URATI LUU NGULATI BALI ASRI
Om suastiastu,
Matur suksma antuk galah sane katiba ring pasikian titiang , Angga panureksa sane wangiang titiang , ida dane sareng sami sane kusumayang titiang , punika taler ring pamilet pacentokan ORASI BASA BALI sane banget tresnasihin titiang. Angayubagia atur titiang majeng ring ida sanghyang widhi wasa antuk asung kerta waranugraha ida , titiang sareng ida dane sareng sami jagi pacang kacunduk ring galahe sane becik puniki . Sadurung titiang nglantur, nunas galah titiang nyinahang angga , wastan titiang Ni Wayan Fitri saking SMA NEGERI 1 NUSA PENIDA . Ida dane sane wangiang titiang , ring galahe sane becik sakadi mangkin titiang pacang ngaturang orasi indik URATI LUU NGULATI BALI ASRI .
Bali pinaka pulau sane sampun kaloktah ring dura negara. Punika mawinan akeh para wisatawan mancanegara rauh ka Bali mangda prasida ngrasayang kaluwihan nyane. Makudang-kudang genah pariwisata sane wenten ring Bali silih sinunggilnyane ring kabupaten Klungkung sane mawasta Nusa Penida magenah ring sisi kelod sane kapalasang antuk selat segara. Kawentenan pulau Nusa Penida punika pinaka pulau sane manados tetujon utama genah mawisata punika mawinan Nusa Penida kaucap TELUR EMAS PULAU BALI .
Panglimbak pariwisata Nusa Penidane sampun kaloktah ring mancanegara, punika sane mawinan akeh wisatawan rauh ka pulau puniki. Sajeroning panglimbak pariwisata ring Nusa Penida sane sampun karasayang becik olih krama pastika akeh pikobet sane kamedalang silih sinunggilnyane indik luu, inggian punika iraga pinaka krama Nusa Penida patut urati ring pikobet puniki.
Ida dane sane wangiang titiang , luu sane kapolihang olih panglimbak pariwisata punika sepatutnyane irage juangin utawi kutangin, napi ngawinan? Yening luu punika nenten ka kuangin, Nusa penida nenten patut kawastanin TELUR EMAS PULAU BALI , antuk punika sepatutnyane pemerintah mapaica urati ring pikobet luu punika, antuk ngaryanin awig awig . Ngawentenan sosialisasi indik mabuat pisan urati ring pikobet luu mangda krama sami uning indik dampak baya luu taler pemerintah nyiagayang fasilitas sekadi genah sampah ring pusat.
Ida dane sane wangiang titiang, ngiring iraga sareng sami ngwangun Bali dados pulau sane bebas saking luu ,kedas , tur asri . Antuk punika ngiring tincapang rasa tresna tekening wewidang iraga . Sampunang nyantosang pemerintah malaksana , iraga pinaka krama Bali lan para yowana sane pacang dados generasi penerus Bali eling ring kebersihan jagat baline , antuk nenten ngutang luu ring genah sane sampun kecumawisan utawi genah sane sampun kasiagayang .
Ida dane sane wangiang titiang , wantah sekadi asapunika sane prasida atur titiang ring galahe puniki ,matur suksma antuk uratian ida dane sareng sami , yening wenten bebaosan titiang sane nenten manut ring arsa utawi kayun , titiang nunas pengampura , inggih puputan titiang antuk parama santhi
Om Santhi Santhi Santhi Om .
Enable comment auto-refresher