What is your hope for 2024 in one word? Post your comments here or propose a question.

Margi Kaon Sane Nenten Majanten Jagi Kabecikan

20231130T020641240Z654341.jpg
0
Vote
Title
Margi Kaon Sane Nenten Majanten Jagi Kabecikan
Affiliation
SMA NEGERI 1 GIANYAR
Author(s)
Category
High School
Year
Photo Credit/Source
Detik.com
Video Credit/Source
School/Org (if applicable)
Location


Add your comment
BASAbaliWiki welcomes all comments. If you do not want to be anonymous, register or log in. It is free.

Election 2024: What are the most urgent issues for Bali's leader candidates to prioritize?

In English

In Balinese

Om Swastyastu Para panureksa sane dahat kusumayang titiang Para pamilet sane wangiang titiang Taler para atiti sareng sami sane tresnasihin titiang Sadurung titiang ngawitin matur amatra, pinih riin ngiring iraga sareng sami ngaturang rasa angayubagia majeng ring Ida Sang Hyang Widhi Wasa, sangkaning pasuecan asung kertha wara nugraha Ida, titiang lan ida dane sareng sami prasida mapupul mesadu ajeng ring acara sane becik kadi mangkin puniki. Sekadi sane sampun kawikanin, margi pinaka sarana wong kabeh sane dahat mawiguna pisan ring sajeroning kahuripan iraga serahina. Kawigunan margi punika pinaka suuh transportasi pelinggihan motor sane prasida nanganin iraga ritatkala luas saking siki genah ke genah sane tiosan. Nangin nenten prasida kekelidin benjang kapungkurokasan sarana punika prasida kaon tur ngawetuang kapiambeng kerahayuan para jana sane ngelinggihan pelinggihan. Ritatkala sarana punika kaon, sang meraga guru wisesa sering nenten nguratian lan ngebanggiang kawentenan kadi punika. Pikobet margi kaon puniki nenten manten wenten ring wewidangan desa, sakemaon taler wenten ring wewidangan kota sane akeh wenten pelinggihan ngelintangin. Napi malih jagat Bali pinaka genah pariwisata sane sampun kesumbung lan akeh kerauhin olih wisatawan domestik miwah wisatawan mancanegara. Para wisatawan punika pastika jagi ngelintangin margi ageng ri sajeroning lunga ke genah-genah wisata. Yening margi sane kelintangin punika kaon, napi iraga nenten kemad? Jatma duranegara kemanten ngon ngantenin kawentenan margine ring Bali, napi malih para jana sane sampun ngerasayang iyus ritatkala ngelinggihin pelinggihan. Margi sane kaon nenten manten nguwara para jana ritatkala ngelinggihin pelinggihan sakemaon taler prasida ngawetuang baya wastun ngemasin padem. Kayunin makudang-kudang jatma sane kaicalang urip pinaka iyus margi sane kaon. Ngemecikan margi kaon sepatutnyane pinaka swadharmaning guru wisesa sane nenten dados kalempasin. Sampun akeh pikobet margi kaon sane wenten ring jagat Bali lan patut kauratiang olih sang meraga guru wisesa, wimbanyane margi ring Wewidangan Awen, Kelurahan Letaleng, Kecamatan Negara, Jembrana sane sampun tigang warsa kaon pisan tuh akeh ngawetuang baya. Wimba tiosan inggih punika margi tengah penyambung selagan desa ring Desa Yehembang Kauh, Kecamatan Mendoyo, Jembrana sane kaon ulian longsor nanging sampun kalih warsa lintang nenten naenan kabecikan. Riantukan kadi asapunika, sang meraga guru wisesa patut ngeh lan nincapang uratiannyane indik pikobet margi sane kaon mangda nenten ngawetuang parindikan sane nenten kaaptiang. Iraga sareng sami patut ngeh lan ngeswadharmaning sajeroning nganggen sarana margi punika. Ngiring semeton sareng sami nyaga sarana margi punika mangda nenten kaon. Inggih asapunika prasida aturan titiang, yening wenten sane nenten manut ring arsa titiang nunas geng rena pengampura. Puputan titiang antuk paramasanti. Om Santih, Santih, Santih Om

In Indonesian