Kuluk bali, ras kuluk tertua ring Bali, lekad lan gede ring Bali, nanging kenapi kuluk bali katindas ring umahne pedidi?
Ten asing bagi rage ningalin kuluk kuluk pasliweran di rurunge. Kuluk sampun sekadi satu kesatuan ring kehidupan masyarakat Baline. Sampun ratusan tahun iraga idup berdampingan ngajak kuluk, ape buin kuluk bali. Kuluk bali terkenal satya teken ne ngelahang, lenan teken satya, kuluk bali rumasuk kuluk sane dueg lan maimun kuat, nto sebabne ipidan kuluk baline milu ajake meboros di tengah alase.
Nanging jani peminat kuluk bali sube medikang, krana perkembangan jaman liu ras ras kuluk luar sane macelep ke Bali contohne Golden, Pitbull, Shih Tzu, msl. Krana potongan kuluk kuluk uli luar bagusan teken kuluk bali, jani liunan anake ngubuh kuluk ras luar. Trus, kenken nasib kuluk baline? Sebenehne sing je mekejang anake ngubuh kuluk ras luar, ade masih ane nu ngubuhin kuluk bali, nanging tusing seliu ipidan. Jani kuluk baline liunan tusing ade ngelahang, liunan ngoyong di rurunge. Trus jelekne ane ngubuh kuluk bali, sebilang kulukne ngelah panak, jeg kutange panakne di rurunge, nyaan gede sing be ade ane ngerungang, kliyang kliyeng di rurunge ngalih amah.
Terus to, sube tusing ngelah umah, tusing ade maang ngamah, buin masi ada anak beler sane demen ngencanin kuluk. Jeg tigtig e anake, anggone maplalianan, jeet e, bange racun, kaejuk dadianga rawon, sube keto ade masi penembakan masal anggon menghindari virus rabies. Kuluk kan makhluk hidup, ngelah rasa sakit, iraga sebagai manusia sane ngelah manah suba sepatutnyane nawang cen melah cen jele, nawang cen sane dadi kalaksanayang cen sane tusing. Sing je mare kuluke sing ngidaang ngelapor ke polisi iraga dadi sewenang-wenang teken kuluke. Ne tusing berlaku untuk kuluk deen, ne berlaku untuk sekadi buron buron sane sai kasiksa olih oknum ten bertanggung jawab.
Untuk masalah rabies, penembakan masal sube pasti tusing nyelesayang masalah. Sube keto, tusing mekejang kuluk sane matembak nto keni rabies. Nu liu cara sane ngidaang dilaksanayang sadurung ngelaksanayang tembak mati, contohne vaksin rabies, kontrol populasi care sae tuni penulis sampun tulis, liu sane ngelahang kuluk bali yening kulukne mapanak panakne kutange di rurunge, ne masi ngeranayang virus rabies bisa tersebar lebih luas.
Yening mekejang kuluk baline tembaka, kam bise telah kuluk baline, sane bise ngaenang kuluk bali langka. Iraga suba pasti tusing nyak kuluk bali nadi hewan langka, nto sebabne iraga harus lebih peduli tekening kuluk bali di sekitar. Ten je perlu iraga ngadopsi kuluk kuluk sane ade di rurunge, yang penting iraga tusing nyakitin kuluk kuluke nto. Yen bisa dadi kapah kapah baang ngamah kuluke nto, tapi yening ten nyidayang ten kenapi masi. Iraga sebagai manusia suba sepatutnyane menjaga makhluk sane lebih lemah ketimbang iraga, de mare lemah dadianga plalianan, pelih nto.
Ainggih wantah asapunika dari tiang penulis, harapan tiang kedepannya apang kuluk kuluk bali ring bali ten buin tertindas ring umahne pedidi, lan semoga kesadaran masyarakat bisa semakin baik.
Enable comment auto-refresher