Difference between revisions of "Literature Biar Sama-sama Bisa Berjalan"
From BASAbaliWiki
| Line 5: | Line 5: | ||
|Photograph=Dagang Nasi Jinggo di Buleleng | |Photograph=Dagang Nasi Jinggo di Buleleng | ||
|Photograph by=Sendiri | |Photograph by=Sendiri | ||
| − | |Description text ban=Atiban lebih covid-19 suba | + | |Description text ban=Atiban lebih covid-19 suba nyengkalen di gumine. Gering agung covid-19 sanget mapuara kaon ring sektor ekonomi lan pariwisata. Manut data Kemnaker kantos Maret 2021 sawetara 29 juta warga kilangan pakaryan sangkaning PKH utawi dirumahkan. Warga Bali pamekasne sane sanget keni pakeweh mawinan ngandelang pariwisata. Apa buin jani mawuh kebijakan Pemerintah ngadaang Pemberlakuan Pembatasan Kegiatan Masyarakat (PPKM) Darurat Jawa-Bali ngawit tanggal 3 kantos 20 Juli 2021. Kramane kawatesin makarya lan madagang tuah kantos jam 8 peteng. |
| − | + | Yen kramane ane ngelah gajih bulanan minabang aab jagat covid-19 lan PPKM tusing sanget ngranaang pakeweh. Ane nyansan keweh rakyat cenik ngandelang hasil harian ane galahne makarya wiadin madagang uling lingsir sanja kantos peteng, cara dagang nasi jinggo, dagang nasi kuning, dagang gorengan, dagang nasi goreng, dagang lalapan, dagang terang bulan, dagang canang, dagang sate lontong rombong, miwah sane lianan. Di luung gumine konden karoan masi dagangane enggal payu apa buin gumi nedeng sayah cara jani mimbuh kawatesin madagang. Tutur dagang nasi jinggo di Jalan Surapati Buleleng ngorahang matakeh mancan maan madagang 50 tali rupiah ulian PPKM. Biasane anake rame mablanja meli nasi jinggo sawetara jam 10 peteng. | |
| − | Lantas kebijakan | + | Lantas kebijakan ane cara kenken ane paling luung? Manut tiang PPKM gentosin aji PPAM: “Pada-Pada Apang Majalan”. Masyarakate tusing kawatesin madagang kewala protokol kesehatan tetep kamargiang. Nganggen masker, cuci tangan, jaga jarak, ane lakar nglaksanaang pakaryan wajib mavaksin, yening mablanja dedaaran lebeng tusing ngajeng di tongosan wiadin dedaarane apang aba ka jero soang-soang. Tetujone apang tusing ngae kekumpulan (kerumunan). |
| − | + | Yen tiang ngrasaang langah anake meli terang bulan, gorengan, nasi jinggo ngajeng di tongose mablanja. Yen dagang-dagang ane biasane rame ngajeng di tongosan, cara kafe, angkringan, tongos-tongos nongkrong kekinian apang kasekenang tusing nampi makan di tempat turmaning nganggen Prokes ketat. Biasane liu anake ane ampah, tusing nyalanang Prokes disubane Pemerintahe maang galah. Lantas carane mastiang kenken? | |
| − | Satgas Covid-19 suba ada uling tingkat pusat kantos ka | + | Satgas Covid-19 suba ada uling tingkat pusat kantos ka desa/kelurahan lan desa adat. Anggaran operasional Satgas masi suba ada mawinan desa adat lan dinas jani suba ngelola anggaran ratusan kantos miliaran juta rupiah. Satgas Covide ene ane patut mastiang wiadin ngawal kebijakan Pada-pada Apang Majalan (PPAM). Yen suba ja memengkung mara icenin peringatan kantos panutupan. |
| − | Di | + | Di gumine cara jani mula saja PPKM; pada-pada keweh makeneh, pada-pada keweh maulehan. Yen kawatesin kantos jam 8 sinah rakyat cenike pamekas ane gegaene ngawit lingsir sanja kantos peteng marasa tusing maan keadilan. Pemerintahe patut ngamedalang kebijakan win win solution, Prokes tetep majalan, rakyate masi tetep idaang maulehan. |
|Subject=EkonomiBaliBangkit | |Subject=EkonomiBaliBangkit | ||
|Linked place=Place Buleleng,Place Singaraja | |Linked place=Place Buleleng,Place Singaraja | ||
|Competition=opini | |Competition=opini | ||
}} | }} | ||
Enable comment auto-refresher
Agus Suambaranata
Permalink |