OM SWASTIASTU
MERDEKA
OM Anobhadrah Kratawo Yantu Wiswatah Mogi pikayunan sane dahat mautama prasida mijil saking pangidering bhuana Inggih suksma aturang titiang ring ugra wakya antuk galah sane katiba ring sikian titiang, ainggih punike taler sane wangiang titiang pare angge panurekse, lan pare semeton yowane sareng sami sane tresne singgihin titiang.
Sadurung titiang ngaturan pawungu amatra lugrayang, titiang ngaturang rasa angayubagia majeng ring Ida Sang Hyang Parama kawi riantukan wantah sangkaning asung kerta wara nugrahan Ida, ring galahe sane kalintang becik puniki titiang, sapunika taler Iratu Ida Dane prasida masadu ajeng mungguing ngamiletin utsawa pidarta mebasa bali puniki. Sejeroning acare Wikithon Partisipasi Publik Bali Berorasi. Pidarta utawi orasi sane jagi aturang titiang inggih punika mamurda Midabdabin Kasukertan Rikanjekang Ngemarginin Pemilu Warsa 2024 .
Inggih iratu ida dane semeton titiang sareng sami sane tresnasihin titiang, minabta ida dane sareng sami sampun sauninge ring kawentenan jagi kelaksanayang Pemilihan Umum sane ketah kebawosang Pemilu . Pemiliu puniki wantah parikrama sane kelaksanayang rikalaning sampun panumaya galah para nayaka praja utawi para pemimpin inggian ring Presiden rauhing ring Legeslatif. Suksmannyane iraga sareng sami jagi geruruh emimpin mangda sida jagat pamekas Indonesia puniki sida manggih kasukertan. Iratu Ida dane sane suksmayang titiang, ring aab jagat sekadi mangki antuk pengelimbak ilmu pengetahuan miwah teknologi, sane ngawinan kahuripan iragane sayan ngelimbak lan sayan akeh pidabdab sane patut kasayagayang. Pengelimbak ilmu pengetahuan lan teknologi puiki sida ngemijilan pidabdab becik punika taler pidabdab kaon. Sane mangkin swadarman iraga sareng sami pameks para yowana, bilih-bilih iraga sane sampun sida dados mahasisia sepatutnyane sida jagi mapidabdab becik manut aab sekadi mangkin. Mepakilitan sareng pemargi Pemilu puniki, iraga mangda sida nyelehin sane cen patut miwah tan patut jagi kamargiang. Sane mangkin gatra-gatra utawi informasi nganiin indik pemilu akeh pisan panggihin iraga ring media, inggian media cetak utawi elektonik bilih-bilih sae mangkin akwehan para jaane ngeruruh informasi saking media social, minekadi Facebok, IG, Tik-tok, WA miwah san tiosan. Rikalanng iraga polih gatra ngain indik pemilu pamekasnyane sane mangkin, patut kaselehin utawi baos kadi mangkine mangde kasaringin sane cen gatra patut utawi nnten patut. Duanng yening gatra nenten patut suksmayang iraga snah sampun pidabdab kaon jagi kapangguhang. Iratu Idadane sareng sami, swadarma iraga sane mangkin wantah becik becik nyuksemayang gatra utawi pangweruh Pemilu, mangdane sutinut kadi napi sane sampun kacumawisan ring Undag Undag Dasar druwene. Yening iraga jagi ngeruruh pemimpin sane becik sepatutnyane irage sida nepasin pemargi-pemargi kaon ring sejeroning Pemilu minekadi, money politik, utawi plihan iragane kataur antuk jinah, punika patut kelidin pisan. Sepatutnyane iraga sida nyelehin lan milih pemimpin sane medue pengweruh lan pidabdab sane becik turmaning jakti-jakti jagi ngutsahayang kabecikan jagat miwah irage sareng sami. Yening sampun sida meppidabdab sekadi asapunika sinah sampun pemargi pemilu puniki jagi ngembasan pemimpin miwah kewentenan jagat selanturnyane sane becik utama miwah jagat iragane sida sukerta rahayu.
Ida dan san wangiang titiang. Wantah asapunika titiang prasida matur mapiwungu ring galah san becik puniki. Mogi-mogi w nten pikenoh ipun. Ka peken Ubung ngadep tabia, meli sabet ajak rantang . Kirang langkung titiang nunas pangampura, antuk tambet titiang kalintang . Inggih, puputang titiang antuk parama santih. Om Santih Santih Santih Om
Enable comment auto-refresher