Ragane pasti uning, Berita sane wenten di Bali mangkin inggih punika banjir. Uning ragane napi sane ngawinang banjir? Sane ngawinang banjir inggih punika liu anak sane ngentungang luu di tukad miwah alih fungsi kawasan jalur hijau. Sane kapertama, mangkin bek sajan anake sane tusing rungu tek n himbauan pemerintah apang tusing ngentungan luu ngawag ka tukad, sane ngawinang banjir. Contonyane ring muara pantai dreamland. Medasar antuk berita CNN Indonesia, luu sane wenten ring muara pantai dreamland punika baatnyane dados 100 ton. Pemerintah patut nyuudang pikobet en , antuk pemargi nganggen hukum adat ring desa. Riantukan para krama baline tunduk sareng hukum adat. Solusi puniki patut pisan kelaksanayang uli lingkungan sane cenik simalu contonyane lingkungan banjar. Iraga ngidang nyuudang pikobet banjir niki, nganggen :
1. Yening nyingakin anak sane ngentungang luu ke got utawi tukad patut pisan kelaporang ka klian banjar 2. Yening sampun melapor, klian di banjar patut metaken sareng anak sane ngentungang utawi Intrograsi apa sane ngranayang ia ngentungang luu ngawag ke saluran yeh utawi tukad? Miwah prajuru banjar patut ngemaang pitutur simalu apang anake ento tusing buin ngentungang luu ngawag ngawag. 3. Raris yening ia buin kacingakin ngengtungang luu ngawag, anake ento patut kena sanksi marupa mekedas-kedas ring seluruh lingkungan banjar tongos ia meneng antuk neren pitung dina. 4. Yening sampun suud kena sanksi, anake ento patut ngidih pelih ring arep krama banjar tatkala wenten sangkep di banjar. 5. Miwah ngelaksanayang gotong royong aminggu apisan sareng krama banjar ring sekitar lingkungan banjar.
Ring solusi puniki, keaptiang apang para kraman tusing buin ngentungang luu ngawag. Miwah awig-awig niki, patut keicenin majeng ring seluruh krama sane wenten ring bali, contonyane krama bali, krama dura bali, anak lingsir, yowana, anak cenik, miwah pejabat sane tusing nyingakin status sosial.
Alih fungsi lahan punika silih tunggil sane ngawinang banjir. Pidan bali akeh wenten carik, nanging mangkin akeh sane sampun megentos dados perumahan. Medasar berita saking BaliPost.com, carik utawi lahan hijau sane wenten ring bali warsa 2019 inggih punika 9.072 hektar, nanging ring 2022 dados 8.024. Yening keto pejalane pastika lakar ngawinang banjir. Ring pikobet ento, pemerintah sampun menetapkan kawasan jalur hijau, sane nenten dados kewangun antuk peumahan.
Nanging pemerintah patut pisan mempertegas ritatkala nglaksanayang awig awig larangan membangun ring kawasan jalur hijau. Tityang nyinyakin akeh pisan kawasan jalur hijau sane sampun maubah dados perumahan pemukiman contonyane ring kecamatan Kuta Utara. Wenten kaunggah dokumen ALIH FUNGSI KAWASAN JALUR HIJAU DI KECAMATAN KUTA UTARA SERTA PENGARUHNYA DALAM MENYERAP EMISI CO2 olih I Kadek Pasek Setiawan sane wenten conto alih fungsi kawasan jalur hijau ring Kuta Utara. Manut ring dokumen punika, ring tahun 2006 akeh luas kawasan jalur hijau punika 231,79 hektar nanging ring 2019 luas kawasan jalur hijau sampun menyusut dados 191,69 hektar. Punika sane nyihnayang pemerintah nenten tegas ritatkala ngelaksanayang awig awig larangan membangun ring kawasan jalur hijau. Napi mawinan kawasan sane sampun ditetapkan dados kawasan jalur hijau sampun megentos dados paumahan? Yening kemanah antuk tityang, mekejang solusi nika becik. Nanging, ritatkala nglaksanayang solusi punika patut pisan wenten kerjasama miwah keseriusan antara pemerintah sareng masyarakat mangda solusi punika prasida kelaksanayang memargi antar.
Enable comment auto-refresher