Covid-19 ring pulo Bali suba makelo pisan. Tusing ada ane nawang buin pidan virusne lakar ilang. Muride pada sing masuk. Pegawene masi magae uli jumah. Pada liu anake mulai bisnis cenik ngantos bisnis gede.
Suba liu pesan saran miwah solusi saking pamerintahe nanging tileh penyakit niki nongos sareng manusa ring gumi. Mavaksin suba, ngumbah lima, nyalanang protokol kesehatan tur sane lianan suba laksanaang olih masyarakat makasami. Saking makelo virus coronane, adaanga jani ane madan PPKM Darurat. Pusat mablanja abedik ane mabukak, ada ane akejep mabukak, jani biin batasine galah ngajeng di warung makan tuah 20 menit. Jalane masekat lan jagane teken polisi tur pecalang.
Usaha pamerintah buka kene luung sujatine, yening virus niki sampun ilang iraga makasami bisa hidup buin cara biasane. Nah pengalaman tiang sekat PPKM Darurat niki, dugase ento tiang jagi pulang kampung. Mangkin rame pesan anake ngantre apang periksane olih petugas. Ulian ento, makelo pesan ngantiang giliran tiange. Pesu lantas ide, laut ngalih jalan cenik tur kemu lanturang tiang majalan malih apang enggal neked di kampung.
Menurut tiang, sira sane wikan makarya alat pengecekan anggen ngecek tiap manusa sane jagi liwat apang tawang suba mavaksin napi dereng. Niki wantah solusi tiang. Apang tusing liu anak mapupul, nika ngawinang berkrumunan. Nenten patut yening nika terus kalanturang. Iraga nyidaang nyalanang prokes, dijalan masi aman, tertib makasami masyarakat miwah petugas nika ten keweh magae.
Aktifkan pemuatan ulang komentar otomatis