SUTINDIH RING ASAS PEMILU ANGGE PAMATUAN PEMILIHAN SANE DEMOKRASI Om Swastyastu Kapertama majeng ring; Angga Panitia Basa Bali Wiki sane wangiang titiang, Para tim angga panureksa sane singgihang titiang. Singgih majeng ring semeton sami sane tresna asihin titiang. Angayubagia atur uningayang titiang majeng ring Ida Sang Hyang Widi wasa, duaning asung kertha wara nugraha Ida iraga sareng sami prasida kenak rahayu kadi mangkin midabdabin pemilu jagi rauh puniki. Sane mangkin titiang jagi matur amatra orasi sane mamurda SUTINDIH RING ASAS PEMILU ANGGE PAMATUAN PEMILIHAN SANE DEMOKRASI . Ida dane sane wangiang titiang, minab sami sampun uning indik pamargi pamilu jagi kalaksanayang ring sasih Februari 2024. Pidabdab makudang-kudang partai sampun midabdabin para angga anggotanyane sane jagi munggah dados calon Presiden Wakil Presiden, Gubernur, Bupati, DPR, DPRD, DPD, miwah sane lianan. Pasangan-pasangan calon punika sami sampun madue misi miwah visi sane tegep tur mautama pesan. Kemaoan ring sajeroning visi tur misi punika akeh sane nenten 100 memargi antar kadi sinalih tunggil para angga calon, babutanne sane mangkin mangda sida milah tur sami krama milih calon pamimpin sane yukti-yukti pacang sida ngewerdiang seni budaya lan miwah ngemajuang panegara puniki kawekasan ngantos krama sida gemah ripah loh jinawi. Manut punika, iraga dados krama Indonesia sapatutnyane yukti-yukti uning lan resep ring asas-asas pemilu sane kadadosang dasar mautama ring pemilihan nemu mupakat sane demokratis. Wenten makudang-kudang asas pemilu minakadi: 1. Langsung Langsung artosnyane krama milih langsung manut pikayunnyane ring genah panyoblosan. 2. Umum Umum artosnyane pamargi pamilu mamargi ring sawewengkon panegara ring dija kramanne punika meneng yen sampun cacakan yusane manggeh tur sida sampun milih ring pamilu saha nenten minayang agama, suku, ras, jenis kelamin, golongan, lan pekerjaan. 3. Bebas Bebas punika nenten kaiket oleh angga utawi kelompok ring sajeroning milih sapa sira sane kakayunin ring pamilihan punika. 4. Rahasia Rahasia arotosnyane nenten wenten sapa sira ugi uning ring pilihan kramane punika, majanten wantah newek sane tatas ring kawentenanne punika, napimalih anak tiosan sapatutnyane nenten uning naler. 5. Jujur Jujur artosnyane satya ring pageh hati ring midabdabin kawentene sane sujati ngaksi miwah ngamargiang pemilihan punika. 6. Adil Adil artosnyane ring pamargi pemilu wenten pemilih utawi pamilet pateh-pateh punika polih payanggra sane kadasarin antuk palaksana sane becik.
Inggih Ida dane sareng sami, prasida titiang cutetang daging atur titiang, ring sajeroning iraga iraga nyaga kaudaulatan pamilu patut iraga yukti yukti resep ring asa pamilu sane kamanggehang ring pasal 3, UU Nomor 7 2017. Inggih, asapunika titiang prasida maatur-atur ring galah san becik puniki. Matur suksma majeng ring uratian idadan , menawi w nten basa basitha n nten manut ring kayun utawi tan kearsa ring manah soang-soang, lugrahang titiang nunas geng rena pangampura. Inggih puputang titiang bebaosan punika antuk parama shantih. Om Shantih Shantih Shantih Om
Enable comment auto-refresher