Matetulung Teken Anak Ngidih Tulung

20220518T153708124Z703375.jpeg
0
Vote
Title (Other local language)
Photograph by
Reference for photograph
Author(s)
Subject(s)
    Reference
    Related Places
    Event
    Related scholarly work
    Reference
    Competition
    Pengungsi


    You are not allowed to post comments.

    What is your attitude and responsibility to refugees who come to your area because of a conflict such as what's happening in Ukraine?

    Description


    In English

    In Balinese

    Yening wenten peperangan negara siki ajak negara len sinah lakar ngeranayang mewug-wugan di gumine. Alih-alihan keweh, gae sing ada tur ngalih isin basang masih keweh. Ento masih ngeranayang ajak mekejang keweh. Sing ngitungang anak sugih anak lacur, disedek gumine uwug mekejang ajak keweh, wiadin lacur wiadin sugih. Anak sugih dot mabelanja dagang sing ada, apa buin anak lacur dot mabelanja pipis sing ngelah. Lenan teken ento, sedek gumine uwug manusane makejang tusing ngitungang cenik, kelih, tua, bajang onyangan merasa takut tusing ada ngerasayang dikenehne ane madan demen. Setata inguh teken ngerasayang takut. Yen dugas gumine konden uwug makejang manusane ngerasa demen kemu mai pejalane elah, tusing taen ngerasaang takut. Apa-apa ane kenehanga manusane tusing ia ngerasaang keweh ngalih. Yen anak sugih liu ia ngelah pipis, apa ne kenehanga elah meli. Yen anak lacur wiadin ia sing ngelah pipis dijalan ia ngalih gae, wiadin dadi dagang, wiadin dadi buruh apang ngelah pipis lakar anggona mabelanja keperluan ia ane di kulawarga. Yen gumine landuh sinah ajak onyangan elah ngalih gegaen anggon isin basang wiadin ane lakar anggona sewai-wai. Yening ada peperangan liu manusane sengsara, sinah liu manusane ane ngidih tulungan teken negara ane tusing kena perang. Umpamiang cara gumin iraga tusing kena perang, yening ada anak ngidih tulung ngungsi ka negaran iraga, iraga patut matetulung teken anak kasengsaran. Iraga nulungin anak ngidih tulung tusing dadi makeneh ragu, iraga nulungin anak tuah madasar keneh ane tulus. Yening iraga matetulung teken anak kasengsaran aji keneh tulus sinah anak ane tulungin merasa lega maan pitulungan. Iraga masih merasa demen yening maan nulungin anak yadiastun tusing ngidang matetulung liu. Yening keneh-kenehang matetulung teken anak ngamerluang wantuan sapatutne iraga tusing dadi makeneh atenga-atenga tur patut enggal nulungin anak. Yen nulungin anak tusing dadi mabina-binaan, wiadin nulungin anak lacur teken anak sugih. Sedek anak kasengsaran anake ane tulungin ento sing ada ia merasa sugih wiadin lacur, makejang merasa sengsara. Ento mawinan iraga nulungin anak tusing dadi mebina-binaan sedek anak kasengsaran. Apa ne mekada iraga patut nulungin anak ane sedeng kasengsaran wiadin anak ngidih wantuan? Yening iraga kena kasengsaran utawi gumin iraga kena peperangan sinah iraga lakar ngidih wantuan teken anak len. Iraga dadi manusa digumine tusing padidi, ento makada iraga patut saling matetulung ajak timpal. Yen iraga suba ngelah keneh matetulung teken anak len, sinah iraga yen kena kasengsaran, anak len pasti lakar mapitulung teken iraga. Tuah ditu kagunan iraga dadi manusa sepatutne idup di gumine saling wantu wiadin saling tulungin. Ento mekada iraga perlu saling tulung, saling wantu. Ulian saling tulung, saling wantu, apa ane lakar alih tur kenehang pasti enggal bakat. Ento mawinan iraga idup di gumine sing dadi ngenehang dewek padidi, raga patut setata inget idup di gumine ajak liu. Ada ane kasengsaran, ada ane merluang wantuan teken anak len. Ditu gunane iraga idup saling wantu ajak anak len sedek ia kena kasengsaran wiadin merluang wantuan. Yen suba iraga ngelaksanayang swadarma dadi manusa saling wantu sinah idup iraga ngerasaang bagia, lega saling asah, asih asuh. Keto patutne yening iraga dadi manusa inget teken swadarma dadi manusa idup di gumine.

    In Indonesian