Rasa Angayubagia pisan manah titiange ring rahina sane mangkin, sadurung titiang ngelantur lugrayang tityang nunas astiti majeng ring Ida Sang Hyang Widhi Wasa, melarapan antuk nguncarang Puja Pangastawa Panganjali Umat OM SWASTYASTU . Sane wangiang titiang para angga panureksa wimbakara Wikithon , sane kusumayang titiang Bapak utawi Ibu tim Basa Bali Wikithon, sapunika taler para semeton sareng sami sane tresna sihin titiang.
Ring galah sane becik puniki lugrayang titiang ngaturang unek-unek ring manah titiange antuk pikobet sane patut kapolihang solusi olih para calon pemimpin Bali, inggih punika ngenenin indik pikobet Pariwisata Lan Budaya ring Bali. Ring jagat Bali puniki kasub antuk pariwisata utawi keindahan alam nyane. Akeh para manca negarane maplesiran ring Bali, wenten sane liang nyingakin tradisi lan budaya ring Bali, wenten sane liang nyingakin pemandangan alam ring Bali puniki. Perekonomian Guru Wisesa lan parajana ring jagat Bali nyansan sue nyansan becik lan ngemunggahang. Sakewanten, ring sisi lianan, pariwisata ring Bali ngawinang akeh lahan-lahan minakadi lahan bangket, hutan, lan sane siosan kagusur lan anggene makarya gedung utawi wisata.
Pikobet punika dahat utama, nika ngawinang para petani lan pangan ring Bali nyansan nedunang. Para manca negarane taler dados makta pengaruh negatif ring jagad Baline puniki, contoh ipun sakadi : sane kapertama, para manca negarane nenten patut makta sepada motor utawi kendaraan sane lianan ring margine. Akeh wenten kejadian sane nenten patut lan ngerugiang parajana Baline. Sane kaping kalih inggih punika, para Manca negarane nenten uning utawi nenten prasida ngwangiang lan ngajegang tradisi, budaya lan kapercayaan parajana Baline. Sane kaping tiga inggih punika, yening para manca negarane sue ring Bali pastika para manca negarane pacang makte kabudayaan sane baru utawi modern ring jagat Baline. Sane kaping pat inggih punika, para manca negarane nenten prasida nyaga kesucian Pura ring Bali puniki, para manca negarane nenten uning adat istiadat utawi aturan yening jagi ngeranjing ring genah sane suci ring Bali.
Para pemimpin Bali mangda sayage ngemolihang solusi indik pikobet punika, yening nenten polih, nyansan sue perekonomian parajana lan pangan jagat ring Bali pacang nedunang. Ngiring sareng-sareng ngemolihang pemimpin Bali sane prasida makta jagat Baline puniki ring jagat sane becik lan prasida ngemolihang solusi-solusi antuk pikobet sane wenten ring Bali, mangda jagat Baline prasida sutrepti lan lestari.
Inggih Ratu Ida Dane sareng sami, wantah akadi asapunika pidarta pikobet sane prasida aturang titiang ring rahina sane mangkin, menawita wenten atur titiang sane nenten manut ring manah Ida Dane sareng sami, titiang nunas geng rena sinampura, puputang titiang antuk nguncarang Parama Santih OM SANTIH SANTIH SANTIH OM .
Enable comment auto-refresher
Anonymous user #1
Permalink |
Anonymous user #1
Permalink |
Anonymous user #1
Permalink |