pesuecan ida iraga prasida maupul I riki sajeroning acara wikithon partisipasi publik Bali Berorasi. Ring galahe mangkin lugrayang titiang ngaturang pidarta utawi orasi sane mamurda Ngwangun Napi Ngelestarian?. Napi sane sida iraga jaga ring bali puniki? wewangunan gedung-gedung industri sane ageng utawi keasrian carik uma ane linggah punika?. Nenten iraga rasayang mangkin wewangunan ring Bali sampun akeh pisan, wewangunan ento lantas ngawinan lahan ring Bali ngancan ngamedikan. Lantas napi sane lakar iraga gaenin?, iraga lakar ngemaang uma ane ngaenang bali asri ento ilang?. Yening iraga ngomongan bali, bali punika kasub ulian keindahan lan keasrian alam cara gunung lan uma ring sajebag bali. Lianan punika, tusing ja ulian keindahan alam dogen bali nika terkenal, taler ulian budaya lan adat istiadat. Bali kasub krana genah pariwisata sane becik,yening lahan ento terus dadiang hotel utawi gedung, lakar enu ada turis ane teka ka bali?. Yening lahan di bali terus dadiang hotel, enu liu hotel ane luungan tekening hotel-hotel ane ada ring bali. Buka Seminar Haluan Pembangunan Bali Era Baru 2025-2125, ane dadi pitaken olih Ibu Megawati Soekarnoputri, Ibu Megawati nyelehin yening bali sane mangkin suba tusing cara bali ane pidan. Sane mangkin akeh pisan hotel-hotel ring bali. Ragane mataken hotel-hotel sane kawangun ring bali nika nyen ane ngelahang, semeton uling bali utawi semeton uling luar bali? yening semetona ane ngelah hotel punika semeton uli luar bali, iraga dadi semeton bali ngemaang lahan iraga pedidi ke anak ane tusing iraga tawang, napi ane iraga bakatang uli ngemaang tanah iraga ento, pastine tusing je untung ane irage bakatang, nanging rugi, rugi krane lahan ane ngaenang bali punika indah lan asri jani sakebedik ilang ulian makejang lahan punika dadiange hotel utawi gedung-gedung. Len kene enu je ada turis ane lakar melali ke bali yening makejang lahan ring bali punika sube dadi hotel?. Sepatutne ane ngae turis ento melali ke bali tusing ulian hotel ane kewangun ring bali, ane ngae turis ento melali ke bali ulian bali ngelah keindahan lan keasrian alam uli ume sane linggah ring bali taler tongos-tongos pariwisata ane magenah ring daerah-daerah sane ade ring bali. Uli pikobet ento calon pemimpin bali Warsa 2024, sepatutne nyidaang milih lakar ngelestariang lahan ane ada ring bali utawi ngewangun hotel taler gedung-gedung ane lenan ring bali. Inggih para Semeton bali sareng sami, ngiring irage sareng-sareng ngelestarian keindahan lan keasrian Pulo Bali ne mangkin, apang keindahan lan keasrian pulo bali punika tusing ilang, krane lahan-lahan ume ani maubah dadiange hotel taler gedung sane lianan.Ainggih para Semeton Sareng sami, wantah sapunika sane prasida katur titiang, kirang Langkung titiang nunas ampura tur puputang titiang antuk paramasanti. Om Santhi Santhi Santhi Om.
Enable comment auto-refresher