Jagat Kertih

Title

Jagat Kertih

Affiliation

SMA NEGERI 1 SELEMADEG

Regency/City

-

Author(s)

Ni Putu Ayu Tasya Asti Pradnyani

Category

High School

Year

Photo Credit/Source

Karya sendiri

Video Credit/Source

School/Org (if applicable)

SMA NEGERI 1 SELEMADEG

Location

Jln. Gelogor, Bajera, Selemadeg
The place does not exists yet in wiki, click to create it

Enable comment auto-refresher

In English

—

In Balinese

JAGAT KERTIH

Om Swastyastu Om Awighnam Astu Nama Sidham Inggih ida dane sane wangiang titiang, Taler para semeton yowana sareng sami sane tresnasihin titiang.

Sadurung titiang nglanturang atur ngiring pinih ajeng iraga sareng sami nunas ica majeng ring Ida Sang Hyang Widhi Wasa, duaning sangkaning pasuecan Ida prasida iraga mapupul iriki sajeroning acara Wikithon Partisipasi Publik Bali Berorasi. Ring galahe sane becik puniki, titiang jagi ngaturang pidarta utawi orasi sane mamurda Jagat Kertih.

Inggih semeton titiange sareng sami, iraga patut uning indik palemahan pinaka sumber kahuripan iraga lan patut kajaga becik becik. Sakewanten mangkin, palemahan iragane sampun keni pikobet sane ageng. Polusi udara, toya miwah tanah, karusakan alas, miwah pauwahan iklim makasami ngawinang pikobet ring palemahan miwah kesehatan iraga. Ngantos mangkin palemahan miwah alam ring Bali durung mecihna bersih tur asri. Titiang maosang kadi punika duaning sering sampun kecingak wenten anak sane kantun ngrusak palemahan sakadi ngebah taru tanpa izin miwah ngentosin carik dados wewangunan. Ring kebersihan palemahan taler durung macihna memargi duaning sekadi ring kota kota kantun akeh luu sane mauyag tur kawentenan tukad sane daki tur cemer.

Yening parindikane puniki nenten kauratiang pastika pacang ngawinang para wisatawan sane rauh ka Bali sayan ngidikang punika taler kesehatan masyarakat nenten terjamin.Malarapan indike punika, majeng ring para pemimpin Bali sane jagi pacang ngamargiang pemerintahan ring Bali utawi sane pacang kapilih ring warsa 2024, titiang ngaptiang mangda nguratiang indik jagat kertih puniki. Pemimpin Bali kaaptiang prasida ngicen solusi ring pikobet puniki.

Ngiring sareng sareng makarya mangda palemahan iraga tetap sehat lan lestari antuk masa depan iraga miwah generasi sane pacang rauh tur prasida nincapang pariwisata ring Bali. Wantah asapunika sane prasida katur titiang, kirang langkung titiang nunas sinampura. Pinaka pamuput atur titiang antuk ngaturang parama santih. Om Santih, Santih, Santih Om

In Indonesian

—

Property "SummaryTopic ban" (as page type) with input value "Inggih semeton titiange sareng sami, iraga patut uning indik palemahan pinaka sumber kahuripan iraga lan patut kajaga becik – becik. Sakewanten mangkin, palemahan iragane sampun keni pikobet sane ageng. Polusi udara, toya miwah tanah, karusakan alas, miwah pauwahan iklim makasami ngawinang pikobet ring palemahan miwah kesehatan iraga. Ngiring sareng – sareng makarya mangda palemahan iraga tetap sehat lan lestari antuk masa depan iraga miwah generasi sane pacang rauh tur prasida nincapang pariwisata ring Bali." contains invalid characters or is incomplete and therefore can cause unexpected results during a query or annotation process.