Pikobet lan Pengapti Wargi Bali Olih :Rai Pramesti Om Swastyastu
Sane wangiang tityang angga panureksa Sane kasumayang tityang para Nayaka Praja Sane kasumayang tityang calon pamimpin Bali lan semeton Bali sane tresna sihin tityang Sadurung titiang ngelanturang matur, lugrayang tityang pinih ajeng iraga sareng sami nunas ica majeng ring Ida Sang Hyang Widhi Wasa, Tuhan Yang Maha Esa, duaning sangkaning pasuecan Ida, tityang ping kalih idadane prasida masadu ajeng ring galahe sane becik puniki.
Pulau Bali sampun kaloktah ke dura negara antuk keasrian Jagat Bali, kaloktah antuk seni lan budaya Bali. Nike sane mawinan akeh turis sane kadaut rawuh saking dura negara. Ring warsa 2023 sane pinaka warsa kampaye, lugrayang tiang pinaka wargi Bali sane madue pengapti ring pamimpin Bali sajabaning DPD RI wakil saking Bali, DPR RI wakil saking Bali lan Gubernur Bali. Makesami Pamimpin Bali pinaka murdaning Jagat Bali, sane pastika miragiyang pikobet wargi Bali. Kaping pertama pikobet sane kantun wenten ring Bali inggih punika sampah utawi luu. Warta sane sampun Ida dane sami uning saking ngewacen utawi miragiang ring media sosial indik kebarakan ring TPA Suwung, TPA Gianyar lan TPA Mandung sane magenah ring Tabanan. Nenten kebarakan manten, wenten pikobet indik bau sampah utawi luu sane mawit saking TPST Kesiman Kertalangu. Akeh sampun program saking Nayaka Praja sami silih tunggil nyane ngirangin nganggen kantong plastik, lan nenten ngange piranti -piranti sane kaange apisanan. Sampah utawi luu sampun pastika nincap tiap warsa. Yening pikobet indik sampah puniki nenten prasida gelis kapuputang, sayuwakti makeueh pisan ngewetuang pikobet sane lian, minakadi banjir, toya ring tukad pacang cemer, lan keasrian Jagat Bali sane sampun kaloktah punika sayan ngeliep. Kaping Kalih, pikobet punika indik kemacetan. Wenten makudang-kudang utsaha sane prasida kaambil anggen ngirangin kemacetan sane wenten ring Bali. Ring kawentenan pemerintah Bali sampun ngewantu ngawentenang transportasi umum sane ngewantu pamargi nyabran krama lan ngirangin kosek kawentenan kendaraan utawi kemacetan. Nanging, utsha punika nenten prasida ngirangin kemacetan sane wenten. Majeng ring sang sane jagi kajudi dados pamucuk ring Bali, wakil Bali tityang banget ngaptiang mangdane urati tur digelis prasida muputang pikobet puniki. Dumogi prasida manggihin solusi san becik mangda pikobet punika n nten sayan nglimbak. Dumogi stata prasida ngukuhang janji-janji politik salami kampaye tur simakrama, nenten mogbog ring janji-janji manis sane sampun metu lan kawedar ring galah simakrama lan sane sampun kasaksiang olih wargi Bali sinareng sami. Banget kaaptiang tityang para pamimpin Bali sami sane sampun kaapilih ring Februari 2024 prasida maparidabdab, mekarya program, sane mabuat pisan antuk ngirangin pikobet ring Bali antuk pemargi sane becik, lan ajeg.
Para semeton sareng sami, asapunika sane prasida antuk tityang matur, manawita wenten sane nenten manut ring arsa minakadi anggah ungguhin basa basita, tityang nunas geng rena sinampura. Makawasananing atur puputang tityang antuk parama shanti Om Shanti, Shanti, Shanti Om.
Enable comment auto-refresher