Start from Small Things Project

Wikithon Winner

Wastan inisiatif palemahan

Genah sane mekanti

Buku napi sane mekanti

-

Buku alit-alit napi sane mekanti

-

Lontar napi sane mekanti

-

Satua sane mekanti

-

Upacara ring Bali sane mekanti

-

Instansi / Organisasi / Sekeha

Dwijendra Senior High School (Bali) and DC International School (USA)

Media Sosial

@sfstproject (Instagram)

Kategori

SMA

Wimbakara

Environment

15 bulan yang lalu

Votes 0

Keep it on🔥

Sapunapi caran ragane ngamecikang palemahane?

Ragane sampun ke uning yening manut Surfers Against Sewage, wenten sawatara 51 triliun keping plastik mikroskopis sane baatnyane 269.000 ton ring segara? Punika pateh sekadi 1345 paus biru sane wayah. Akehan limbah sekadi puniki mawit saking industri. Napi prawesannyane ring palemahan Para buron sekadi be, lumba-lumba, paksi segara, anjing laut, prasida padem tur kelem santukan keni banglong utawi ngelekang bebencahan plastik. Samaliha wenten buron sekadi kakua sane ngugu sampah plastik punika wantah amah-amahane.

Pikobet indik plastik sayan nincap santukan wenten asiki pikobet sane pinih utama. Pikobet punika wantah manusa Napi mawinan sekadi punika Santukan akeh kramane sane nenten tatas ring baya puniki. Ipun makasami ngawag-awag ngutang luu. Indike puniki kantun kalaksanayang ring kauripannyane sarahina-rahina. Sapunapi ja alitne luu, pamuputnyane pacang ngakehang tur madugdug, taler kasuen-suen pastika maprawesa kaon ring palemahan. Lumrahnyane, para kramane mangkin sampun tangar ring pikobet polusi plastik. Sakewanten, kramane nenten uning jagi ngawitin saking mautsaha napi. Meled jagi ngwantu nepasin sakewanten sue ngrereh gatra indik pamargin napi sane patut kaambil. Metu panampen ring kayun indik laksanan nepasin pikobet puniki wantah nelasang galah tur sukil kamargiang. Punika ngawinang kramane nenten malaksana napi-napi. Samaliha wenten sane nenten purun ngawitin santukan ageng pisan tata cara sane kawedar ring internet. Sane nenten kauningin olih kramane wantah sujatinnyane utsaha nepasin polusi plastik sida kalakanayang saking napi manten tur saking dija manten. Malarapan antuk utsaha alit sane tetep kalaksanayang nyabran masa kantos ngwangun pamargin becik.

Malarapn antuk indike puniki, SFST sida ngwantu. Gerakan SFST Start From Small Things inggih punika kriya mitra tim 3, kadagingin olih sisya Amerika Serikat miwah Indonesia sane nyarengin wimbakara nglestariang palemahan saking Wikithon BASAbali Wiki. Proyek puniki madaging kampanye daring nganggen platform Instagram. Unteng pikayunan saking proyek puniki wantah ngelingang para krama indik makasami utsaha sane kamargiang yadiastun ja wantah utsaha alit, punika taler sarat pisan. Instagram puniki madaging gatra sane ngwedar indik tata cara ngawitin pamargin ragane sane nenten ngamedalang limbah. Ragane sida nyngakin gatra punika ring Instagram sfstproject.

Napi sane sida kacutetag saking indike puniki? Cutetnyane, pikobet luu plastik sida katepasin yening manusane masikian, mautsaha nepasin sinarengan. Punika tetujon gerakan SFST Start From Small Things nuldulin kayun para krama mangda sareng-sareng mautsaha ngirangang kawentenan luu plastik.