Utsaha Muputang Pikobet Limbah Upakara Ring Kota Denpasar
- Title
- Utsaha Muputang Pikobet Limbah Upakara Ring Kota Denpasar
- Affiliation
- SMA Negeri 2 Denpasar
- Regency/City
- Denpasar
- Author(s)
- Category
- High School
- Year
- Photo Credit/Source
- Google dan Pribadi
- Video Credit/Source
- School/Org (if applicable)
- Location
In English
In Balinese
Bali, pinaka pulo sane madue akeh pisan julukan, minakadi Pulo Dewata, Pulo Surga utawi The Island Of Paradise, miwah Pulo Seribu Pura.Sekadi sane sampun kauningin sareng sareng, akeh pisan faktor sane ngawinang Pulo Baline kasenengin utawi kadadosang tetujon utama wisatawan. Tios ring punika kawentenan, tradisi lan budaya ring bali puniki setata madue tetujon ngwangun kahuripan sane santhi tur sutrepti malarapan antuk.
Ring panglimbak aab jagate sane sampun keni ius globalisasi marupa teknologi miwah ilmu pengetahuan ngawinang kawentenan pemargin tradisi lan budaya ne ring bali sayan ngereredang.Tur ngawinang rerednyane rasa eling antuk nyaga tur ngupapira palemahan druwene. Tri Hita Karana inggih punika ajahan sastra agamane sane pinaka pangeling iraga, sujatinyane kahurpian iraga madue paiketan sane pinih raket ring Ida Sang Hyang Widhi, sareng manusa sane lianan miwah sareng palemahanne.
Embas tur maurip ring Kota Denpasar, ngawinang titiang madue paiketan sane pinih raket ring genah embas titiang puniki. Sakewanten, rikala TPA Suwung ring Denpasar Selatan keni kageni baya ring Oktober 2023, bencana puniki prasida ngetug manah titiang mangdane prasida ngaryanin inovasi. Sane mangkin ngiring uratiang sareng sareng ring palemahan druwene, asapunapi je krama hindu ring bali, kahuripane ring kota Denpasar taler nenten prasida lempas ring ngemargiang upacara yadnya, sane pemarginnyane nganggen makudang kudang upakara banten sane pinaka sarana nyihnayang rasa angayu bagia miwah bhakti majeng ring Ida Sang Hyang Widhi. Nanging krana kirangnyane pengelolaan limbah upakara, miwah sayan rerednyane rasa eling krama indik kautaman pengelolaan limbah upakara, pinaka silih tunggil faktor sane ngawinang pikobet limbah upakara ring kota Denpasar durung prasida kapuputang.
Manut sekadi penampen titiang, maosang indik limbah upakara di Kota Denpasar, pinaka pikobet sane pinih kompleks, mawinan yening uratiang ring kawentenan upakara banten puniki mawit saking bahan organik minakadi busung, slepan, danyuh, woh wohan, sekar miwah sane tiosan. Limbah organik pinaka limbah sane prasida ngawetuang gas metana sane sujatinyane dados faktor utama kebakaran ring TPA Suwung. Nyingakin indik kawentenan limbah upakarane, ritatkala muputang pikobet puniki kaperluang sinergi miwah kolaborasi saking krama miwah pemerintah, sane manut saking Pergub Bali Nomor 47 warsa 2019, indik Pengelolaan Sampah. Inovasi miwah solusi sane icenin titiang antuk muputang pikobet limbah upakara punika, marupa pengolahan limbah upakara limbah organik sane sampun kamargiang ring akeh kramane inggih punika ngaryanin eco enzyme. Tios ring punika inovasi sane icenin titiang inggih punika ngolah limbah upakara sane marupa sampian lan canang sane kaanggen bahan utama rikala ngaryanin sane kabaos FOLIPOT. FOLIPOT puniki marupa pot sane mawit saking limbah organik silih tunggilnyane limbah upakara, FOLIPOT puniki prasida kaanggen alternatif, mangda prasida ngirangin polybag plastik sekali sane kanggen pembibitan. Tata cara ngaryanin FOLIPOT nenten meweh, rikala ngaryanin FOLIPOT prasida kakawitin antuk mupulang limbah upakara sane madasar busung, slepan, miwah danyuh, selanturnyane limbah punika kabenyahin mangdane ngamolihang serat, serat puniki kecampuhin tepung tapioka mangdane ngasilang adonan sane nyangket, selanturnyane adonan punika kacetak mangdane mabentuk marupa pot, raris prasida kajemuh sawetara 1-2 minggu. Yening sampun tuh, FOLIPOT puniki prasida kaangen ring soang soang paumahan. Inovasi FOLIPOT puniki sampun kamargiang ring paumahan miwah ring sekolah titiang pinaka utsaha ngirangin penumpukan limbah
Enable comment auto-refresher