Hak Masyarakat Adat Baik Kemajuan dan Kelestarian Adat Terjaga

Wikithon Winner

Affiliation

ST Tirta Puspa Santhi

Regency/City

-

Author(s)

I Komang Sapa

Category

General Public

Year

Photo Credit/Source

Video Credit/Source

School/Org (if applicable)

Location

Enable comment auto-refresher

Election 2024: What are the most urgent issues for Bali's leader candidates to prioritize?

In English

—

In Balinese

Om Swastyastu, Sane dahat singgihang titiang, angga panureksa sareng sami Sane wangiang titiang tim BASAbali Wiki Sane kusumayang titiang ring Ida Dane pamilet Wikithon Partisipasi Publik sareng sami, Lugrayang titiang matur akidik indik kawentanan pikobet ring hak-hak masyarakat adat. Titiang mawasta I Komang Sapa. Saking Gumi Lahar Karangasem, titiang magenah ring bongkol gunung agunge sane yukti paling agung ring Bali, inggih punika Desa Jungutan.

Dados warga negara Indonesia, masyarakat adat utawi parajana adat patut madue hak sane pateh ring kawentanan tanah, kegiatan ekonomi, tur maning hak sosial. Nanging, wenten rancangan Undang-undang RUU Cipta Kerja, pamekasne ring pasal ngelahang investasi pinaka majalaran pembukaan lapangan kerja sane anyar, mresidayang dados bumerang ring hak-hak masyarakat adat utawi parajana sane meneng ring desa.

Aliansi Masyarakat Adat Nusantara AMAN naenin mapanampen yening UU Ciptaker puniki mresidayang ngungkabang jelanan ring para investor jagi nyalanang usahanyane tur ngolah sumber daya alam. Nanging, pacang dados pikobet sane ngawinang parajanane ring desa punika rugi. Santukan Parajana ring desa adat kantun ngarereh pangupa jiwa ring kawentanan tanah adat, alas, carik miwah sane tiosan. Nenten ja kadadosang ngarereh pangupa jiwa kemanten, wantah wenten taler sane meneng, mondok, utawi ngenahin lahan punika dados jujuk umah. Napi malih, daweg proses RUU Ciptaker puniki, masyarakat adat nenten kasarengang mabligbagan, santukan parajana ring desa adat punika sane paling ngeniang dampak.

Inggih sameton, santukan wenten malianan kepentingan iriki masyarakat adat pantaraning investor puniki mawinan pemerintahe merasa dilema jagi ngasahang RUU Masyarakat Adat puniki. Sakadi conto kasus Taman Wisata Alam TWA ring Batur, Kintamani, Bangli, kantun wenten pihak saking masyarakat adat utawi parajana ring Desa punika marasa rugi sapangrauh investor.

Sameton sareng sami, kenapi iraga patut masuara ring kawentanan puniki? Punika mawinan, iraga pinaka Generasi Penerus Bangsa patut sareng nglestarian Budaya, nilai-nilai Budaya sane saking dumun dados identitas bangsa. Napi malih ring aab jagate sakadi mangkin, penting pisan yening iraga sareng tur cumpun pacang nglestariang nilai-nilai adat. Puniki nenten ja sakadi miara warisan adat kemanten, nanging wenten makna pendidikan karakter miwah moral iraga dados jatma sane aluh pisan keni pengaruh saking dura negara. Nenten lali taler, iraga patut ngajegang adat, mengakui hak-hak masyarakat adat punika, melindungi, menghormati tur memenuhi hak asasi manusia sareng sami.

Puninas titiang ring calon pamimpin, mangda gelisang ja pragatang pikobet puniki antuk kebijakan sane yukti-yukti nadosang Desa Adat lestari yadiastun wenten investor sane ngranjing sareng ngembangang wilayah mangda sayan rajeg. Punika taler pemerintah patut rauh ka Desa Adat, matetimbang sareng parajana irika sadurung ngajabaang ijin, napi malih kebijakan.

