Kabupaten Bangli silih sinunggil Kabupaten sane wenten ring wawidangan Provinsi Bali, Kabupaten Bangli magenah ring tengah-tengahin Provinsi Bali, nika mawinan Kabupaten Bangli nenten madue pesisir segara utawi pantai. nanging ring Kabupaten Bangli madue Danu, miwah Gunung sane sampun kasub ngantos ke Dura Negara nenten wenten tios wantah Gunung Batur miwah Danu Batur. sane pinaka wit toya masyarakat ring Desa Songan. Tiosan ring kawentenan Danu Batur ring kabupaten bangli punika taler akeh wenten genah-genah wisata sane kasub, wenten Desa Panglipuran, Desa Penglipuran punika pinaka Desa Wisata sane kedas tur asri sane sampun katetepang dados Desa Terbersih di Dunia, arsitektur wewangunan pauhaman ring panglipuran sane kantun Tradisional, sane ngawinang Desa Penglipuran punika pinaka Desa Terbersih DiDunia. taler ring Bangli wenten Desa Trunyan pinaka Desa Sane kauningin kasub ngantos ke Manca Negara, antuk sawe mayat sane nenten ke tanem utawi kakubur nanging kaslelegang ring taru menyan utawi Kayu Cendana. Tiosan ring kawenten punika, Kabupaten bangli pinaka Kabupaten sane curah hujan nyane paling sering, punika mawinan Bangli Pinaka Kota sane dingin, ritatkala sampun naggep sasih ujan, ring Kabupaten Bangli akeh pisan wenten bencana, sane pinih sering punika Tanah Longsor sane ngawinan margi punika punggel. ring warsa 2024 wenten margi sane pegat ring wewidangan Sidembunut punika margi sane pacang nuju Kabupaten Karangasem, Punika kepastikaang Tanah ring Bangli punika Labil. sane ngawinang akeh bencana Tanah Longsor. Ring warsa 2024 punika taler wenten margi sane punggel inggih punika margi sane pinka penghubung kalih desa ring Kecamatan Susut Bangli, sane magenah ring Banjar Malet Tengah, Desa Tiga, Kecamatan Susut, Kabupaten Bangli. tiosan ring punika, sane ngawinang akeh longsor punika akeh sane mangkin hutan ring Bangli sampun keni Deforesasi.miwah akeh tanduran kayu punika sane sampun kebah kaanggen pelinggih miwah bangunan sane wenten ring bantaran pesisi tukad-tukad, nika mawinan toya hujan punika nenten kaisep olih akah punyan kayune, nika taler ngawinang tanah pasir sane wenten ring bidang glincir sane miring pacang labil ritatkala masan ujan. ritatkala musim hujan tanah sane wenten rongga utawi berpasir punika pacang medaging toya sabeh nika ngawinang tanah pacang labil lan pacang dados longsor. nika taler sane ngawinang akeh pisan margi-margi embid miwah Longsor ring kabupaten Bangli. yening selehin ring kawentenan bencana sane sekadi punika, patut katureksain miwah patut kerereah solusi, sapunapi sepatutne yening sampun sekadi punika? pastika ring para sujana, sane ngamel jagat patut nginkinang sapunapi sepatutne manggda ritatkala masan ujan sampun rauh presida ngirangin bencana banjir miwah Longsor sane wenten, miwah mangda nenten wenten korban jiwa. yening sekadi titiang, yening bencana punika sayuakti Alam sane mekada, nanging sampun sepatutne iraga mencegah mangda ngidikang kawentenan bencana punika, iraga patut nyaga kawentenan taru sane ageng sane magenah ring pasisi tukad, santukan taru taru ageng punika akahnyane sane pacang ngamel Tanah mangda tanah punika kuat nenten ngawinang banjir tur longsor, selanturnyane, mangdane margi-margi sane wenten ring Kabupaten Bangli sane medaging jembatan utawi sane wneten ring sisi tangkid punika mangda kasender, turmaning mangda kepastiuang kemiringanyane miwah ngaryanang margi toya mangda ke tukad-tukad ageng. sane kaping untat utsaha sane patut kelaksanayang inggih punika neneten ngutang leluhu ke tukad-tuakd miwah ke margi-margi toya, sane ngawiang banjir miwah Tanah Longsor.
Enable comment auto-refresher