Sameton wikan ring Wiro Sableng ? Wikanin tembangne indik angka 212 punika ? Niki sampun bali-balian kasenengan anom-anom ring warsa 90an. Minabte alit-alite mangkin uning saantukan tembang punika kawetu malih olih Bondan Prakoso. Tembang nyane banyol, nanging sujati mabuat. Sami sane wenten ring jagate puniki wiyakti kekalih utawi masiosan, nanging nika sane ngawinang prasida masikian. Punika taler kawentenan agama sane mabinayan. Wenten Hindu, Islam, Kristen, Katolik, miwah Konghucu. Yadiapin mabinayan, nanging makasami wantah sametonan. Sane kaaptiang, sameton puniki prasida Salunglung Sabayantaka inggih ipun satata madampingan, saling tulung, nenten naen mauyutan. Jagat Baline trepti sampun makudang-kudang warsa sakadi mangkin. Napi mawinan asapunika ? Cawisne wantah ten lianan saking tutur anak lingsir sane mautama. Tutur anak lingsir sane tatiga punika, satata kapiara tur kalaksanayang. Kapertama, malarapan antuk karmaphala. Sekadi galih lan rah sane nenten dados mapalasan, sekadi punika taler karmaphala puniki sampun kagamel ring tungtunging ati soang-soang warga Bali-ne. Saantukan punika nenten wenten purun ngarya pikobet ring anak tiosan, riantukan jerih jagi ngamolihang pikobet sane pateh. Wirasa puniki nenten ja katuju wantah majeng ring sameton Bali utawi timpal sane agamane masiosan kemanten, nanging majeng sajeroning daging jagate. Sane kaping kalih, tutur nak lingsir inggih punika manyama braya. Sapunapi mangde mapisaga satata saling tulung, gotong royong, nenten ja mapilih ulian jegeg utawi bagus, Hindu utawi Islam, Bali utawi Cina tur lianan. Yening madue galah tur pawikan, sampunang sengsaya jagi mapitulung ring anak siosan. Sane kaping tiga tutur anak lingsir punika, sampunang lali ngejot rikala rahinan. Yening Galungan Kuningan, jadma Hindu ngejot sanganan uli utawi tape ring sameton sane non Hindu. Kenten taler iraga polih kue-kue yan nuju Natal, Idul Fitri, tur sane siosan. Becik pisan dadosne. Iraga saling pakedek pakenyung. Nika mawinan tutur anak lingsir sane tatiga punika patut kalestariang mangda Bali druwene setata paras paros, salunglung sabayantaka.
Teman, tahu tentang Wiro Sableng? Tahu tentang lagunya yang angka 212 itu? Itulah tontonan yang disukai para remaja tahun 90an. Mungkin teman-teman saat ini juga tahu karena kembali dikeluarkan oleh Bondan Prakoso. Lagunya lucu, tapi artinya penting. Semua yang ada di dunia ini sebenarnya ada dua atau berbeda, tetapi itulah yang membuat kita bisa menyatu. Begitu juga dengan adanya agama yang berbeda. Ada Hindu, Islam, Kristen, Katolik, dan Konghucu. Meskipun berbeda tetapi semuanya menjadi saudara. Teman-teman diharapkan agar bisa saling merangkul, selalu berdampingan, saling menolong, dan tidak membuat konflik. Bumi Bali sudah damai dari beberapa tahun lamanya sampai sekarang. Apa penyebabnya? Jawabannya hanya satu yaitu petuah yang penting dari leluhur. Petuah tersebut ada tiga yang selalu dijaga dan dilaksanakan. Pertama, hukum karmaphala. Seperti tulang dan darah yang tidak bisa dipisahkan, seperti itulah hukum karma itu diteguhkan dalam hati masyarakat Bali. Itulah yang menyebabkan masyarakat Bali tidak berani membuat masalah dengan orang lain, karena takut akan hal itu juga menimpanya. Rasa itu tidak hanya ditujukan hanya kepada sesama orang Bali dan juga kepada orang yang beragama lain, tetapi dilakukan untuk semua isi di bumi ini. Kedua, rukun dan ramah di dalam kehidupan bersosialisasi. Bagaimana kita menjaga kerukunan dengan tetangga dengan saling menolong, gotong royong, tanpa memandang cantik dan rupawan orang, Hindu atau Islam, Bali atau Cina, dan lain sebagainya. Jika kita memiliki kesempatan dan keinginan, jangan ragu untuk menolong orang lain. Ketiga yaitu jangan lupa berbagi ketika merayakan hari raya.Ketika Galungan Kuningan, orang Hindu berbagi jajan uli atau tape untuk teman-teman non-Hindu. Begitu juga, kita akan mendapatkan kue-kue apabila Natal, Idul Fitri, dan lainnya. Begitu indah. Kita saling berbahagia. Itulah tiga petuah leluhur yang patut kita lestarikan agar Bali koita selalu paras paros, saling merangkul.
Enable comment auto-refresher
Nanda Kebayan
Permalink |
Nanda Kebayan
Permalink |