WIKIBALI, A MEANS OF TEENAGERS TO PRESERVE BALI

Title (Other local language)

Photograph by

Author(s)

Affiliation

SMK N 1 KUBU

Category

High School

Reference for photograph

Subject(s)

Reference

Related Places

Event

Related scholarly work

Reference

Competition

Pemaksimalan

Enable comment auto-refresher

How can the BASAbali Wiki platform encourage you to participate with civic issues?

Description

In English

⏤

In Balinese

Yening umpamiang sakadi angga sarira, Basa Bali wantah pinaka karna. Sakadi anak maosang tolih-tolih ngejohang Sayan iraga mautsaha ngamel, ipun sayan ngedohang. Paranayaka praja sampun mautsaha ngrajegang budaya Baline, nanging para yowanane akeh ngatepekang Basa Baline. Sujatine para yowana Baline sampun ngawangun paiketan-paiketan satmaka cihna sutindih ring Basa Bali. Nanging, indike punika wantah sakadi anget-angetan tain siape. Kabaos sumangat tur sumengken tuah akijapan mata.

Saking warsa 2018 kawentenan teknologi sampun prasida nyawis pikobet-pikobet ketunaan para yowana ring mabasa Bali. Makeh sampun media online nganggen Basa Bali sane prasida ngawetuwang kayun para yowanane nguratiang Basa Baline. Sinalih tunggal utsaha sane kalaksanayang kawentenan konten lumrahnyane marupa bebanyolan minakadi Rare Kual, Lawak Baline miwah sane lianan. Nanging, sapunapi indik orti sane mabasa Bali? Wenten ke yowana sane arsa jagi miragiang ? Napike BASABaliWiki mersidayang ngiring para yowana ngantukang Basa Baline puniki ?

BASABaliWiki inggih punika aplikasi digital sane kautamannyane marupa kamus Basa Bali. Yening nganggen aplikasi puniki, iraga mersidayang ngrereh artos Bahasa Indonesia dados Basa Bali utawi Basa Bali sane kabaosang prasida metu sasuratan aksara Balinyane. Iriki taler dados ngangge pasang sor singgih sane kaaptiang, taler imba kruna sane kaanggen ring sajeroning lengkara. Lianan ring punika, wenten taler galah makta Basa Baline ke Bahasa Inggris. Siosan ring kamus, ring BASABaliWiki iraga taler prasida ngawacen konten sane mapaiketan indik pakraman tur budaya Bali miwah ngawacen tatimbang anak siosan indik pikobet punika.

Yening iraga sampun ngawacen BASABaliWiki, sujatine Wiki puniki sampun ngayunin pamargi sane kreatif. Sane kapertama, kacumawisang menu kamus pinaka sarana sane kaarsayang ring para yowanane. Alit-alit mangkin pakewuh ring Basa Bali mawinan patut kawantu nganggen kamus. Sane kaping kalih, kacumawisang galah majeng ring sang sane ngawacen mangda prasida sareng nyurat. Sane kaping tiga, BASABaliWiki taler sampun ngalaksanayang pacentokan. Pacentokan ring rahina mangkin minakadi sarana sane pinih becik ngawinang yowanane maduwe kayun jagi nyarere. Sane kaping empat, Wiki puniki taler ngaryanin akun media sosial sane manut sakadi jamane mangkin upami facebook tur instagram. Niki pinaka cihna BASABaliWiki sampun mautsaha mamargi marerod sareng para yowanane. Sane kaping lima, konten media sosial BASABaliWiki sampun madaging video inspiratif indik budaya Bali nganggen Basa Bali sane becik.

Sane lalima punika prasida ngarya BASABaliWiki maduwe galah becik antuk ngrajegang budaya Baline. Dumogi nenten sakadi sane sampun-sampun, wantah sakadi tain siape. Sane kaaptiang, Wiki setata mautsaha nglaksanayang inovasi inggih punika ring sajeroning design tur kreativitas konten. Dados kawewehin fitur pinaka piranti melajah Basa Bali sane mabuat majeng ring sisya saking SD ngantos SMA. Piranti punika kaaptiang mangda prasida kawedar majeng ring para Guru, raris para Guru nyobyahang ring para sisyane. BaliWiki taler mangda pageh nyobyahang angga tur prasida nudut kayun krama Baline mangdane sareng-sareng nganggen Basa Bali.

