Taluh Mas
Summary
In English
In Balinese
Kacerita di Banjar Kawan, ada daha tua maumah mapunduh dadi apisaga. Daha mabok selem jele pesan solahne, tusing demen mapitulung, maimbuh iri ati. Daha ane ubanan, melah solahne, demen ia nulungin anak tiwas. Sedek dina anu, ada kedis dedara ulung di pakarangan daha mabok selem. Kedis dedarane ento tangkahne matatu tur tusing nyidang makeber buin. Gedeg pesan daha mabok selem sawireh di natah umahne ada kedis dedara matatu, lantas kedise ento ulahina. Kedis dedarane ento kadena lakar ngusak asik pamula-mulaane. Kedis dedarane ento mautsaha makeber, nanging bayune lemet. Kedise ento lantas ulung di pakarangan daha ubanan. Nepukin kedis dedara ulung maglebug, sepanan jagjagina teken daha ubanan. Kedise lantas duduka tur tatune ubadina. Kedise ento lantas ubuhina. Sasubane tatune uwas, kedis dedarane ento buin elebina. Sawatara petang dina, kedis darane ento buin malipetan ka umah daha ubanan. Kedise ento nglantas macelep ka guwungane ipidan, laut mataluh mas. Keto sadina-dina darane ento malipetan kema, masih ia mataluh. Daha ubanan bagia pisan maan pawales emas uling kedis dedarane. Tusing makelo, ia dadi sugih nglebihin kasugihan desane ditu. Mara Daha Mabok Selem nawang pisagane sugih, lantas ia kema nyibsib ka umah Daha Ubanan nagih ngemalin dedarane. Kedis dedarane juka lantas abana mulih, celepanga ka guwungan gelahne, pejanga jumah meten, apanga ditu kedise mataluh emas. Nanging kedise tuara nyak mataluh. Makelo Daha Mabok Selem ngantiang, kedis dedarane tuara mataluh, kanti ia gedeg nagih emposa baongne. Mara Daha Mabok Selem ngungkabang jelanan guwunganne, nget kedis dedarane ento masiluman dadi lelipi gede tur mandi, matendas duang dasa. Daha Mabok Selem tangkejut, jerit-jerit ngidih tulung. Pisagane lantas rame teka, ada ngaba tumbak, ada ngaba kayu, bakal anggona ngmatiang lelipine. Mara pisagane neked ditu, lantas lelipine ento masiluman dadi kedis dedara laut makeber malipetan ka alase. Anake ditu pada ngon, nawang kasaktian kedis dedarane, tur pada takut orahanga dedarane ento Bhatara nyalantara. Kramane buung nulungin Daha Mabok Selem, mapan dahane ento corah tur tusing demen nulungin anak.
In Indonesian
Suatu hari, seekor burung dara terjatuh di halaman rumah perawan tua berambut hitam. Burung itu terluka dan tidak kuat terbang lagi. Perawan tua berambut hitam marah mengetahui ada burung dara terjatuh di pekarangan rumahnya. Burung itu pun diusir. Dia menduga burung itu akan merusak tanamannya. Burung dara itu berusaha terbang sekuat tenaga, tapi terjatuh lagi. Kali ini burung itu terjatuh di lahan perawan tua ubanan. Melihat burung jatuh dan terluka, perawan tua itu pun mendekat dan mengambil burung itu. Lukanya diobati. Burung itu dirawat dengan baik. Setelah lukanya sembuh, burung dara itu kembali dilepas ke alamnya. Empat hari kemudian, burung dara itu kembali ke rumah perawan tua ubanan. Burung itu masuk sangkar dan bertelur emas. Begitu setiap hari, burung itu datang, masuk sangkar, dan bertelur. Senang sekali perawan tua ubanan mendapat balasan berupa emas. Perawan tua itu pun menjadi orang terkaya di kampungnya. Perawan tua berambut hitam akhirnya mengetahui penyebab tetanngganya jadi kaya. Dia pun sembunyi-sembunyi mendatangi rumah tetangganya, niatnya mencuri burung dara. Setiba di rumah tetangganya, dia pun menangkap burung dara dan dibawa pulang. Sesampai di rumah, burung itu dimasukkan kandang, harapannya cepat bertelur emas. Namun burung itu tak kunjung bertelur. Lama sudah perawan tua berambut hitam menunggu, namun burung itu tak kunjung bertelur. Ia pun marah dan berniat memelintir leher burung itu. Baru buka pintu sangkar, burung dara itu berubah wujud jadi ular besar berkepala 20.
Perawan tua berambut hitam kaget bukan kepalang. Ia menjerit-jerit minta tolong. Warga pun berdatangan, ada yang bawa tombak, ada pula bawa kayu untuk membunuh ular itu. Setiba warga di rumah perawan tua berambut hitam, ular itu kembali berubah wujud jadi burung dara lalu terbang ke hutan. Warga bengong melihat ada burung dara sakti, sangkaan mereka itu adalah perwujudan Tuhan. Warga pun batal membantu perawan tua berambut hitam karena semasa hidupnya, perempuan tua itu tak suka menolong sesama.
Enable comment auto-refresher