Om Swastiastu,
Semeton, idadane sareng sami sane prasida rauh ring genah puniki titiang merasa gargita pisan, duaning ratu ida dane prasida kacunduk, tur samian kapica kerahayuan, seger oger. Ring tepengan sakadi mangkin, titiang jaga ngaturang ring ajeng pamiarsa sareng sami ngeninin indik lingkungan, yening aturang titiang ring sastra bali inggih punika palemahan pinaka silih sinunggil pahan ring Tri hita karana.Tri hita karana punika nenten sios malih wantah tetiga sane prasida ngranayang iraga rena. Titiang panjang atur indik Tri hita karana, nanging pebaosan ring galahe puniki cutetang titiang jaga ngaturang indik sampah. Sampah, luwu, miswiadin barang sane sampun nenten dados kanggen malih, wiadin sane sampun tanmaguna malih. Umpaminipun bungkos ruko, bungkus jaja, miwah sane lenlenan.
Ratu ida dane sane sareng sami,sampah wiadin luwu punika wenten duang soroh, inggih punika:
1 Sampah organik, inggih punika luwu saking entik-entikan sane marupa don-donan, carang kayu, miwah woh wohan.
2 Luwu an-organik, nika ngranjing ring luwu sane saking tan entik-entikan. Minakadi belahan kaca, plastik, plastik, besi miwah akeh sane tiosan.
Pamiarsa sareng sami, Indayang mangkin uratiang ring palemahan duene soang-soang. Ring umah jero puri griya soang-soang. Ring margi ring angkutan umum, miwah ring genah sane tiosan. Sane dahat patut kauratiang mangkin sapunapiang sampah wiadin luwune punika? Sampunang dumun indik luwu sane wenten ring tukad, danu, ring margi. Ngriring luwu sane wenten ring kantor, jero, umah, puri, griya soang-soang sane becikang pucung, keramik, wiadin barang siosan. Riantukan luwu sane wenten ring paumahan punika sane pinih akeh.
Niki tunasang titiang ring semeton sareng sami, mangda sampah wiadin luru ring paumahan soang-soang prasida katitenin mangdane palemahan wiadin lingkungan duene tetep asri lan lestari. Yening paumahan sampun prasida asri,pastika lingkungan wiadin bebanjarane taler asri tur lestari. Ratu, idadane sareng sami, pameskasne aturang titiang ngiring sareng sami sampun ngawikanin. Titiang wantah mapinget kamenten. Sira ugi wenten sane lali.
Inggih ratu ida dane para pamiarsa lan pemilet sinamian,
Wantah ada punika titiang prasida matur ring ajeng pamiarsa. Dumogi napi sane aturang titiang wenten pikenah ipun. Ampurayang indik basan titiang nenten manut ring sajeroning manah. Puputang titiang antuk parama santhi.
Enable comment auto-refresher