In Indonesian

Jika diumpamakan sebagai badan kasar, bahasa Bali seperti telinga. Seperti orang mengatakan "semakin di lihat semakin menjauh" semakin kita berusaha untuk menggenggam, ia akan menjauh. Para peneliti sudah berusaha untuk menegakkan budaya Bali, tetapi para remaja banyak yang menyepelekan bahasa Bali. Sesungguhnya para remaja Bali sudah membangun ikatan-ikatan sebagai tanda cinta terhadap bahasa Bali. Namun, hal tersebut hanya sekedar saja. Dibilang semangatnya hanya sekedipan mata.

Dari tahun 2018 keberadaan teknologi sudah bisa mengatasi persoalan-persoalan ketidakbisaan para remaja ketika berbahasa Bali. Banyak media online berbahasa Bali yang bisa menumbuhkan minat para remaja agar memperhatikan bahasa Bali. Salah satu usaha yang dilaksanakan yaitu adanya konten lumrah berbentuk lawakan seperti Rare Kual, Lawak Baline, dan lainnya. Namun, bagaimana dengan berita berbahasa Bali? Adakah para remaja yang akan mendengarkan? Apakah BASAbali Wiki bisa mengajak para remaja mengembalikan bahasa Bali ini?

BASAbali Wiki merupakan aplikasi digital terutama berisi kamus bahasa Bali. Jika menggunakan aplikasi ini, kita bisa mencari arti bahasa Indonesia dari bahasa Bali bahkan terdapat aksara Balinya. Di sini juga bisa menggunakan sor singgih yang diharapkan, dan contoh kata yang digunakan pada kalimat. Selain itu, ada juga terjemahan dari bahasa Bali ke bahasa Inggris. Selain kamus, di BASAbali Wiki kita juga bisa membaca konten yang berhubungan dengan masyarakat dan budaya Bali begitu juga membaca pendapat orang lain tentang masalah-masalah yang ada.

Jika kita sudah membaca BASAbali Wiki, sesungguhnya Wiki ini sudah sangat kreatif. Yang pertama, sudah disetujui menu kamus sebagai sarana yang diharapkan oleh para remaja. Anak muda sekarang susah untuk berbahasa Bali sehingga harus dibantu dengan kamus ini. Yang kedua, disediakan tempat untuk membaca sehingga kita juga bisa menulis di sini. Yang ketiga, BASAbali Wiki juga sudah melaksanakan perlombaan. Perlombaan merupakan sarana yang bagus agar para remaja memiliki minat untuk melirik. Keempat, BASAbali Wiki memiliki akun media sosial sesuai dengan perkembangan jaman seperti facebook dan instagram. Hal ini sebagai bukti bahwa BASAbali Wiki sudah berusaha berjalan bersama para remaja. Kelima, konten media sosial BASAbali Wiki sudah berisi video inspiratif terkait budaya Bali menggunakan bahasa Bali yang tepat.

Kelima hal tersebut membuat BASAbali Wiki sebagai tempat yang baik untuk menegakan budaya Bali. Semoga tidak seperti yang sudah-sudah, hanya sekedar saja. Yang diharapkan, BASAbali Wiki selalu berusaha melaksanakan inovasi seperti design dan kreativitas konten. Bisa ditambahkan fitur sebagai alat pembelajaran bahasa Bali untuk siswa SD sampai SMA. Fitur ini diharapkan bisa disebarkan ke para guru kemudian disebarkan ke para siswa. BASAbali Wiki juga agar tetap menyosialisasikan diri dan bisa mendorong minat masyarakat Bali agar bersama-sama menggunakan bahasa Bali.