Inggih asapunika atur titiang ring ida dane sareng sami, yening wenten iwang ring atur, lugaranyang ring manah. Wasananing atur puputang titiang antuk parama santih. Om Santih santih santih om.

In Indonesian

Om Swastyastu,

Yang sangat saya hormati, para juri sekalian Yang saya hormati, tim BASAbali Wiki Yang saya hormati, para peserta Wikithon Partisipasi Publik sekalian, Izinkanlah saya berbicara sedikit mengenai masalah hak-hak masyarakat adat. Nama saya I Komang Sapa. Dari dunia lahar Karangasem, saya tinggal di lereng Gunung Agung yang paling megah di Bali, yakni di Desa Jungutan.

Sebagai warga negara Indonesia, masyarakat adat harus memiliki hak yang sama dalam hal kepemilikan tanah, kegiatan ekonomi, juga hak sosial. Namun, ada Rancangan Undang-Undang (RUU) Cipta Kerja, terutama pada pasal kepemilikan investasi sebagai langkah pembukaan lapangan kerja baru, bisa menjadi bumerang pada hak-hak masyarakat adat atau masyarakat yang tinggal di desa.

Aliansi Masyarakat Adat Nusantara (AMAN) pernaj berpendapat bila UU Cipta Kerja ini dapat membuka jalan pada para investor yang akan menjalankan usahanya dan mengolah sumber daya alam. Namun, akan menjadi masalah yang dapat membuat masyarakat di desa tersebut rugi. Karena masyarakat di desa adat masih mencari penghidupan melalui tanah adat, hutan, sawah dan yang lainnya. Bukan hanya dijadikan tempat mencari penghidupan saja, ada juga yang tinggal, membuat pindik, atau memakai lahan tersebut sebagai tempat membangun rumah. Apa lagi, sejak proses RUU Cipta Kerja ini, masyarakat adat tidak disertakan dalam berdiskusi, padahal masyarakat di desa tersebut yang paling terdampak.

Baik saudara, karena ada kepentingan yang berbeda di sini, antara masyarakat adat dan investor ini membuat pemerintah merasa dilema, akan mengesahkan RUU Masyarakat Adat ini. Seperti contoh kasus Taman Wisata Alam (TWA) di Batur, Kintamani, Bangli, masih ada pihak dari masyarakat adat atau di desa tersebut yang merasa rugi dengan kedatangan investor.

Saudara sekalian, kenapa kita harus bersuara dengan keadaan seperti ini ? Itu karena, kita sebagai Generasi Penerus Bangsa harus ikut melestarikan budaya, nilai-nilai Budaya yang sejak dahulu sudah menajdi identitas bangsa. Terlebih lagi pada perkembangan zaman seperti sekarantg, penting sekali kita ikut dan setuju dalam melestarikan nilai-nilai adat. Ini tidaklah seperti memelihara warisan adat saja, tetapi ada makna pendidikan karakter dan moral kita sebagai manusia yang mudah sekali terkena pengaruh dari luar negeri. Tidak lupa juga, kita harus mengukuhkan adat, mengakui hak-hak masyarakat adat tersebut, melindungi, menghormati, dan memenuhi hak asasi manusia sekalian.

Harapan saya kepada calon pemimpin, agar menyelesaikan masalah ini dengan cepat melalui kebijakan yang benar-benar menjadikan Desa Adat lestari meskipun ada investor yang masuk ikut serta dalam mengembangkan wilayah agar semakin kukuh. Begitu pula pemerintah harus datang ke Desa Adat, menimbang-nimbang bersama masyarakat di sana sebelum mengeluarkan izin, apa lagi kebijakan.

Baik, sekian yang dapat saya sampaikan kepada hadirin sekalian, apabila ada kesalahan ucap, maka permaklumkanlah. Sebagai penutup, saya akhiri dengan parama santhi.

Om Santih, Santih, Santih, Om.